صوت الكاسكو واطئ

[جعفر السامرائي]

بسم الله الرحمن الرحيم
السلام عليكم ورحمة الله وبركاته

اللهم صل على محمد وآل محمد كما صليت على ابراهيم وآل ابراهيم انك حميد مجيد.

كيف الحال والاحوال ؟
ان شاء الله بخير
وشلونها طيوركم ؟
ان شاء الله زينين

ببغائي مسعودة بدات تتكلم والحمد لله
كلامها :
تطقطق وتقول منو
بوسة .. تبوس .. بعدها تقول الله
وتقول زهراء ومنى

وانا احاول اعلمها اكثر

هنالك مشكلة
صوتها لما تتكلم ناصي ، واطئ ..
ما الحل حتى صوتها يصير عالي لما تتكلم .. هي لما تصوفر ولما تصيح صوتها عالي ..

كيف احل هالمشكلة ؟؟

ولو اردت تقييمها بالسعر كم تقيموها ؟

سلامي

[طلع لي قرون]

وعليكم السلام ورحمة الله وبركاته

ما شاء الله ربي يحفظها لك ...

حتى مرزوق معه نفس المشكله ..

صوته اوقات يكون واطي ولا ينسمع .. اوقات يكون مسموع بس بعد واطي ..


يعني لازم اكون قريب عشان اسمعه ..

والحمدلله يقول اسمه واسمي بعد .. <<

بس طفشت من صوته الواطي ..

ان شاء الله احد يفيدك ويفيدنآ ..


وربي يحفظ لك مسعوده

[الكاكي]

اذا اليف وهذا كلامه سعره من 1000-1200 ريال
الصوت المنخفض سببه الملقن (انت )
متى ماكان صوتك عالي في التلقين كان صوت الطير عالي .
وهناك مقوله (صوت الطير الغير اليف عالي ) هذا كلام غير صحيح
لان تلقين الطير الغير اليف يكون من بعيد فمن الطبيعي يكون عالي وبذلك يكون صوت الطير عالي
ولو لقنت طير سواء كان اليف او غير اليف بصوت عالي كانت النتيجه صوت عالي .

[mrmzizo]

ماشاء الله تبارك الله .. الله يحفظها من كل شر

حبيت أسئلك أخوي جعفر .. قد أيش قعد معك الطير من يوم ماأشتريته الين نطق أول كلمة !

شاكر لك والله يوفقك

[بغبغاء رمادي]

مبروك عليك , انا اسوبوع والحمد لله بعد جهد وتلقين اليوم بغبغائي ميمو نطق اول كلمه جلست اسبوع ادربه اياه وهي (( هالووووو)) الصباح قالها بصوت عالي وقبل شوي المغرب ما تنسمع بصوت هاديء وانا القنه اياه بصوت تسجيل وبصوتي الطبيعي

[mrmzizo]

ماشاءالله اسبوع وكلمة ... مبرووك

[بغبغاء رمادي]

المشاركة الأصلية كتبت بواسطة mrmzizo

ماشاءالله اسبوع وكلمة ... مبرووك

هههههه الحمد لله بس واطية خي مو حيل واضحة بس انا فهمتها لانه من يشوفني واطلعه من القفص يقولها عقبالك بس مدري ليش وزنة بدا يخف بالرغم توني جايبة من البيطري وكتب لها املاح وقال لي ان الطير نورمال جدا وما فيه الا العافية

[بووسلطان]

مثل ماقولو الاخوان يعتمد على الملقن لكن هناك حالات تكون فيها نبرة الطير هذا امكانياته عالعموم انت لقنه بصوت عالي لمدة ثلاثة شهور واذا شفت الطير مازال على نفس الصوت انصحك تشوف طير غيره لان صار لي مثل اللي صار معاك كان عندي طير لمدة سنة ونصف لكن مع الاسف حاولت اللقنه بصوت عالي لكن مع الاسف هذي نبرة صوته ماتغيرت وبعت الطير والسبب نبرة الصوت الضعيفة لكن انت حاول وان شاءالله يتحسن مع التلقين