مهم: وجدت عصفور صغير

[Need not to know]

السلام عليكم
اليوم لقيت في الحوش عصفور صغير من النوع الصغير دا اللي يعيش في شوارع المدينة المنورة، ومني عارف إيش أسويلو، كيف أأكلو؟ كيف أشربو؟ إيش أحسن بيئة أحطو فيها؟

طبعا أفضل حل إني أرجعو لأمو، لكن مني عارف فين مكانها، ولو هيا جاتو (أنا تطبيقا للي اتعلمتو لو لقيت بسة صغيرة إني ما أمسكها مباشرة لازم بشي عشان ريحتها، سويت نفس الشي مع العصفور) كيف حتقدر تاخدو؟ مستحيل يطير معاها وهوا صغير، غير كدا إنو الحوش يجولو بسس فلو خليتو في الحوش عشان تجيلو أمو مصيرو يا إما ياكلو البسس يا إما ياكلو النمل.

دحين حطيتو في وعاء حق الزهور، ومعا غطاية علبة موية عبيتها موية، بس ما قرب منها، ومني عارف إيش أحطلو أكل، وهوا ياكل ويشرب بنفسو ولا بمساعدة؟ وكيف أساعدو في الأكل والشرب لو ما كان ياكل ويشرب بنفسو؟

يعني باختصار كيف التصرف اللي المفروض أتصرفو دحين عشان حياة العصفور؟

[Octopus]

لازم صور عشان نقدر نساعدك

[Need not to know]

دي صورتو


بس مو واضحة، كمان هوا نايم، فقلت أخرج برا أشوف أي عصفور من نفس النوع أصورو، ولقيت دا

[azo0oze]

ياحبيبي احسن لك تخليه يطير عشان بيموت

واضمنه لك لأنه لازم معا امه

كان عندي صار ماياكل له يوم

واليوم الثاني طلقت صراحه

[fawzi]

خليه في نفس المكان الي انت وجدته فيه لاتخاف امه ان شاء الله راح تجي

[Need not to know]

وصلتني معلومة، العصفور دا لازم أأكلو وأشربو بطرف أصباعي، الشرب موية محلية بعسل أو سكر وكمان أخلي عندو غطاية فيها موية، والأكل عيش مغمس في موية حلوة، الأكل والشرب كل ساعة أو ساعتين ومرا قليل لو كترت يموت.

شكرا Octupus، azo0oze, fawzi، وبالنسبة لـazo0oze، هوا ما مدا يطير عشان حيجلس برا حيتاكل، وكمان هوا بياكل ويشرب الحمدلله بس لازم تأكلو وتشربو بأصباعك، وfawzi الحوش خطير بالنسبة لو وأمو محا تقدر تساعدو وهوا طايح لازم تودي العش ودا الشي لا أنا أقدر أسوي (ما أعرف فين عشو) ولا هيا تقدر تسوي.

شكرا لكم مرة تانية، وأي معلومة تانية عندكم أفيدونا بيها.

[mr-kreeze]

إذا كان عندك قطره فاضيه ولا قطاره غسلها زين وحط فيها مويه وسكر ولا تكثر السكر والأكل رز تخليه في مويه دافيه من ساعه إلى ساعتين وبعدين أنت تأكله وإذا ما كان عندك قطره غسل يدينك ثم غمسها في المويه وخلي المويه تنقط على منقار العصفور حتى لو بالقطره

[Octopus]

صح نسيت اقولك نوع هذا العصفور هو الدوري وهي من الطيور المغردة

[أحبك توتو]

لا تطيرينه اعتني فيه اذا قدرتي و اذا ما قدرتي اعرضيه بقسم التبني

[ابو عبدالله**]

هذا الطير دائما اصيده في استراحتنا
بالشبكه واطيره ما اخلي الا البلابل