اسهال قطي

[G-dragon]

السلام عليكم
اتمنى انكم تساعدوني في حل مشكله قطي
هو عنده اسهال وصاير كل يسويها داخل البيت مايطلع في اليوم الواحد نضطر ان نغسل البيت مرتين من الي يسويه
بس الحمد لله انه مافي مرض ثاني ومافي خمول يعني بس اسهال
وامي تقول لو سواها مره ثاني راح يطلع من البيت وانا مابي اطلعه الجو صاير مررره برد هالايام خايفه عليه
اتمنى انكم تساعدونيي

[بسبس مياو]

يسويها داخل البيت شلون يعني!! ويطلع وين !! انت مو حاطله رمل؟
القط اذا ماتبيه. ماتقدر تتحمل مسؤليته لاترميه او تطلعه...اعرضه تبني وفي ناس كثير ممكن ياخذوه

انت ماقلت عمر القطو وايش ياكل ويشرب

اذا تعطيه حليب فالاسهال من الحليب

ياليت تكون واضح بكلامك لاني مافهمت شي

[G-dragon]

المشاركة الأصلية كتبت بواسطة بسبس مياو

يسويها داخل البيت شلون يعني!! ويطلع وين !! انت مو حاطله رمل؟
القط اذا ماتبيه. ماتقدر تتحمل مسؤليته لاترميه او تطلعه...اعرضه تبني وفي ناس كثير ممكن ياخذوه

انت ماقلت عمر القطو وايش ياكل ويشرب

اذا تعطيه حليب فالاسهال من الحليب

ياليت تكون واضح بكلامك لاني مافهمت شي

انا مو حاطه له لتر بوكس لان اول ماجبته البيت استخدمه بس بعدين تركه وصار يروح الحوش حنا عندنا رمل برا بخلاص تعود يروح برا بس من صار فيه اسهال تقريبا 3 مرات سواها داخل البيت
القط عمره تقريبا سنه واكل انا دايم اعطيه دجاج مسلوق او دراي فود
ولا مايشرب حليب
انزين انا سمعت انه الامهلبيه ممكن توقف الاسهال هل هذا الكلام صحيح ولا لا

[بسبس مياو]

القطو تعبان ماخذ برد ..لاتلوم القطو مو قادر يمسك نفسه وغلط ينزل الحوش وهو بردان..
اجل لادخل البرد وشد وش بتسوون فيه...جيب بوكس ورمل صحي وحطه جوا البيت
المهلبية ماتنفع...جيب بيتاموكس من اي محل حيوانات. عطيه 1مل مرتين باليوم لمدة اربع ايام ..وجيب كابتين من الصيدلية البشرية وعطيها 1مل مرتين باليوم لمدة اربع ايام
لاتخليه يطلع برا البيت ولاتسبحه ...والاكل صدور دجاج مسلوق

ومثل ماقلتلك اذا ماتبيهولاتقدر تهتم فيه لاترميه بالشارع او تتركه بالحوش حرام داخلين على شتا وبرد...هذا روح بتتحاسبون عليها بالدنيا قبل الاخرة