حالة نفسيه مصتعصيه ماقبل مرحلة تنتيف الريش اضن

[مًٍحًٍمًٍدًٍ ...]

سلام عليكم ... نجي للموضوع معي كاسكو تتكلم وكل شي وتقلد وشغلها مزبوط بكل شيء.
المهم انها قلبت ميه وعشرين درجه سارت بس تشوفني تهرب ماعاد تبي تشوف خلقتي ماغير تفاحط يمين ويسار المهم انها ماتشوفني لدرجه انها تحط راسها تحت اي شي مخده ورقه اي شي المهم انو ماتشوفني ... ولا تسمع الكلام مثل اول اقلها تعالي ماتجي اقول اطلعي ماتطلع اقول اسكتي تجاغر زود ماكانت تجاغر اساسا بس من زعلت صارت تجاغر وبوجهي بعد ..
المشكله بدت من تدخيلي لها للقفص كل يوم اخرجها العصر او الصبح بكير تتشمس وتطاير .. كنت اقولها يالله البيت تعالي تجي ودخلها القفص ونروح ع البيت .. وبيوم قلت تعالي ولا جت ودخلتها بالقوه بعد ماتطاردنا بالحوش كله وصنفرة الفرخه جيت اطلعها اليوم الثاني ماطلعت من القفص دخلت يدي وقلت اطلعي وطلعت وطلعتها جيت ادخلها قلت يالله البيت شردت مره ثانيه طبعا الوقت قصر شوي مو مثل اول اخليها نص ساعه المهم دخلتها غصب ومن يومها له اليوم ماعاد تطلع برى القفص ولا عاد تسمع كلامي ولا عاد تبي تشوفني تغيرت مره حتى الكلام كله راح بدت النفسيه تبين لدرجة انو اعطيها الاكل بيدي ترميه مهما كان ... فشنو الحل ياهل الخبره ترى لها اكثر من اسبوعين ع هالحال كل يوم نتكاره اكثر واكثر ..

[eaglesa38]

الحل انك تروح سوق الذهب وتشتري لها درزن مضاعد وتبوس على راسها ويمكن ترضى عليك
هههههههههههه
امزح معك

اخوي من خلال خبرتنا في تربية وتعليم الكاسكو وجدناه حساس جدا
وعلى اقل شيء يزعل ويكره
الخطأ انك تعود الطير على شيء وتجيه بالقوة لكسر ما عودته عليه
واحنا ننصح المربين بعدم اخراج الطير من القفص لمدة طويلة
فترة خروجه تكون في فترة انت تداعبه وتمسح عليه وتسليه
لكن تتركه بالحوش او داخل البيت يتجول طبيعي بيبدأ يكره القفص وبيرفض الدخول

الحل يجب ان ترجع تعامله مثل قبل
اذا ما يطلع من الباب افتح له سقف القفص وخليك بعيد عنه
وبيطلع لوحده
وحاول تقرب منه وتمسح عليه
ولا تظهر له انك زعلان
لان بعض الطيور تعرف تعابير وجهك وحركاتك
ولكي تغيير من سلوكياته بعد ما يرجع طبيعي كما كان تبدأ تطلعه يوم بعد يوم
وتدريجيا تكنسل طلعته من القفص الا في اوقات بسيطة
وان شاء الله يستجيب لك ويرجع كما كان وافضل


تحياتي

[بايو تراكس]

انا اشوف انك تلغي القفص لمدة اسبوع وتجيب ستاند للطير .ودلل الطير على الاستاند قد ما تقدر طول الاسبوع وبعدها قلنا وش صار معاك ..بالتوفيق