السلام عليكم اخواني

[fofo1990]

السلام عليكم اخوني الأعزاء أرجو مساعدتي بتحديد نوع الطير والعمر وهل هو جيد بل الكلام لان انا هاوي جديد وحبيت الطير ما قيول غير هالوو وتعال كيف اقدر اعلمه الكلام ولازم يكون داخل القفص ولا بره وشكرا يا اخواني اعرف إنّو ما تقصرون يا أهل الخبرة



Sent from my iPhone using 2zoo.com mobile app

[fofo1990]

ماحد يبي يساعدني


Sent from my iPhone using 2zoo.com mobile app

[tozo]

وعليكم السلام ورحمة الله

النوع / امازون بلوفرنتد استفيا

العمر / صعب التحديد بالضبط اذا كان عليه حجل ممكن تلقى سنة الإنتاج

حاول تصور العين من قريب ممكن نعطيك العمر تقريبي
وانا اعتقد ومع انه الصوره ليست واضحه انه من السنتين الى ثلاث سنين والله اعلم
،،

من ناحية التلقين عادي سواء بالقفص او خارجه
كرر الكلمه مثلاً /

كل ما جيت عند الطير قل له باي باااااي و اشر بيدك وبصوت مرتفع
وعلى حسب ذكاء الطير ممكن يلقطها في يومين او ثلاثة

وهكذا ،،،

النوعيه هذي ممتازه طير جميل ولعوب وحبوب .. الخ

انا عندي بلوفرنتد قريب منه ما شاء الله ينطق كلام كثير ومن ضمنه أغاني واناشيد ..الخ

نسبة وضوح كلامه من وجهة نظري انا تقريباً من 60 الى70 %

ومن وجهة نظري أيضاً في الأفضل منه بالنسبة لوضوح الصوت و علوه
رقم واحد/ اليلوناب لاكنه غالي سعره
رقم اثنين / الدبل هد أيضاً سعره مقارب لليلوناب
رقم ثلاثة / اليلو كراون وسعره قريب جداً من البلوفرنتد


كل شخص ورغبته و حسب مقدرته

واي استفسار انا حاضر والاخوان أيضاً ما يقصرون

ومبروك عليك الطير

[fofo1990]

مشكور اخوي ماقصرة الله يبارك فيكي يا غالي


Sent from my iPhone using 2zoo.com mobile app

[fofo1990]

اخوي tozo ممكن تنصحني شو آسوي الببغاء ما يتكلم كلا يصارخ مع اني أتكلم معاه وعلاقتي وأيد جيدة معاه حتا اني أخطله الاكل بي تمي ويأكله وهي صورته لو سمحت تنصحني شو أسوي يا غالي مشكور ماقصرت وبنسبة للعمر الحجل لي عليه ماعليه شي ماعليه ارقام


Sent from my iPhone using 2zoo.com mobile app

[tozo]

حياك الله اخوي

بالنسبة للصراخ نفس حالتك عندي واحد من قريب صار يصارخ و يزاعق
وهذا الشيء سبب لي قلق وكل مالي اكره الطير

لكن في حل بإذن الله يخليه يترك الصراخ

- اشتري العاب عباره عن حبل او سلسه و راكبه فيها بعض الألعاب الخشبيه
وعلقها اعلى القفص

والألعاب بتشغله وترفهه

- حاول دائما او اغلب الأوقات تخرجه من القفص و تلعب معه او خليه على الأرض يتمشى و يأخذ راحته

،،

هذي الطرق مجربه و فعاله

وانت ما شاء الله عليك باين مدلع الطير وماخذ له قفص كبير
ناقصه الألعاب فقط
وتركيب بعض الاغصان داخل القفص
وجرب ان شاء الله تستفيد

الألعاب سهل تصنيعها حسب افكارك

بإمكانك شراء حبل مثل اللي ب ثاني صوره
وهو رخيص انا اعتقد اشتريته ب 20 ريال لفه طويله جداً وزنها 1 كيلو

و احضار اغصان أشجار و قطعها أجزاء صغيره على حسب الفكره اللي عندك
وتحضر دريل و تعمل ثقب داخلها بحيث تمرر الحبل داخل الخشب

وممكن شراء بعض الحلوق او الفصوص تلقاها بمحلات بيع أدوات واكسسوارات و لوازم الخياطة
و تمرر الحبل داخل الثقب .. الخ

انا كان ودي اعمل شرح عن طريقة عمل العاب للطيور لكن يومي بسنه
والحبل اللي تشوف و الاغصان جاهزه والحمد لله كل العده متوفره لكن ما لقيت فرصه لعملها

مثل هذي الألعاب وهي متوفره بالسوق جاهزه و لا لي علم بسعرها الحقيقه



وهذي صورة الحبل ومتوفر كما ذكرت لك بمحلات بيع أدوات واكسسوارات و لوازم الخياطة

[fofo1990]

مشكور يا غالي ما قصرت حبيبي انا ما أسكر الباب عَل الطير ودوم برا القفص ومشتريلة ألعاب خشبية وأيد وحبال وهو يحب يقصقص الخشب وانا دوم اهتم بي اكله وفواكه وحلوا لي خصوصي مال الطيور انا خايف يكون الطير ما يتكلم والله مدلع اكثر عني ودم انا بس اطلع احطله مسجل يعيد الكلام وصارلي على هل الحالة شهرين ما يقول غير هلو وتعال وجوجو بس هل لازم اجوعة ولا عادي جوعان شبعان ما تفرق اسف اعرف اني ثقلت عليك بس انا جديد مع الأمازوني كان عندي كاسكو افريقي بس هذا عنيييييييد مشكور الغالي ورمضان كريم عليك وعلى اهلك انشالله


Sent from my iPhone using 2zoo.com mobile app

[tozo]

بارك الله فيك
ابد خذ راحتك اخوي

تلقين الطير ما له أي علاقة بالتجويع او التشبيع

انت لقنه أي كلمه او جمله قصيره مبدئياً
مثلاً كرر عليه و بصوت مرتفع قريب منه او بعيد ما تفرق مثلاً بابا ، بابا حبيبي ، السلام عليكم ..الخ
لمدة معينه مثلاً يوم يومين ثلاثة ..الخ على حسب ذكاءه
ان لقطها ممتاز
ولقنه كلام اخر حسب رغبتك

ومثلاً كل ما قابلته قل له السلام عليكم ، او أي اسم معين مثلاً كوكو ، فوفو (هذي على اسمك)

واذا جيت تروح من عنده قله مثلاً باي باااااي ، او مع السلاااامه .. الخ


او قله نشوفك على خير او تامرني بشي

امزح معك اسأل الله لكم التوفيق

[fofo1990]

مشكووووور الغالي ماقصرت فوفو اسم ابني ترا هوي لي سوالي الحساب انشالله الغالي بسوي لي قلت عليه وشورتك وهداية الله


Sent from my iPhone using 2zoo.com mobile app

[fofo1990]

السلام عليكم يا غالي انا شتريت اليوم يلو كراون بس ما عرفت عمره ممكن تساعدني


Sent from my iPhone using 2zoo.com mobile app