كيف يروض الباعون الببغاوات ...و تجربتي اليكم

[كاسكو رمادي]

السلام عليكم....

يااخوان جبتلكم موضوع جديد و ان شاء الله ينال رضاكم.....

كيف تروض الببغاء

قبل خمسةايام اشتريت بلوفرنتد و يوم جبتة البيت مول جنكلي متوحش وخواف يوم حد يحط ايدة يعضة عضة يطلع الدم المهم فكرت شو اسوي لين ما جاتني فكرة اسير عند احد اصحاب المحلات الطيور واشوف هم كيف يروضون الببغاوات يوم وصلت وسئلت راعي المحل الباكستاني قالي هذي اسرار العمل وانا ما اقدر اخبرك المهم يمين يسار احاول يخبرني بس ماطاع المهم اعطيتة 200 درهم قلتة الحين خبرني ..... والحبيب بدا وقال::::::::::::::


اول شي تحط الطير عالستاند و تجوعه 5 ساعات بعد التجويع ترشة بماي برشاش بعدين تقرب ايدك منه والطير اكيد بيحاول انة يعض يبا يدافع رشة بالماي وقرب ايدك مرة ثالثة و هو بيحاول يعضك رش عليه الماي. الطير راح يهدء قليل مرة الرابعة امسك من رجلة وطلعة على ايدك غصب واكيد الطير بيعضك عض بس حاول انك تتحمل المهم يوم الطير هو على ايدك وعضك رشة بماي كلما عضك رشة وحاول انك ما تنزل الطير لمدة طويلة وكذا الطير راح يتعلم.....

الحين جاء دوري اطبق:eek:



حطيت الطير عالستاند جوعتة وبعدين رشيتة بالماي بعد الرش قربت ايدي الحبيب عضني عضة يا طلع لي دم والعوار اخخخخخخخ المهم رشيتة بالماي والمرة الثانية والثالثة المرة الرابعة مسكت رجلة غصب وطلعتة على ايدي المهم الحبيب بدا يعض وانا كلما عضني ارشة بالماي و ايدي استوت طماط المهم خليتة على ادي مدة 3 ساعات في المرة الاولى بعدين نزلتة عالاستاند فكرت قلت عضاتة ما اتحملها لان كل عضة يعني جرح فكرت وحصلت الحل المناسب سرت الصيدلية واشتريت لصقت ضمادات(الصورة تحت) المهم لفيتة على صابعي وشليتة وهو بدا يعض بس الحمد لله ما تعورت وهو يعض انا ارشة بماي لينما نزلتة ..... وستمريت كذا يومين في ها التدريب واليوم شليتة بدون لصقة على ايدي ..حطيت ايدي جمب رجلة واقول اطلع الحبيب من غير نفس يطلع على ايدي بس الحمد لله بدون عض والحين انا مستانس والتجربة نفعت وقلت لازم افيد اخواني في المنتدى .....ملاحظات هامة(((اذا الطير حاول يعضك لا تسحب يدك ابدا والشي الثاني يوم بتمسك طيرك من رجلة اول التدريب هوبيحاول انة يطير وانت لا تخلية يفلت من ايدك خلك ماسك رجله وصعدة على ايدك مرة ثانية ......بعد التدريب عطة اكل لينما يشبع)


الصور التوضيحية





هذا انا ابدأ مع الطير بالرشاش





هذا الصق اللي استخدمتة لتجنب العض




شوفوا كيف انا ماسك رجل الطير وما اخليه يفلت





صورة تقريبية كيف ماسك الرجل ورابط الصق وشوفوا emy كيف معصب ونافش ريش راسة






التدريب مستمر




اخر مراحل التدريب




الحمدلله ادرب شوفوا بدون ما امسك رجلة واقف وما يهرب ولا يخاف الحين ...ربي لك الحمد



مشااااااااااء الله


ارجوا ان ينال الموضوع رضاكم وارجوا الردود واسمحولي عالتطويل

[hunter66]

ماشاء الله تبارك الله..اخوي موضوع رووووووووعة بكل معنى الكلمة..وصراحة افدتني كثير وان شاء الله بحاول..يعطيك الف الف عافية..لا عدمناك

[مجنون الامازون]

ما شاء الله عليك .. بس لازم تعرف حاجة .. طلوع الطير على اليد وهو مغصوب مو حلو .. لانو يكون زعلان منك ..

والباكستاني اعطاك الطريقة وهي غير مفيدة على المدى البعيد .. فترة مؤقتة فقط وبعدها يرجع الطائر يحاول

يعظ .. عموما الطريقة هذه يسونها اصحاب المحلات لانهم تجار وهمهم الوحيد (الدرااااااااااااهم) فقط لاغير ..

عموما الله يوفقك يا رب ..

[أبو ريـــــــــــــان]

ماشاءالله عليك اهنيك على هذا الأبداع

وشاكر لك مشاركتك الفائدة مع أخوانك الأعضاء

بارك الله فيك ونفع بك

[كاسكو رمادي]

المشاركة الأصلية كتبت بواسطة hunter66

ماشاء الله تبارك الله..اخوي موضوع رووووووووعة بكل معنى الكلمة..وصراحة افدتني كثير وان شاء الله بحاول..يعطيك الف الف عافية..لا عدمناك

الله يعافيك وشكرا عالمرور

[كاسكو رمادي]

المشاركة الأصلية كتبت بواسطة مجنون الامازون

ما شاء الله عليك .. بس لازم تعرف حاجة .. طلوع الطير على اليد وهو مغصوب مو حلو .. لانو يكون زعلان منك ..

والباكستاني اعطاك الطريقة وهي غير مفيدة على المدى البعيد .. فترة مؤقتة فقط وبعدها يرجع الطائر يحاول

يعظ .. عموما الطريقة هذه يسونها اصحاب المحلات لانهم تجار وهمهم الوحيد (الدرااااااااااااهم) فقط لاغير ..

عموما الله يوفقك يا رب ..

مشكور اوخي عالتعليق بس هذه تجربة و نفعت معاي

[كاسكو رمادي]

المشاركة الأصلية كتبت بواسطة أبو ريـــــــــــــان

ماشاءالله عليك اهنيك على هذا الأبداع

وشاكر لك مشاركتك الفائدة مع أخوانك الأعضاء

بارك الله فيك ونفع بك

هذا من واجبنا وجزاك الله خيرا

[ابو محمــد]

انا محايد وانت كذا جبرته على الطاعه غصب عليه وعلى فكره مثل ما هو واضح في الصوره الطير خايف,,,,

حاول تبعد الماي وتبين له انك راضي عليه حتى لو عظك ,,,

والله العظيم الحيوانات هذه ما فيه اللطف منها لكن بالصبر كل شيء يصير.

(مجرد رأي)

[medozoom]

الله يعطيك العافيه والله

الفكره روعه وهي مشابهه لطريقه كلمه عيب عندما يعضك

لكن احس ان فكره المويه فكره جميله واول مره اسمع فيها

لانه فيها دلاله على ان العض ممنوع ما ادري ممكن تسبب للطير خوف بس بحاول اليوم مع مجنون الامازون ندرب البلو فرنت حقي اذا ما ضبط معاه راح اجرب طريقتك واعطيك الاخبار

لك ودي على هالابداع والموضوع يستحق الاشاده

لك ودي وان شاء الله تلاقي طيرك من احسن إلى احسن وعقبالي

تحياتي

["مجرد علامة"]

ماشاء الله تبارك الرحمن

يعطيك العافية كاسكو رمادي على هالطريقة الجديدة مع اني ضد انه ينجبر الطير على شي مايبيه

بس اصحاب المحلات مابينهم وبين الطير علاقة انت اللي يبي يعيش معك سنين (هذا اذا ماكنت ناوي تبيعه)

فالطيور مثل ماقال اخوي محمد مافيه ألطف منها ولكن بالصبر كلش يصير


*ملاحظة : لو جربت انك تقرب له المجثم يطلع عليه كان وفرت على روحك كم عضة هههههههههههههه



يعطيك العافية وتسلم الإيدين والله يخلي لك هالطير الرائع

تقبل مروري



لا اله الا الله