سوال عن ادوات التعشيش البادجي

[عاشق الكرواان]

مرحباا يا اخوان

انا بشتري زوج او زوجين بادجي هالجمعه ان شاءالله
بس بغيت اعرف شو احط في بياضه البادجي

انا ماعندي خبره فالبادجي

ينفع احط نشاره خشب نفس الكوكتيل وله يختلف
واذا يختلف شو احط فيه

هذا سوالي ويعطيكم العافيه ^^

[هاوى طيور الكوكتيل]

متحتش نشارة خشب وهات العش الى بيبيض فيه الاسترالى ومتضيفيش فيه اى حاجة يا اخى وانا باذن الله غدا سوف انزل لك موسوعة كاملة عن عصافير البادجى وطريقة التعامل معها مع تحيات (هاوى طيور الكوكتيل)

[الكادي هواها]

وعليكم السلام
عادي اذا حبيت تحط شويت نشاره داخل البياضه
ولاكن بعض الااناث تخرجها من البياضه وتعتبرها مزعجه لها فالافضل
وضع انشاره بعد فقس البيض حتى تسحب الرطوبه من البياضه وحتى لاتصاب
الفروخ بالكساح
بتوفق

[thereallity]

السلام عليكم


انا شخصيا لا اضع شياء لانها تبيض داخل الحضانة و ترقد فيها يعني مو ضروري تضع اي حاجة بس لو كنت من الذين يضعون نشارة خشب لاسباب متلا لامتصاص الرطوبة انصحك ما تضع نشارة رقيقة جدا مثل الدقيق بل الخشنة

لاكن من وجهة نظري المتواضعة انك ما تضع شيء

و السلام عليكم

[عاشق الكرواان]

المشاركة الأصلية كتبت بواسطة هاوى طيور الكوكتيل

متحتش نشارة خشب وهات العش الى بيبيض فيه الاسترالى ومتضيفيش فيه اى حاجة يا اخى وانا باذن الله غدا سوف انزل لك موسوعة كاملة عن عصافير البادجى وطريقة التعامل معها مع تحيات (هاوى طيور الكوكتيل)

اخوي شو هو العش الي بيبيض فيه الاسترالي ؟
ااذا تقصد بادجي نوع استرالي .. انا ما اعرف انواعهم
انا قلت حق النجار يسويلي بياضه
هذا القياسات

الطول 25
العرض و الارتفاع 18

قطر الفتحه 5 سم

طول المجقم 8 سم


ويكون من داخل فيه حفره قطرها 7 او 8 سانتي حق البيض

هذا الي اعرفه وهذا القياسات حق البياضه

انا قلت له يسويلي 4 من هذا البياضات لاني بشتري زوج او زوجين

وبشتري ان شاءالله كوكتيل وطيور الحب وهالانواع وبخليهم ف سلاكه

بس بغيت اعرف شو احط فالعش
والاخوان قالولي لاتحط فيه شي
فماراح احط فيه شي

لان الي اعرفه ان الكوكتيل اذا ماخليت ف البياضه حقته نشاره خشب
راح يجي للفروخ الكساح
هذا الي مخوفني فالبادجي

يعطيك العافيه اخوي ^^

[عاشق الكرواان]

المشاركة الأصلية كتبت بواسطة الكادي هواها

وعليكم السلام
عادي اذا حبيت تحط شويت نشاره داخل البياضه
ولاكن بعض الااناث تخرجها من البياضه وتعتبرها مزعجه لها فالافضل
وضع انشاره بعد فقس البيض حتى تسحب الرطوبه من البياضه وحتى لاتصاب
الفروخ بالكساح
بتوفق

مشكور يا اخوي على المعلوومه ويعطيك العافيه

[عاشق الكرواان]

المشاركة الأصلية كتبت بواسطة thereallity

السلام عليكم


انا شخصيا لا اضع شياء لانها تبيض داخل الحضانة و ترقد فيها يعني مو ضروري تضع اي حاجة بس لو كنت من الذين يضعون نشارة خشب لاسباب متلا لامتصاص الرطوبة انصحك ما تضع نشارة رقيقة جدا مثل الدقيق بل الخشنة

لاكن من وجهة نظري المتواضعة انك ما تضع شيء

و السلام عليكم

مشكور يا اخوي وماقصرت

خلاص ما راح احط نشاره خشب

يعطيكم العافيه ^^

[دندرمة]

ممكن شويه قش او خيوط

واهتم بلاكل
ونوع يعني الخس والجرجير كل يوم لازم عشان تبيض بيض مزبوووط

وكمان جوعهم 8 ساعات واديهم وجبه البيض بلبقطمات

لو تحط صوره احسن وشكرااا

[عاشق الكرواان]

مشكورين وربي يعطيكم العافيه

بحط لكم الصور ف قسمم الكوكتيل

بس يوم اشتري الازواج اول شي عقب بصور وبحط الصور

لاني بربيهم كلهم ف قفص واحد (( قفص كبير ))

وعقب بحط رابط هني عشان تجوفونه

واليوم علقت كل العشش الي سويته

اول شي سويت 3 عش حق الكوكتيل
و5 عش حق طيور الحب
و 4 عش حق البادجي
و2 حق الدرة بس ف قفص ثاني لان اخاف يتضاربون مع بعض

مشكورين وربي يجزيكم الخير