ابي اسوي لعبه اله كرواني

[كروانوو]

السلام عليكم

شباب انا ابي اسوي لعبه اله كرواني شكله مستمل حده

امس قعد يصاقع بروحه في القفص و ابي اعرف ليش

و لاتنسو العاااااااب و شكراً

[كروانوو]

وين الردود

[كروانوو]

لو سمحتوا بسرعه مسووه كرواني طفشان وآسف على العجله

[كروانوو]

15 واحد دخل ولا واحد فيه خير يردعلي

[كروانوو]

وين الردود ارجو التفاعل بسرعه بتموت كروانتي من الزهق

[love_girl]

اني كرواني اطلعه من القفص والعب وياه يحب يلعب بالخيوط ^_^

[صمت الأمل]

وعليكم السلام ورحمة الله وبركاته .


شوف .. تقدر تطلع كروانتك من القفص وتخليها تتمشى براحتها برا ..

أو تحط عندها مراية تتفرج على نفسها . (( يحبون المرايات ))

أو غصن من شجرة له تفرعات كثيرة يكون نظيف .


أو دور ألعاب مقاساتها صغيرة مثل ألعاب الأطفال أو كورة قماشية أو سيارة صغيرة بس أهم شيء انها ماتقدر تكسرة عشان ماتاكله ثم يجيها شيء ..

أحسن شيء للببغاوات والكروانات ألعاب الخشب أصح لها .


وغير لها من أكلها حط لها بسكوت شاي أو دوار الشمس بعد ماتقشمة لها أو فواكة أو خضار

ان شاء الله تتسلى كروانتك وتسليها وأكون أفدتك واياها . في أمان الله .

[صمت الأمل]

وقصدك انه جالس يصاقع بروحه في القفص يعني يصفق بجناحه بقوة كأنه بيطير ؟؟

عادي هذا شيء طبيعي لأنه يمرن جنحانه ويتدرب عشان تقوى .

[خبيرهـ الحيوانات]

عليكم السلام ...
مرحبتين ..
اذكر ان كوكتيلتي كيوي اللي ماتت كانت تحب السلاسل ...
انت علق فوق سلاسل واكيد كوكتيلاتكـ بيحبونها ..
بس لاتحط العاب وايد في القفص ثلاث العاب تكفي ..
بس السلاسل بعد حلوهـ ..
موفقـ .. وعيدكـ مباركـ مقدماً ..
..
..
..

[كروانوو]

مشكور على ردودكم و يا love_girl انا اطلع كروانتي بس مو اليفه و تحب تلعب بالخيوط

ويا صمت الأمل مشكور على التفاعل انا اقصد تضرب روحه في القفس

و يا خبيرهـ الحيوانات الله يعوضك خير منهى اباجرب احط سلاسل

وشكراً لتفاعلكم