الأهل وببغاواتنا

[ام ماجد]

تسلمون اخواني
وبالنسبه لكلام اخوي اللي يقول اخلي احد يهتم فيه فمستحيييييييييييل اسوي هالشي
انا مااقدر امنع نفسي دقيقه عنه ثانيا ابي اني انا الوحيده اللي افرق عن البقيه
يعني ابيه اليف لكن متعلق فيني

[SILVER LOVER]

والله انا مشكلة مع الاهل و الطيور

لأنهم بشكل عام , يعانون من الحساسية , وخاصتاً الافريقي

لأن القشره فيه بشكل كبير , والي كرهم اكثر واكثر , يوم مات الهولندي

قالو ما يطب بالبيت ولا طير ,بس فيه المعاون الا وهو الوالد , يحب الكناريات

وجبتلي كم حبة كناري وبعتهم وعما قريب بيجي ضيفي الجديد , ان شاء الله

شكرا على الموضوع

[سلفر القطيف]

اعاني نفس المشكله مع طيري سلفر مايبي احد ابد ولا يطيق اي طير بس يبيني انا وطول وقته معي ولدرجه ينام معي والطير له معي سنين ولا تغير وجبت له اكثر من مره طير من نفس فصيلته ورفض يتألف معه والطير مثل الحمامه معي ويسوي اي شئي اقوله وحاولت اعوده على البيت بس رفض يتقبل.

تقبل تحياتي

[rida12z]

أنا عودت الأهل على جميع أنواع البباغوات بس باقي أجيب لهم اسد على قولت أمي ههههه الله يحفظها ( تعقدت من إزعاج الأمازون وتصفير الكاسكو <<<<<<<
يحبونهم لاصارو يتكلمون وبس يصوتون يروحو يغطوهم ببطانيات وأقمشة سوده هع هع هههههههههههه
عادي يأكلونهم ويلعبو معاهم

[rida12z]

المشاركة الأصلية كتبت بواسطة سلفر القطيف

اعاني نفس المشكله مع طيري سلفر مايبي احد ابد ولا يطيق اي طير بس يبيني انا وطول وقته معي ولدرجه ينام معي والطير له معي سنين ولا تغير وجبت له اكثر من مره طير من نفس فصيلته ورفض يتألف معه والطير مثل الحمامه معي ويسوي اي شئي اقوله وحاولت اعوده على البيت بس رفض يتقبل.

تقبل تحياتي

أهلا صديقي كنت نفس مشكلتك بس لقيت لي حل أنا من فتره أعطيت خويي طير من عندي واخذت طير من عنده فترة
وبعد فترة تعود الطير على الجميع
يعني لو عندك صديق يحب الطيور عطه طيرك فترة خله عنده وراح تشوفه يتجاوب مع الكل خصوصاً إذا كان أليف وحس بغيابك بس لازم تخليه يدلعه ويهتم فيه نفس ماكان معك لان الطير لو فقد راعيه ودلاله يمكن يودع نهائي

[ام ماجد]

شكرا اخواني على المشاركه
انا احاول فيه بس يخاف مادري علشان هو جديد على البيت لانه له ثلاث شهور وانا بس تعود علي
رغم اني احطه بيننا بس محد يقرب له غيري
وهالفتره يحاولون الاهل يعطونه الاكل ويرفض


بالنسبه لأخوي اللي يقول اعطيه احد يهتم فيه والا اوكل احد من العائله قلت قبل هالمره مستحييييييييل
لو يتم مايبي احد طول عمره
انا اعتبره ولدي وواجب علي مااغفل عنه ووماابي اهمله لو نص دقيقه
اذا تآلف مع الاهل شي حلو ماتآلف براحته بس انا اهمله لايمكن ^^

[evil.girl]

الله يخليلك إياه بالنسبة لي أنا أهلي مكتفين بصوت الكاسكو ومتنازلين عن فكرة انه يألف عليهم ومبسوطين بهالشي

[ام ماجد]

امين ويخلي لك طيرك ^^
وشكرا لمشاركتك

[سكر]

موضوع مثير للاهتمام

وردود الاعضاء تدل على خبرة ودراية,,

عندي اولاد أخوي 4 ما شاء الله

وببغائي يكرههم كلهم ما عدا واحد فيهم يحبه حتى أكثر مني,,,

وهذا دليل على ان الببغاء يميز الشخص بذاته ويلاحظ تفاصيل دقيقة احنا ما ننتبه لها,,

مثل انه ما قد عض الولد اللي يحبه ابداً,, اما اخوه اللي اكبر منه يعضه,, ولاحظت انه فيه فرق في مدت اليد بين الولدين

والببغاء يفهم رسائل مختلفة منهم ويتفاعل معاهم بناء على حركة يد كل واحد فيهم لما يجي يبغى يشيله.

احيانا يكون الاختلاف في سرعة حركة اليد, وأحيانا في شكلها ووضعيتها,, وأحيانا في مستوى ارتفاعها,,

مثل ما قال أخوي صاحب رأي ,, لازم نفهم الأسباب حتى نقدر نحل الموضوع,,

وفهم الاسباب يبغاله تأمل,,,


بالنسبة لحالتك مع ببغائك, ما يكفي الإطعام والإعتناء فقط,, زوجتي في البيت تهتم في ببغائي اكثر مني ومع ذلك يحبني اكثر منها,,

والسبب لأني ألاعبه اكثر منها,, وأقربه مني دائماً,, وهذا هو السر في الموضوع, الناحية الاجتماعية, وعمق العلاقة.

التلامس من أكثر الأمور المؤثرة في البشر ,, وحتى في الحيوانات,, كل ما زاد التلامس كل ما قويت العلاقة اكثر وأكثر.

أنصحك تخلي أحد في أهلك خصوصاً من الصغار يحمل الببغاء دائماً ويتمشى فيه في البيت كل يوم مرة,, وراح تلاحظي انه تغير معاه بالذات..

تحياتي

[s.dis]

موضوع جميل ،،

انا بالنسبة لبغبغائي كنت الوحيد بس الي اليف معاي ،، وامسكه والعب فيه مثل الحمامة وما كان يخلي احد يقرّب جنبه كان يخاف منهم ،، بعد ما تعود على اهل البيت صار اليف معاهم كلهم الا من اثنين اذا شافهم يقعد يحوس حول القفص وينفخ ريشه وهم بنات خواتي مره صغار 3 سنوات ،، وحده منهم ضربته على رجله وهو متعلق بالقفص ومن يومها كل ما يشوفها يبي يعضها ،، واذا كان على الأستاند او يتمشى في البيت يركض لعندها ويتحرش فيها ،، شايل بقلبه ههههه ،، اما مع البيت كامل صار وضعه جداً ممتاز خصوصا ً مع الوالده ،، يحبها حب مو طبيعي ولما يتمشى في الغرفة او في المجلس واحنا جالسين يروح على طول عند امي ويجلس بحضنها وتحكله راسه ^_^