الكاسكو ماينام وش السبب؟؟؟

[ALI ALSHAMI]

ياشباب انا عندي الكاسكو اليف ويحبني اليوم العصر قبل الفطور طلع على كتفي وراح عند راسي ويالله نزل مني من حبه لي اذكروا الله وقولوا ماشاء الله... انا مهتم فيه كثير واحبه ويحبني....

المشكلة انه ماينام تخيلوا مطلعه ينام من الساعه 7 المغرب وتو مريت عليه الحين الساعه 1 ص ولادخل راسه تحت جناحه بس مفتح.... المكان تهويته جيده بس ركزوا معي حاطه على الدرج يعني بين الدرج الفاصبل بين المكان اللي يطلعك فوق وينزلك تحت يعني وسط الدرج فهل هو خايف من المكان او ماارتاحلة او وش السالفة افيدوني تكغووووووون ابيه ينام امر عليه من فوق اناظره احصله مادخل راسه تحت جناحه....... الصبح لما اجيه يكون مبسوط ويهز راسه كيف وهو مانام؟؟؟؟؟؟؟

عطوني حل هل هذا طبيعي او كيييييف!!!!!!!!!

اعيد موقع نومه: على الدرج المكان اللي بين الدرج الراقي والنازل فهمتوا؟؟؟؟؟؟

[أحلى حلم]

شوف ياطويل العمر جرب تغطي نص القفص بقماش اي قماش عادي يفضل يكون لون اسود وبس نص القفص العلوييعني الى حد العصا اللي ينام عليه الطير فوق,, هذا يعتبر حل عشان الطير يجيه نوم اما اذا كان المكان ازعااااج مرررره صراخ على الدرج واطفال اكيد مراح ينام بيتضايق,, انت اللحين جرب انك تغطي نص القفص بالقماش واذا ماضبطت حاول تغير مكانه الى مكان اهدى شوي

[ALI ALSHAMI]

المكان مب ازعاج محد يمر من عنده... بجرب اغطي القفص والله يعين بيخاف ههههههه.

مشكور اخوي وماقصرت.

[بوسلمان]

على فكره اخوي الكاسكو لما ينام مايدخل راسه بين جناحه الا في حال المرض

ومثل ماقالو الاخوان غط نص القفص وان شاء الله الامور طيبه

[ALI ALSHAMI]

مشكور اخوي وياهلا باهل قطر الكرام.

[AVOCADO]

تختلف جميع الطيور في طريقه النوم
والكاسكو ما هو شرط يدخل راسه عشان ينام
تدخيلة الراس هذا سلوك يستخدمه لظروف معينه
احتمال لما ينام يدخل راسه خلف جناحه اذا كان بردان او اذا كان مريض او اذا كان خايف واحيانا يدخل راسه بدون سبب بس سلوك عادي وفي كلا الاحوال هو لابد ان ينام اذا كان الجو هادي وظلام
زي البشر بالضبط بعضهم يحب ينام ويربط عيونه بقماش وبعضهم يحب ينام وراسه فوق المخده وبعضهم ما يحب المخده وبعضهم يحب ينام بالظلام الدامس وبعضهم يحب ينام بنور سهاري خفيف وبعضهم يحب ينام بانوار الغرفه مضاءه
فهو سلوك طبيعي ما يلزم انه يكون مرهق للشخص او الطير سواء
وانا عندي طيرين بنفس القفص ينامون واحد ينام وراسه خلف جناحه والثاني ينام متعلق على الشبك
وبما انك تقول انه يقوم الصباح مبسوط ويهز راسه معناها انه نام وشبع نوم وهنا تقدر تطمن عليه
لان الطير لو ما نام راح تشوفه الصباح خامل جدا ويتثاوب كثير
وللمعلوميه الطير مو مثلنا ترا يعني تنام زي الاموات
نومهم خفيف ويفزون لاصغر صوت او حركه ويرجع ينام وهذا ايضا طبيعي عندهم
ولا تقلق الله خلقهم كذا
وبالنسبه للمكان الي يوقف عليه وينام انصحك يكون مكان نومه هادي وايضا يكون العصا او المجثم الي يوقف عليها من الخشب حتى يقدر يثبت عليها نفسه
موفق

[ALI ALSHAMI]

فديتك ياشيخ مشكووووووور

[الماسيــــــــــه]

مثل ماقالو
وانا اغطي قفص كواسكوي

لان ماينامون و انا ماعطيتهم لازم اغطيهم

وشكل كاسكوك نثيه