بغيت تساعدوني في اكل قطتي الصغيرة

[دلع بحريني]

حاولت انظف اذنها بمنديل ناشف لكن القشور هذي داخل في اذنها ماقادر ادخل المنديل اكثر >___<


ياربي شنو الحل ؟؟؟


واليوم انا كلش ما اقدر اروح للبيطري يوم الاثنين ان شاءالله اذا الله بلغني بروح >____<

[دلع بحريني]

انزين بعد عندي سوال ...


شلون افرق بين شمع الاذن والقراد مثل ما انتو تقولون ؟؟؟

واخوي آنو هذا اهوه صوره الواكسول ؟؟؟

[founah]

هلا اختي شمع الاذن يكون لونه بيج مثل شمع الانسان اما القراد يكون مثل ماوصفتيه اذا كانت تحك اذنها كثير وتهز راسها معناته قراد وانتبهي اذا ماعالجتيها رح يروح للاذن من بره ويسوي فطريات انا يوم اهملت ايمو صارتلها فطريات من برا والعلاج زيت زويتون تحطينه بقطن الاذن وتطوين اذنها وتمسحيلها بس اتدخلينه في الحفره يعني بس الي حوله ولازم تنظفين المحل الي هي فيه لان الحشرات هذي يوم تحك تطير للارض ورح تدور مره ثانيه على اذن القطه وتدخل ونظفلها اذنها مرتين باليوم واادري انا قطوتي اخذت اسبوعين بعدين راح منها

[آنـــــو]

ايه نعم هذي القطره اللي استخدمها دايم نصحني فيها بيطري بس ماادري اذا بتضر القطط الصغير ه ولا لا
ونصحني بعد بزيت الزيتون لو بغيت الين هالقشور لأنها حيل ناشفه وحيل ماسكه باللحم
القشور اللي قلتي عليها المسبب الاول فيها القراد الحشره البيضا مابتشوفينها مضبوط الا اذا دققتي بأذنها مضبوط

اذا حاولت تمسحينها بمنديل ناشف او اي قطعه ناشفه راح تعورينها وتتجرح لأن مثل ماقلت هالماده ماسكه باللحم

بس ان شا لله مب قراد ولاشي الافضل تودينها البيطري ينصحك ويشخص حالتها

على فكره ماهو معدي للبشر مابيضرك

وأنا آختك

[آنـــــو]

ونسيت اقول ان شمع الاذن يجي لونه بني وشبه لزج يعني به ليونه

اما القراد يجي لونه اسود وناشف وبكميه كبيره هذا غير اضافة أختي founah الحك وهز الرأس وأمالته لجهه

[دلع بحريني]

واااااااااي فديتكم انتو الثنتين founah + آنو

تسلمون لي حبيباتي على نصايحكم الحلوه ^____^


مساعه نظفت اذن بوسي بعود اذان ممسوح بشويه زيت زيتون والحمدالله نظفت اذونها وطلع منها مثل القشور السوده


الحين نظفت وااااااااااايد عن قبل حددددي مستانسه


ان شاءالله بعد باليل بنظف اذنها

لي يوم الاثنين اوديها البيطري ان شاءلله .. ولا ماله داعي ؟؟؟

[founah]

دوووم الفرحه ^_^

انتضري لين اسبوع اذا ماراح منها وديها

[آنـــــو]

حاضرين للطيبين

[دلع بحريني]

قوووووووووووووة


توني راااااااجعه من البيطري ^____^

والحـــــــــــمدالله الحمدالله ...اللي فيها في اذونها مب قراد ولا شي هذي شمع في اذنها وايد كثير متجمع

نظفه لي البيطري بعود اذان ويا مسحه فازلين خفيفه .. وقالي مافيها الا العافيه


واليوم وانا اتعشا كنت اكل ريش مشوي ( اضلاع) وبوسي كانت جالسه جمبي .. اشتمت الريحه وعلى طول نطت في الصحن وجلست تاكل

حدددددي استانست عليها وعطيتها ضلع بروحها تاكل ^___^


يعني ان شاءلله مافي مضره لها اذا عطيتها من اللحم اللي احنه ناكله ؟؟؟

[دلع بحريني]

محد رد على اسئلتي ؟؟؟

انزين وبعد عندي سوال يعني عادي اخلي قطوتي تاكل من اكل البيت المطبوخ اللي احنه ناكله ؟؟؟

مثل سمج مقلي ولا دجاج مطبوخ ؟؟؟ ما يضرها يعني ؟؟؟


واهي اليوم بعد الصبح اكلت سريرلاك ... عادي السريلاك ما يضرها او يسوي لها اسهال ؟؟؟


انتظر الرد