توي شاري قطه وكم سؤال

[بوعقاب]

مرحبا ياشباب انا شريت قطه للاولاد بس ماعرف كم مره ااكلها باليوم وشلون اسبحها او انظفها وكم مره بالاسبوع والله يعطيكم العافيه

[ابتسام]

مبــــــــــــــروك لـ تبني القطه

كم عمر القطه

إذا كان عمرها بين الشهرين و ثلاث شهور

ثلاث وجبات
الفطور: حليب او جبن كيري او حليب مع البريد
الغداء : زبادي مع دجاج مسلوق و يكون مقطع قطع صغيره
أو دجاج مسلوق مع الجزر و البطاطس ويكون مقطع قطع صغيره
العشاء: دراي فود

سبحها مرتين في الاسبوع إذا كانت كبيره

[باغيرا]

السلام عليكم ورحمة الله وبركاته
اخوي اتفضل على هالرابط والي بعقلك دور عليه بتلقاه انشاء الله في هالرابط
http://www.2zoo.com/vb/showthread.php?t=101401
اتنمى اكون افدتك

[بوعقاب]

الله يبارك فيك اختي
عمرها ماعرف الصراحه بس بصورها
والاكل مايصير اعطيها تونه من ضمن الاكلات ؟؟

طيب والسؤال الثالث كيف اسبحها ؟؟؟
اجيب طشت وانقعها فيه مع صابون ؟؟ ولا بفوطه فيها ماي ولا كيف ؟>> اول مره اتعامل مع قطط العاده اتعامل مع الحمام

وشكرا اختي

[بوعقاب]

اخوي باقيرا
بارك الله فيك وشكرا على المرور والافاده

[arabian-beauty]

يب ازيد على الاخت ابتسام انا عن نفسي اخلي الدراي فود اللي هو ميو مكس اللي بتلاقيه بالسوبر ماركات اخليه قدامها مااشيله منها لانه سبحان الله هدول حيوانات ممكن يجوعوا بس كيف يعبروا !!! بالنسبه للتراب بالبدايه حطها بالتراب عشان تعرف وسخها طبعا التراب من السوبر ماركت برضو خاص لها ...... انا عن نفسي اشتري اكلها من السوبر ماركت الدجاج تبعها واحطلها بس غدا كل يوم شويا وسلامتك وسوي اللي يريحك

[بوعقاب]

شكرا arabian beaty وجزاك الله خير

[ابتسام]

بالنسبه للتونه مره واحد في الشهر فقط كانوع من التغير
لان التونه تسبب تساقط للشعر

الصوره غير موجوده

بالنسبه للسبوح
1- إغلاق تكيف الغرفه علشان ماتبرد أو يجيها زكام و يفضل الاستحمام
في الصباح او العصر

2- احضار الادوات من كأس+ طشت + منشفه متوسطه الحجم + شامبو للقطط أو شامبو للاطفال جونسون + استشوار

3- يوضع ماء دافىء في الطشت و يوضع القليل من الشامبو كي يصبح مثل الرغوه
ثم بهدوء يوضع القط في الداخل ويسكب عليه الماء بواسطه كأس

4- يوضع الشامبو و يسرح عكس اتجاه الشعر علشان يدخل الشامبو

ملاحظه مهم عدم سكب الماء على أذان القط حاول قدر الامكان مايصل ماء للأذان

5- يشطف القط بالماء حتي يزيل اثر الشامبو

6- احضار المنشفه ولفه القط حتي يتشرب الماء

7- الاستشوار لى تجفيف شعر القط من الماء
توضع القطه في سله كـ بدايه لان راح تخاف من صوت الاستشوار
إغلاق باب الغرفه حتى لا تهرب للخارج

[بوعقاب]

الله يعطيك الف عافيه اخت ابتسام
ماشاءا لله عليكي خبره
وماننحرم منك
تحياتي

[genan]

مبروك اول شي ثاني ياليت تنزل صوره القطه عشان نعرف نحدد العمر بأذن الله
وبعدين نجاوب بس ع العموم اذا القطه اقل من عمر شهرين ماينفع لازم تكمل
رضاعه من الام يعني لو هيه اكبر من شهرين بتكون محتاجه خمس وجبات باليوم
لما عمر اربع شهور وبعطيك جدول مختصر مثلا باليوم اعطيها فطور زبادي قليل الدسم
ولاتجمع حليب مع جبن مع زبادي ونتبه كل الي بتعطيها من منتجات الألبان لازم يكون
قليل الدسم لان لو جمعت الاشياء هذي وفوق هذا كامل الدسم راح يجيها اسهال
المهم تفطرها زي ماقلت مثلا زبادي وشوي دراي فود مخصص للكتنز او بيض مسلوق
او سريلاك بس لاتكثر لان فيه سكر والسكر مضر للقطط وابعد بعد تام عن اي نوع من الاكل
فيه بهارات او ملح او بصل او ثوم
تقدر تقدم لها ع الغداء دجاج مسلوق بدون عظم وجلد مع مرقه شوي وتفتت لها الدجاج عشان
تقدر تاكله القطه وتقدم مع الدجاج خضار مثل بطاطس كوسه فاصوليا ذره يعني انت والي موجود
مع مثلا قطعه من الجبن او اخلط مع الوجبه جبن تقدر مثلا ع العشاء تعطيها مكرونه مسلوقه بمويه بس مع شريحه سمك او تونه بدون زيت ولاتكثر تونه او سمك لانه يسبب اسهال للقطه
ويسبب تساقط الشعر يعني مره بالاسبوع تمام
والسمك يامسلوق او مشوي او بالفرن براحتك وبين الوجبات هذي تقدر تعطيها بطاطس مسلوق
او شريحه من اللحم بس لاتكثر لحم لانه ثقيل ومايكون فيه شحم او دهن بشكل عام
الرز المصري كوويس ويمتن القطوه والله هذا الي بالي حاليا
طريقه الترويش اذا مثل ماقالت القطه عمرها فوق الشهرين الافضل تروشها بشهر مره
وتسوي لها كل اسبوع دراي كلين شور جاف وتشتري من محل حيونات بودر ه معطره خااصه
بالقطط والكلاب ترش البودره على ظهر وبطن القطه وتفكرها بشويش عشان تدخل البودره داخل
الشعر وامشط شعرها كل يوم
وطريقه الترويش هيه تكون المويه وسط لاتغلي ولا ثلج وتروشها بشامبو جونسن بدون بلسم او نونو بدون بلسم او جيب لها شامبو مخصص للقطط
اول شي لا تفتح المويه قدامها لانها راح تخاف من الصوت وتهرب او تمشخك او تعضك
جهز المويه بحوض كبير او طشت ويكون فيه كاس كبير شوي وابد اول بتهديه القطه وامسح على راسها وظهرها وبعدين ابدابالكاس تكب المويه على ظهرها تدريجيا ونتبه لاتدخل المويه داخل الاذن
او تكب مباشره ع الوجه لا منظهر شوي شوي ع رجول واليدين والبطن وحط شامبو ع ظهر وافركه وكذا لما تنظف القطوه وتكون مجهز الاستشوار وتكون حررارته مايله للبروده شوي
وستشور شعرها اول شغل المكيف ع الحار وسكر الغرفه وخليها وراح تنشف نفسها هيه
ونظف اذنها بزيت جونسن وقطن مو تعصر الزيت بأذنها لا بالقطنه وبعدين نظف الاذن
ونشاءلله اكون ساعدتك اسفه ع الأطاله بس حبيت اختصر كل شي برد ...