فرخي الكاسيكو يرجع

[صوغة]

زين الحمدلله

حاولي ماتكثرين عليه الاكل مره وحده

والله يطمنج يارب

[صوغة]

أخيرا لقيت الموضوع

طمنينا أن شاءالله صار أحسن؟

[ziad1409]

انا شفت مقطع كاسكو غر ياكل بالكاس وش رايك تسوين اكله وتحطينه بالكاس وخليه هو ياكل قد ما يبي عمره 5 شهور الي زيه خلاص بينفطم اذا ما انفطم جربي نصيحتي كاس قصير وميليه عليه ويكون فم الكاس وسيع

[دموع العين]

اهلين اختي صوغه،،
والله مادري شقول وشاسوي،، الطير مره مايرجع ومره يرجع،، يعني ساعات وساعات
اليوم الصبح عطيته رجع بس شوي لكن ظل في بطنه شي ..
والظهر يوم عطيته رجع ونفس الشي بالليل ،،

انا خففت الاكل مثل ماقلتي ،، بس ساعات اجوفه يبي يطلع الاكل ومايطلع ،، واحيانا يطلعه

اخوي زايد مافهمت عليك الصراحه،، ممكن اتفهمني اكثر

[صوغة]

انزين ليه ماترجعينه للطبيب ؟

ارجعي ووصفي له التطورات قبل لاتتاخر حالة الطير لان كثره الترجيع اتسبب له جفاف

نصيحة راجعي الطبيب مره ثانية

والله يطمنج يارب

[ابو محمــد]

بصراحة انا ما اشوف اي مشكله في الطير وعملية الترجيع اعتقد الكميه اللي تعطيه كبيره

والطير اذا زاد عليه الاكل مالة الا حل واحد انه يرجعة لكن اذا ممكن مقطع فيديو او صوره للطائر

او صوره صدر الطائر لكي استطيع ان افيدك .

[دموع العين]

اهلين اختي صوغه،،
مسامحه صار لي فتره مادخلت ،، كان عندي امتحانات،، اللي لاحظته في الطير ان لما اخليه يفتر في البيت وانا اعطيه اكل مايرجع ،، لكن لما احكره في مكان مثلا فوق القفص،، وهو مو عاجبه المكان يرجع الاكل،،
اليوم الصبح عطيته وعلى طول خليته داخل القفص قام يرجع،، بس لما اروح الدوام اعطيه الصبح واخليه يفتر شوي لين ما اجهز نفسي بعدين اخليه داخل يكون عادي،،
يعني الظاهر انه دلوع ههه

واللي مخليني اتطمن شوي ان الطير تحركاته طبيعيه ،، يلعب ويتحرك عادي،، واليوم اخر يوم اعطيه المضاد،، وباجر ببتدي اعطيه الفيتامين اللي وصفه لي الدكتور وبنجوف النتيجه ..

اخوي بو محمد،، فعلا وايد نصحوني اقلل الاكل،، وانا قللتها حاليا ،، بس ساعات قليله يرجع شوي مو مثل قبل،، قبل كان اخس .. ومثل ماقلت قبل،، الظاهر لما ما يعجبه المكان اللي فيه يوضح لي بطريقته هذي (الترجيع) ..

ان شاء الله بنزل صوره لصدر الطير،، وبطنه شوي خالي ،، لان توني ماعطته اكل وماعتقد ببين معاك شي

مشكورين وماتقصرون على الاهتمام ،، وان شاء الله اي شي يديد بخبركم

[صوغة]

زين الحمدلله انه بخير

وموفقة في امتحاناتج

وهذا الي يصير يعطيج خبرة في كيفيه التعامل مع طيرج

الله يحفظه لج يارب

وننتظر الصور

[دموع العين]

سامحوني على رداءة الصور وقولو ما شاء الله..





ما شاء الله تبارك الرحمن









ما شاء الله،، ما شاء الله





من صورته هل تجوفون فيه شي؟
ابو محمد،، شلون تجوف صدره؟

[ابو محمــد]

الطير عند انتفاخ في المعده وبصراحة يحتاج الى كشف منظار

والانتفاخ هذا هو سبب الترجيع وبصراحة ما اخفي عليك الطير عنده ورم حميد دهني والتي تظهر عادة على الجزء الاسفل من بطن طائر. Lipomas ينظر اليها في جميع الببغاء ، ولكن بصفة خاصة الكاكاتو. وهي لاتسبب الوفاة.ولكن يمكن ان تسبب عدم الراحة وقد يشمل ذلك العلاج الجراحي أو إزالة القيود الغذاءيه لتقليل حجم الورم.

ارجو الاسراع للفحص من قبل بيطري ممتاز.