كم سؤال لدجاج واسعار محاجر الدجاج ؟

[beeshoo]

بسم الله الرحمن الرحيم
والسلام عليكم و رحمة الله و بركاته

ودي اسال اذا فيه محاجر جاهزة للدجاج ..
وكم اسعارها ؟
ووش الاشياء الاساسية اللي لازم تكون فيها ؟
واش اسم مكان الدجاجه اللي تبيض فيه ؟ << هذا ينشرى بعد ولا انا اسويه ؟


معليش بس ما افهم اي شي بالدجاج وودي اربيه و خايفه من القطاوة عليه ..

[الولاهان]

عدي الدجاج تقدر تسويله قفص كبير يعني متر با متر وطوله نص متر ولا متر يشيل اكثر من ديك ودجاجتين ومكان اللي تبيض فيه الدجاجه نفس العش اللي تبيض فيه الحمامه بس اكبر من مال الحمام وتقدر انت تسويلها عش بس بطبوق يعني طبوقتين وفيه بالنص مساحه حق الدجاجا وتقطيه من فوق با خشبه ولا تخلي الدجاجه وتقدر الدجاجه تبيض في التراب وتكل طعام البيت كله وشعير والفروخ حطلهم ذره مطحونه ناعمه

[ملينيوم]

انت وين مكانك

والدجاج حط معاهم ديك وماعليهم خوف من القطاوة

[صمت الأمل]

وعليكم السلام ورحمة اللهـ وبركاتهـ .



الأفضل تمري السوق وتشوفي الحجم اللي يعجبكـ والسعر اللي يناسبكـ ..



وموجود عندهم محاجر جاهزة أنتي اطلبي اللي يناسبكـ من عند أصحاب المحلات المتخصصهـ في هالمجال أو اذا ما أعجبكـ ممكن تفصلي .



والمكان اللي تبيض فيهـ الدجاجهـ إسمهـ العشهـ ,, أحسن شيء كرتون صغير أو خشب ومفتوح من الأمام فقط ..



ويكون في زاويهـ ومكان هاديء عشان ترتاح لهـ الدجاجهـ وترجن عليهـ .



لكن بشرط يكون عمر الدجاج عندكـ أكثر من سنهـ .. فأفضل شيء لكـ بما إنكـ مبتدأهـ تشتري من عمر 4_6 شهور ودجاج بلدي لأنهـ ممتاز للتدريب عليهـ لسهولة تربيتهـ وقوة مناعتهـ وشدة تحملهـ وصبرهـ ..



لاتخافين على الدجاج من القطاوهـ في النهار ,, اهم شيء في اللي اذا بتطلقينهم من قفصهم تسكري قفصهم عليهم عشان ماتسوي فيهم شيء ومايقدرون يدافعون عن أنفسهم ونايمين .



أي أسألهـ أخرى تفضلي بطرحها وماقصروا الإخوان في الإجابهـ قبلي ..



تحياتي لكـ .

[beeshoo]

وموجود عندهم محاجر جاهزة أنتي اطلبي اللي يناسبكـ من عند أصحاب المحلات المتخصصهـ في هالمجال أو اذا ما أعجبكـ ممكن تفصلي .

مالقيت ..طب تقرريبا كم اسعارهم عشان يكون عندي خلفيه؟

والمكان اللي تبيض فيهـ الدجاجهـ إسمهـ العشهـ ,, أحسن شيء كرتون صغير أو خشب ومفتوح من الأمام فقط ..

اذا مافي كلافه ممكن تصوري لي شكل الكرتون وكيف الدجاجه تدخل فيه للتوضيح ؟ لان ماوصلتني الفكرة

أفضل شيء لكـ بما إنكـ مبتدأهـ تشتري من عمر 4_6 شهور

طيب مو في هذا العمر ماتبيض ولا تقدر تنتج !؟


----
وجزاكم الله كل الخير

[صمت الأمل]

شوفي هذي صور بعض الأعشاش تبع الدجاجات من النت :













وهذا العش اللي عندي أنا ,, وشريتهـ من سوق الحمام الشعبي لتربية الحمام .. وعندهم فرادي أو مجموعهـ ,,



أنا أخذت المجموعهـ عشان ياخذون راحتهم في الإختيار ,, بس هاللي عندي قديم شوي :







شوفي الدجاج عاجبهـ ويجلس داخلهـ :







وهذي بعض التصميمات من النت ممكن تاخذيها لأقرب نجار عندكم ,, إما نعطينهـ الأدوات المطلوبهـ والأسلاكـ والشبكـ نفسهـ أو تقولين لهـ يوفر كل شيء وتدفعين سعرهـ اذا هو إشتراهـ ,,



لكن لازم تتفقي معهـ على السعر أول عشان مايغشكـ أو يخليكـ تدفعين أكثر من اللازم :

































أتمنى افدتكـ وممكن تقولين لنا من أي منطقة أنتي من المملكة ؟؟ يمكن أحد الأعضاء من نفس منطقنكـ ويقدر يفيدكـ أكثر ..!!



تحياتي لكـ .

[صمت الأمل]

ايهـ ونسيت أجاوب لكـ السؤال الأخير ,,



أنتي تبغيهـ يبيض عندكـ ويكبر صح ؟؟ الأفضل تاخذي أعمار مو صغيرة جدا وممكن تموت عندكـ وماتتحمل الأجواء .. ولا كبيرة جدا ويفوتكـ بيضها وتكون كبيرة بالعمر ..



هالسن افضل شيء .. منها تتدربي عليهـ وتضمني البيض منهـ ,, وحتى تقدرين تميزي الدجاج من الديوكـ في هالعمر ..!!



وبإذن اللهـ راح يوجن بشرط يعدي السنهـ من العمر .. هذا اللي أنا لاحظتهـ من الدجاج اللي ربيتهـ عندي .



أي أسألهـ أخرى تفضلي بطرحها ,, وشكرا .

[beeshoo]

ماشاء الله ماقصرتي
انا من جدة ..
طيب اعشاش الدجاج مو كانها عاليه .. ؟
يعني كيف يوصلون لها ؟ مو لو تكون بالارض احسن ؟
وانا توني مبتداة و على قولتك اشتري صغار احسن عشان يتعودون علي ..
وعلى كم اشتريتي عشة الدجاج اللي عندك ؟
وكم اسعار الدجاج العادي البياض ..
في واحد يبيعها على 25 ما اعرف مناسب ولا غالي ؟ لان على خبري الدجاج معروف انه على 10 ريال !!
ما اعرف هل السعر غالي ولا البياض غير و البلدي غير !! << اعذروني على الاسئلة بس بجد ما افهم شي بالدجاج ><"

وجزاكم الله خير

[صمت الأمل]

المشاركة الأصلية كتبت بواسطة beeshoo

ماشاء الله ماقصرتي
انا من جدة ..
طيب اعشاش الدجاج مو كانها عاليه .. ؟
يعني كيف يوصلون لها ؟ مو لو تكون بالارض احسن ؟
وانا توني مبتداة و على قولتك اشتري صغار احسن عشان يتعودون علي ..
وعلى كم اشتريتي عشة الدجاج اللي عندك ؟
وكم اسعار الدجاج العادي البياض ..
في واحد يبيعها على 25 ما اعرف مناسب ولا غالي ؟ لان على خبري الدجاج معروف انه على 10 ريال !!
ما اعرف هل السعر غالي ولا البياض غير و البلدي غير !! << اعذروني على الاسئلة بس بجد ما افهم شي بالدجاج ><"

وجزاكم الله خير

اللهـ يعافيكـ ,,لا عادي هذا واجبنا ..



مكان الدجاج صحيح عالي ,, لكن الدجاج يقدر يطير أكثر من كذا بكثير لأنهـ لسى مامر بمرحلة القلش ,, ولسى صغار بالعمر وخفيفين بالوزن .. بعد فترة راح يثقل وزنهم بعد مايزيد إنتاجهم وبعضهم ماراح يقدر يطير فوق .. عشان كذا بعدين راح أنزلها لهم ..



لكن عموما الدجاج يحب ينام في الأماكن العاليهـ ..!!



أظن اني أشتريت العشهـ اللي عندي بـ 15 ريال .. بس ترى من زمان شريتها فيمكن صارت بـ 20 ريال حاليا ..



والدجاج البياض أنتي تعرفين شكلهـ ؟؟ لونهـ أبيض بالكامل وينتج البيض فقط ,, ونادرا يرجن على البيض .. لكن ما انصحكـ فيهـ لأن يبي لهـ عنايهـ أكثر من البلدي ,, وهو حساس ومايتحمل الأجواء ومناعتهـ أضعف من البلدي .. يعني يصلح لمزارع التربيهـ أكثر ..



وبالنسبهـ للأسعار واللهـ ياليت أقدر أفيدكـ فيها ,, لكن أنا من الرياض وأنتي من جدة .. ممكن تكون مختلفة تماما أو متشابههـ ,, سعر اللي عندنا أظن بـ 15 او 20 ريال ..



ياليت اذا أحد الأعضاء من جدهـ يقدر يفيدكـ أكثر بهالموضوع ..



والأفضل تشتري عدد الدجاج على حسب ميزانيتكـ واشتري القفص أول ,, لأن القفص ماراح يكون رخيص .. لو بيصير رخيص راح يكون ردئ وتضطري تشتري غيرهـ ..



وخذي قفص مدعم بالحديد أفضل جدا من الخشب اللي مع الوقت راح يتكسر ومايتحمل الأجواء أو الرطوبهـ ..



وإذا لايزال عندكـ أسألهـ بعد عادي تفضلي بطرحها ولا تستحي أو تنحرجي ..



تحياتي لكـ وبإنتظاركـ .

[beeshoo]

الدجاج يطير !!
ماشاء الله تبارك الله ..
اجل شلون اخليهم محبوسين ؟
لان ماينفع اطلعهم بالحوش اخاف ينافسون الحمام بالطيران خخخ !!
واللي تقولين اسعاارها من 15 -20 للبلدي او البياض ؟
وسعر الديك و الدجاجه واحد ولا الديك اغلى ؟ و بكم تقريبا ..
ويعني كم تتوقعين قفصهم بيكون سعره ؟
اذا حجمه وسط او صغير يشيل من 8 الى 10 دجاجات ؟؟