ماصدق بيضة الدجاج فقست تحت حمامه ؟ ! !

[عآفك آلخآطر]

الله يسلمكم من فترة كان عندي دجاج تقريبا من شهر
وكانو يبيضن وعقب بعتهن وحصلت 6 بيضات في مكان حطوه فيه
المهم شلت بيضة من البيضات وحطيتها تحت حمامه
ومره 15 يوم والحمامه صارت ما تيلس عليها
وخليتها صار اليوم الـ 16 و الـ 17 وعقب شلتها وحسيتها ثقيله حسيت فيها كتكوت
قلت بحطها عند حمامه ثانية وفعلن حطيتها ومر يومين والثالث . .
واليوم توه أخوي العود يا قالي في كتكوت في القفص حقك انت يبته
وانا حسبته جي يلعب وياي
قلت له خل الخرط على جنب
رحت ويايه وحصلت فعلاً كتكوت لونه برتقالي جداً حلوو
رحت اركض الحوي كله عسب ادخل القفص واشيله
وكان الكتكوت منسدح فكرته مات من الحر عقب يوم فتحت الباب طلع صوت قوي وقام
وفررحت وايد فيه
ربي عوضني عن كتكوتي الجديم
بس والله قلت لاخواني انا فحلم شكلي مو مصدق كتكوت طلع من تحت حمامه
وأشكر اخواني الي ساعدوني وقالو لي انها بتفقس







ماشاء الله تبارك الله

[bird96]

ماشاءالله تبارك الله تجربه جدا حلوه ومييزه ونا كمان زمان شوي فقسنا صوصين تحات حمامتين .

[alsa3eka]

ماشاء الله تبارك الرحمن بصراحة صوص شكله حلو

انا عندي صديق ياخذ البيض حق الدجاج عدد 3 ويحطهم تحت الحمام اللاحم ويفقس البيض

[صمت الأمل]

ماشاء اللهـ تباركـ اللهـ ,


ألف الف مبرووووووكـ عليكـ أخوي .


راح عليكـ الدجاج وحزنت عليهـ , لكن تركـ لكـ ذكرى جميلهـ خلفهم ..


فعلا طريقة جلوس الحمام على بيضة دجاجهـ ممكنهـ جدا .


لأن الدواجن المنزليهـ لها نفس درجة الحرارة والرطوبهـ تقريبا ..


فقط فروقات بسيطهـ وماتأثر ان شاء اللهـ .


وماشاء اللهـ الكتكوت يجنن ,, والتصوير أيضا اجمل .


بالتوفيق لكـ بتربيتهـ .

[عآفك آلخآطر]

يسلموو على المرور والتواجد
ومن يوم ما حطيته بقفص هو يصرخ "صو صو صو صو "
يوم امكسه وكذا يسكت وينام
الحين حطيته بجيبي الي فوق نام :P

[صمت الأمل]

المشاركة الأصلية كتبت بواسطة عآفك آلخآطر

يسلموو على المرور والتواجد
ومن يوم ما حطيته بقفص هو يصرخ "صو صو صو صو "
يوم امكسه وكذا يسكت وينام
الحين حطيته بجيبي الي فوق نام :P

هههههـ , ما أعجبتهـ الوحدهـ .


اذا يزعجكـ انهـ معكـ 24 ساعهـ فجيب لهـ خوي ورفيق ..


وأعجبتني حركة الجيب ,, هذي دااايم اسويها مع الكتاكيت بالجيب على جنب بقميصي ويسكتون ,, عيبها اني لازم أظل واقفهـ . .


ماشاء اللهـ عليكـ صرت أحسن مربي لهـ .


بشرنا بأخباركـ معهـ .

[عآفك آلخآطر]

ههههههههههههه

طيب صمت الامل انا حطيت بيض من دجاجي الي عندي 5 بيضات وحطيتهم بالثلاجة يمكن من اسبوعين مادري 3 اسابيع
حطيتهم بيضتين تحت حمامتين تتوقعين يفقس ولا فسد لانه بالثلاجة وقت طويل ؟

[bird96]

هههه فاسد طبعا .. لأنه يموت الحيوان المنوي تبع الديك

[صمت الأمل]

المشاركة الأصلية كتبت بواسطة عآفك آلخآطر

ههههههههههههه

طيب صمت الامل انا حطيت بيض من دجاجي الي عندي 5 بيضات وحطيتهم بالثلاجة يمكن من اسبوعين مادري 3 اسابيع
حطيتهم بيضتين تحت حمامتين تتوقعين يفقس ولا فسد لانه بالثلاجة وقت طويل ؟

امممم ,, واللهـ ما اعرف احد طبق يفقس بيض من 3 اسابيع محفوظ بالثلاجهـ .


اسبوع انا مجربتهـ وبحرارة ثلاجة الأدويهـ ,, وغيري كثير اللي طبقو هالطريقهـ .


ممكن يكون فاسد فعلا مثل ماذكر bird96 بسبب تجمد الأجنهـ وانخفاض نسبة التخصيب .


اذا أنت مستعد للتجربهـ وعندكـ جوز حمام مستغني عن بيضهم ,, فمالمانع ؟؟


لو كنت مكانكـ (( لأني احب التجارب )) بدأت بهالتجربهـ ومعرفة النتيجهـ ..


القرار بالنهاية لكـ أنت ,, تبي تجرب جرب وربي يقويكـ .. ماتبي تجرب فعادي وماحصل الا الخير ..

[هلا وغلا]

مبروك على الكتكوت