منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
 |
 |
|
|
|||||||
 |
|
|
أدوات الموضوع | إبحث في الموضوع | طرق مشاهدة الموضوع |
20-01-2016, 01:52 AM
|
#1 |
|
هاوي
|
حركات جسم الأمازون و معانيها (حصريا من ملاحظتي )
السلام عليكم
أول شي بغيت أقولكم أنه المكتوب هنا من إستطلاعي مع طيري فيروز   ممكن يكون غلط  ولااااااكن  صدقوني تخاطرنا بقلوبنا و بعدها بدى يفهمني ويدرسني وش قصده بحركاته ويوم بحثت بقيت مو بس البلو فرونتيد لا كل فصيلة الأمازون تقريبا يشابهون بعض بالحركات راح أترككم مع الحركات و بعدها أبي ملاحظاتكم و أرائكم وتعقيباتكم على ملاحظاتي  نبدأ بسم الله  أول شي لاحظت كثيييييير من الناس ينادون الأمازون و يقولون مزاجيين و مزاجيين بالعكس الامازون اكثر ببغاء صريح ربيته لحد الآن  و طبعا الكل يسئل نفسه وش يقول هذا  إستخف الرجال وماله غير يومين ماخذ الطير طيب يا خبراء إستعدوا و شوفوا شلون الأمزون صريح لدرجة مو طبيعية وشوفوا فيروز وش كان يقولي " شوف يالحبيب تقدر وأنت تطالعني تعرف أنا وش ابي "  إذا شفتني آصفق بجناحاتي و انا اطالعك و موجه لك و صوتي غريب شوي فأعرف يا ذكي إني هنا ،، تشوفني ،، الووووو يالحبيب ،،،، بديت أزهق ترى و أذا شفتني منزل راسي ،، رافع جنحاني ،، و سمعت صوتي العذب و هو يخرعك ،، وشفت رقصتي يمين و يسار ،، فوخر الشي الغريب الموجود ،،، وخر الشي الجديد عني ،،، وخر هالإنسان الجديد عني ،، وخر قطوك عني ،،، وخر كل شي ما حبيته من مكاني ، مو بكيفك تجيب اشياء ما ابيها و تحطها عندي ،،  ما تبي توخرها خلاص انا بوخر ولا تدري لا بعضه و انتفه لين ينتهي طيب والحل معاك وش اسوي لك لو صرت كذا  عطني خمس دقايق بس و بعدين بقولك تراها لي وخر و بعضك انت إذا قربت لها بس تكفى خلني اتعود شوي  وشوف صح إذا عضيت شي بقوة و جلست افرك فيه و افرك و انا اطالعك فهمتها يالحبيب هذا أنت ترى الي جالس اعضه بس اصبر علي شوي ،، إذا ما وخرت و رجعت تراني ماني مكاو ولاني كاسكو ،، والله وبالله و تالله لتشوف روحك مكانه ،، وقد اعذر من انذر ،، وخررر  لا تسوي لي روحك خايف و متفاجئ ،، أنا بلغتك ،، صح صح إذا شفتني نافخ ريشي و مفرع جناحاتي ،، موب رافعهم لالا مفرعه بس ،، علشان تعرف مين البيق بوس هنا ،،  لا تفكر تلعب معاي سامع شف انا ما بهجم اللحين شوف شوف ،، ترى بس اتوعد فيك و اهددك ،،  شوف باخذ دورة بمكاني على خفيف علشان تشوف جسمي ،، تشوف الواني ،، تشوف ريشي ،، وتعرف وش اقدر اسوي اماا إذا راسي كان تحت وريشي منفوش ،، فمعناتها اني اشتقت لاصبعك يحك راسي و ظهري ،، حكني حكني تكفى ،، شفت اللون الأحم إلي بجناحي ،، اييييييه ،، شفته و هو يصفق يمين و يسار ،،، اعرف اني متجاهلك و مالي خلق شي ابي اجلس لحالي و اروق ،، من الاخر بطنشك طيب ،، اذا شفتني اطالعك و شفت جناحاتي مثل قبل شوي تصوفق قدامك ،، ففهمني يا بشري اي جزئ من " متجاهلك و مطنشك و ما ابي اكلمك ما فهمته " بس شوف إذا شفتني جالس و نافش ريشي مو معناتها إني بردان ترى إيه انتبه لا ،، معناتها اني مروق و ابي اجلس كذا فلا تزعجني ،، شفني الجو رايق و ريشي نافشه ،، و إذا شفتني رافع لك رجلي ،، يعني تعالي و شيلني يالله ،، و إذا شفتني موجه لقدام و منزل راسي و اطالع يمين و يسار ،، فتراني حاط وضعية الغداء ،، تعال بسرعة شيلني وكلني ،، او حس على دمك ياخي و جيب لي اكل ،،.  اما إذا شفتني العب و انقز و اسبح و يمين و يسار و ارفع راسي و انزله و ادق لك رقبه و صوتي بدى يغردش ،، فاعرف إني فرحان لشوفتك و هاذي رقصت الفرح ،،،، محتاج تفاعلك معاي اللحين و حماسك يالله ،، ولا تفكر تطنشني ولا وربي بزعل و بطنقر و بقولك ودني ،،  بس شف شف تراني ابي العب ،، عارف وش يعني العب ،، انا مازوني ترى ،، يعنني لعبي ،، جهز روحك ،، حطينا وضعية الهجوم ،، وووووو فكر لنك تشيلني و انا ما خلصت رقصتي ،، علشان تختبر وضعية الهجوم ،، لحظه لحظه باقي شوي بتنعض ترى وخر يالله خلصت تقدر تشيلني اللحين اما لا تغلط إذا شفتني بنفس الوضعية ،،، صوتي مقارب ،، لاكن عيوني حادة ،، فاعرف إني جالس ارسم حدودي ،، و مقصدي اللحين و رقصتي عكس السابقة ،، اللحين حاط وضعية الغضب فلا تخلط بين الوضعيتين الفرق الوحيد اللحين ان راسي تحت و جناحاتي فوق وقبل شوي جناحاتي تحت و راسي فوق وخر شوي بالله يالاخو ابرسم حدودي و اوري الدخيل علينا منطقتي ،، او وخر و خليني اوخر التهديد الحاصل لنا ،، أنت داخل منطقتي و ترى بدافع عنها ،، هنا ،، مسئلة حياة او موت بالنسبة لي ؛؛ <<<< ترى قام يطردني بالغرفة اول ما دخلت عليه و صدقوني تعلمت الدرس <<< يعني الموضوع مو مزح قررررب و شوف وش بسوي ،، لك مني شفايفك اربطهم لك ولا تنسى حركات وجهي شوف شوف يعني النظرة الإختبارية إلي اطالع يمين و يسار و اقلب بعيوني مو معناتها إني ابي بس لازم اعرف وشهو ولا وعندي النظرة القطوية البريئة " هذا لي أنا "بس انتبه لأصبعك ترى مزحي ثقيل شوي وعندي النظرة الرومنسية إلي قلبي يقول لقلبك تعال يالحبيب ،، شيلني ،، و امسح على راسي ،، ودلعني ،، وعندي النظرة المرعبة هذيك ،، إلي فهمتكياها امس باسلوبي الخاص ،، نظرت وخر عني ترى واصله معي ،،  ولا تنسى النظرة الغيورية ،، ترى ما عجبني ولا عجبتني ،، ولا هو عاجبني ،، اسمع لو ما وخر هالشي اللحين عنك ترى بقطعه ولا تقول ما قلت لك ،، واخر شي اخر شي تحطه فبالك ،، نظرة خذني معك تكفى تراني زهقان ،، وهنا خلص درسي مع فيروز و سلامتكم |
|
|
|
20-01-2016, 02:02 AM
|
#2 |
|
هاوي
|
رد: حركات جسم الأمازون و معانيها (حصريا من ملاحظتي )
إن أصبت من فمن توفيق الله و إن أخطئت فمن تفسيري الخاطئ أتمنى من الأخوان إذا لقوا خطأ يصححونه لي |
|
|
|
|
| Bookmarks |
| Tags |
| (حصريا, ملاحظتي, معانيها, الأمازون, حركات |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
جميع الأوقات بتوقيت GMT +3. الساعة الآن 11:32 AM.
الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 |
 |
 |