الكرتونه السحريه هههههه (صور)

[كاسكوكيه]

السلام عليكم و الرحمه..

يوم الثلاثاء.. 9 فبراير.. 2010.. .. << لو أخّرت يوم بيكون تاريخ مميز خخخخ 10 2 .. 2010 << وين التميز ؟ هههههه قاعده اهلوس من الفرحه. ..

طلعنا للبر.. ورحنا كل مكان.. فجأه.. اختي طلع في بالها نروح سوق الشارقه للطيور.. صراااحه حبّيييييييييييت اختي والغريبه اخوي وافق..


و رحنا.. و لفيييييييييييييييييييييت كل مكان.. لقيت .. كل انواع الطيور.. و الفروخ.. حتى الكاسكو حبايبي لقيت لهم فروخ.. و اسماك.. وسلاااااااااحف.. و مكاااااااااااو.. و روزيلا.. و كوكاتيل.. و كناري.. و شغلاااااااات كثيره..

و الف شوي اشوف قطط.. خخخخخخخ بس حبّيتهم..

و اخر شي.. طبعن من الموضوع كلّه .. الي في هالكرتونه..








شو تتوقعون يطلع؟؟














قولوا ما شاء الله..



مستااااااااااااااااااااااانسه اخر وناااااااااااااااااااااسه.. و الاحلى اني اخترته بنفسي..

والأحلى من كل هذا.. انه يطلع على اليد.. و صاير مثل الحمامه.. << طبعن عمره 6 اشهر مثل ما قال راعي المحل الي حسيته مش فاهم شي في الدنيا..



بخبّركم سر اختياري لهالفرخ.. ومش غيره.. ..

فيومن من الايام.. شفت صوره للامازوني البلوفرونتد.. راسه عليه ازرق التركواز.. و جناحاته عليها احمر واصفر... وجسمه طبعن اخضر.. ولليوم الصوره عندي.. دخلت قلبي هالمواصفات.. اهم شي الاحمر والاصفر على الجناحات..

و هاي هيه الصوره من النت..



و هذا طيري.. و هذي الالوان الي في جناحه..



وهذا الازرق الي على راسه.. .. << ما حبّيت يكون فيه اصفر اكثر.. << قاعده اتشرط خخخ





شوفوا عينه يا خبيرين الامازوني و خبروني كم عمره.. ..

طبعن قالوا لي اعطيه سيريلاك.. و انا عشقته و هوه يطلع اصوات يوم يكون يوعان.. يجنننننننننننننننننننننننننننننننننننننــــــــــّن

و هاي صور مختلفه له.. للحين مثل ما قلت ما اعرف ذكر ولا انثى.. من الفرحه نسيت اسأل صاحب المحل.. هههههههههه











نسيت اخبركم كيف اخترته..

اول ما دخلت سوق الشارقه.. كان اول محل على اليسار.. دخلته وشفته عدّال صاحب المحل في قفص.. و كان فيه ذكر درّه محطوط على استاند و عدّاله كوكاتيل.. و في واجهة المحل كلهم امزوني.. بس راسهم اصفر.. و ما حبيتهم.. خخخخخخخ

و معاهم كوكاتيل و مكاو.. لفيت يمين يسار و عجبني هذا.. نفس المواصفات الي في قلبي..

بعدها سألت راعي المحل عن سعره.. قال 4000.. قلت لاخوي اريد هذا.. و اشرت عليه.. سأل اخوي صاحب المحل.. بكم؟؟ قال صاحب المحل.. بـ 3000.. << من شوي قلت لي 4 ألف.. و الحين تقول تلاته ألف.. يالله ما علينا..

اخوي ما عنده خلفيه عن الطيور.. قال يالله بنطلع شو 3000.. << هد اعصابك وين نطلع؟؟ هههههههههه انا اخيرن وصلت تقول نطلع؟ قال بنجوف محل غيره

رحنا لمحل ثاني مليان امزونيات.. سأل اخوي صاحب المحل بكم؟ اشر على الي عمرهم 6 و 5 شهور قال هزا كلّش صقير يجي 3 ألف.. قال اخوي شو رايج؟

قلت له ما الحب إلا للحبيب الاوّلي.. << تذكرت فيديو خليلوه لاخونا سكر خخخخخ

المهم. اخوي سأل صاحب المحل.. يتكلمون؟؟ طالعت اخوي قلت له بدري لسّه صغار رد عليه صاحب المحل و قال له هذا يتكلّم وأشّر على يلوناب.. سأله اخوي بكم؟ قال له صاحب المحل.. 15 ألف

اخوي صارت عيونه.. ههههههههههههههه قلت له نرجع للأول.. يالله..

مرينا بكم محل.. احلى لقطه يوم كان فيه افريقي و امزوني يلعبون غمّيضه.. كان المحل مسكّر و صاحب المحل مش موجود و حضراتهم يطيرون يمين وشمال..

ورجعنا لاول محل.. اخوي سأله.. بتنزّل السعر ولا؟؟ قال لا ما في نزّل..

طالعني اخوي.. و كانت نظرتيه >> و عطيته الفلوس و اشتريته

حسيت قلبي بيطير من الفرحه

و ما قدرت استنّى ارجع للبيت.. فتحت الكرتونه وانا في السياره و يلست اصوره خخخخخخخ

و اول ما وصلت طلعته و خليته يتعرف على شامبيه وبوشهاب.. وبدينا غيرة

وبس...

[hazemk]

الف مبروك و ان شاء الله صحته تكون كويسة و يتربى بدلالك

[ابو محمــد]

الف الف الف الف ترليون مبرووووووك

وفقت في الطير ,,

واخير تحققت امنيتك وانضميتي الى عالم البلوفرونتد,,

بالتوفيق.

[طرطعان]

ههههههههههههههههههههههههههههههه

مبـروووك الطيــر الجديـــد .~

يتربـآ في عزك ان شاء الله .ِ.ِ

ان شاء الله مو آخر الطيور عندك ^_^

و انا شاء الله انا بشتري مو بس انتي <~ خخخخ


سلام <~

[راينو]

يا قهر ما طلعت الصور عندي
ع العموم
مبروك و يتربى بعزك ان شاء الله

[im-alone]

مبروووك الطير الجديد ..
(( ان شاء الله عيبكم سوق الشارجة))

يتربى بعزك ..
والله يهنيج فيه ..

تقبلي مروري ..

[خطاب العتيبي]

الطير روعة بس الصور كبيرة


برايفت :اذكر سألتيني عن اذا كنت في ترافيان بس ما قدرت اجاوب علشان مشاركاتي قليلة

انا ما عمري لعبت ترافيان بس اشوف اخوي يلعبها وصراحة ما عجبتني

[كاسكوكيه]

اسمحوا لي صار لي من يبت الطير وانا احاول ارفع الصور

و اخيرن يوم لقيت موقع ينفع للمنتديات.. طلع ولا شي

بحاول اضبط الصور و ارجع لكم بروابط مباشره

[كاسكوكيه]

روابط مباشره للصور


http://up.arb-up.com/i/00154/mynuamqu692z.jpg


http://up.arb-up.com/i/00154/cp43n7ft9q7l.jpg


http://up.arb-up.com/i/00154/thgclx4v1dne.jpg


http://up.arb-up.com/i/00154/n3fml69uvsn3.jpg


http://up.arb-up.com/i/00154/3gfnlg2auqbg.jpg

[راينو]

ما طلعت

( تعبتك معليش )

ارسلي لي الصور ع الايميل و انا ارفعها لك

اذا بغيتيني ارفعها كلميني

لا يروح فكرك بعيد