سؤال بخصوص rottweiler لاصحاب الخبره فقط ؟!؟!

[timber]

مرحبا شباب بس عندي سؤال عن الروت وايلر حابي اعرف الفرق بين الروت الامريكي والروت الالماني انا الي اعرفه انو الالماني اقصر من الامريكي وكمان راسو اعرض من الامريكي وفي مره سمعت انو اصلا ما في فرق بس التسميه على اساس مكان المولد...

عموما حابي نقاش الموضوع دا عشان تعم الفايده

ومعليش ارجو الرد من اصحاب الخبره لا غير عشان نقدر نستفيد واسف على الازعاج

وكمان الي يعرف سعر الروت في مصر يورينا

تحياتي للجميع

[عمار عريف]

الروتوايلر اصلا الماني ووطنه الاساسي المانيا وله قياساته المعروفة والستاندرد المعروف وهو ليس كما يظن الناس خطئا عملاق بل هو متوسط الى كبير الحجم

ولكن تم تربيته في امريكا لاحقا واكتسب ضخامة اضافية الى حجمه الاصلي وحقيقة اشك ان ذلك ملعوب فيه وهذه طبيعة الامريكيين في العبث في الحياة والطبيعة واستعمال الهرمونات والخرابيط.............الخ

ولا ادل على ذلك مثل الازمة الحالية بما يسمى بالتعديل الوراثي

وظهور ماركات " منتج غير معدل وراثيا " فحبة القوطة مثلا او الطماطم وين مارحت لها حجم مألوف تزيد او تنقص عنه قليلا

اما تصبح بحجم كرة قدم او ماالى ذلك فلن اكل منها ولا على جثتي!

وهذا ما اتوقع حصوله مع الروت

نعود لموضوعنا الاصلي

فصار هناك روت امريكي وهو اكبر حجما من الالماني

هناك اقوال واتوقع صحتها بان الروت العملاق قد يعاني من مشاكل صحية والله اعلم ولا ادري ما اسبابها

ولكن كل شي خلقه الله بستاندرد معين

واي تخريب فيه يسبب مشاكل

والله اعلم

المحزن المبكي المؤسف ان جماعتنا لايفقهون من العلم الا فلسفته فصار لك شي تسمية ولقب " ملكي "

ويفترض ب " ملكي " ان يطلق على الاصلي والجيد....الخ

ولكن جماعتنا يلقبون الضخم ب " ملكي"

فعندما تقول عندي روت يسألونك عادي ولا ملكي؟

يعني علميا الماني وهو العادري المعفن حسب اعتقادهم او ملكي " امريكي " فاخر !!!!

وهكذا في كل شي


ولا وجود لكلمة ملكي في كل الكتب العلمية وكتب السلالات المحترمة

[timber]

اخ عمار تشكر على المشاركة

الامريكان على قولتك اي شي لعبو في جيناته وغيروا شكلو الطبيعي حتى البشر لعبو في جيناتهم سبحان الله

والعرب كالعاده اي شي فيه يد امريكيه معناه خلااص مافي بعده وهو احسن شي

عموما نرجع حق موضوعنا

وصراحه شي يغيظ انو يلقبوه بالقاب من عندهم زي كلمة ملكي والاغرب زي ما انت قلت قصدهم بالملكي الامريكي الي هو ملعوب فييه سبحان الله مع ان الحجم المتوسط هو الطبيعي حق الروت وايلر زي ما قريت في المواقع الاجنبيه المتخصصه في الروت

عموما بس حبيت اسالك انت قلت الامريكي اضخم وانا قريت في الموقع حق نادي الروت وايلر الامريكي انو الامريكي اطول فهل كنت تقصد بالضخامه الطووول

وقريت في موقع اخر متخصص في الروت انو الروت الالماني اقصر من الامريكي

وكمان قريت ان راس الروت الالماني اضخم من راس الروت الامريكي

واستنتجت من الكلام السابق

ان الفرق بين الروت الامريكي والالماني في الطول والرأس

خلينا نشوف رايك وتحياتي لك وللجميع

[boobee]

http://www.2zoo.com/vb/showthread.php?t=89000

[الكلاسيكي]

المشاركة الأصلية كتبت بواسطة boobee

http://www.2zoo.com/vb/showthread.php?t=89000

ماقصر اخوي boobee

عطاك الرابط وفيه كل الزبدة وبتوفيق طال عمرك ،،

[العاشق الكبير]

الاعضاء سبقوني في الرد

[timber]

ما قصرتوا الرابط انا اصلا مريت عليه وعندي رد فيه مشكوريين

بس انا حبيت الموضوع يكون فيه شوية نقاش كما رد الاخ عمار

شاكر لكم جميعا

[عمار عريف]

اعطيك مثال اوضح

دحين انا سعودي ‘ تمام؟ طيب معروف لنا صفات معينة قد تختلف قليلا فيزيد طول او ينقص ......الخ

ولكن جيب مثلا واحد فرنسي حتلاقيه طويل بدرجة مختلفة جدا ويمكنك تلقيبه بالعملاق لكننا كلنا في النهاية بشر

مو مكتوب على جبين الالماني الماني ولا على الامريكي امريكي

نفس الشي مو لازم كل الالماني يكون كربونه واحدة او على قولتهم فولة واتقسمت نصين

فواحد راسة كروية وواحد راسة شوية مختلفة لكنهم الاتنين المان

ومها كتبوا في المواصفات والفت الكتب والمراجع تلاقي فوارق

لكن يظل الحجم متعارف عليه

بس لمن تجب لي واحد حجمه دبل تقريبا هنا يفرق

فهمت؟

فالزيادة العامة في الحجم هي بالتأكيد سلالة لا تمت بصلة

مثال اخر

ضخامة الرجل الافريقي وضئالة حجم الاسيوي

كلهم بشر

بس هذا من جنس ونسل مختلف تماما ولا يمت باي صلة عرقية للاخر

ولكن ابناء الجلدة الواحدة تجد تفاوت في صفاتهم

باختصار الامريكي اضخم اجمالا

[timber]

وصلت المعلومة وتشكر على الاسلوب الجميل والله يوفقك