مساعدة لقطة صغيرة

[بشورة]

السلام عليكم اخواني ....

ادخل بالقصة عطول

مبارح وأنا طالعة برا البيت شفت قطة صغيرة بجانب الحاوية ..

قطة صغيرة جدا يعني المفروض تكون لسا مع امها لكن هي لوحدها امها متخلية عنها..

كانت جوعانة كتير ومتوسخة جدا وتنوي بصوت عالي .. وتدور بين الزبالة على اكل ..

رجعت للبيت اخدتلها نصف قطعة نقانق دجاج لإنها خفيفة كتير يعني بظن هضمها سهل,,

ولما وصلت عندها حطيت القطعة قريب منها

دارت وجهها على جهتي لاحظت حولين عيونها في اشي غريب .. ما شفتو منيح بس كل حول عيونها وتقريبا كل وجهها لونو احمر ومنفوخ الظاهر انو التهاب ,,

صارت تدور على القطعة هي ادامها بس ما شافتها ,, لحد ما اجا تمها عالقطعة صارت تاكلها بشراهة ,,,

انا خفت عليها كتير وضليت اروح اتفقدها وأكيد جننت اهلي عياط وبدي اخدها على دكتور ومو راضيينلي

بعد بشوي رحت وما لقيتها ففكرت يمكن حد اخدها يعتني فيها ولا اشي مع انو مستبعد جدا

اليوم لما طلعت ما كنت متوقعة اشوفها بس كانت بجانب الحاوية برضو تنوي بصوت عالي ولسا وجهها بنفس الشكل

طول اليوم وهي موجودة بس لما رحت بالليل اتفقدها كانو قطط الحارة محتلين مكانها وهي مش موجودة

اخييييييييييرا بعد طول عناء اهلي وافقو بكرا اخدها على دكتور لو لسا موجودة .. لكن ما حد بده يساعدني فيها فراح اقوم بكل شيء لحالي ,,

لهيك انا اطلب استشارتكم ,, ايش ممكن العيادة البيطرية عنا تفيدها؟

خاصة انو الاطباء البيطريين اللي عنا كلهم بس بيعالجو الغنم والبقر والدجاج وهيك لإنهم بس للمزارع ..

وكمان خايفة الدكتور ما يساعدني وما يرضى يسويلها اشي ..

وايش ممكن يكون اللي حولين عيونها؟

لو نظفتها منيح واعطيتها تطعيمات واعتنيت فيها بيكون الوضع جيد؟

خاصة انو هي قطة شوارع يعني ممكن تشفى لوحدها مثلا؟ اقصد يعني ما بيكون في ضرورة لتدخلي ولا كيف؟

رجاء ساعدوني ما اعرف شو اسوي وطول النهار ابكي عليها واخدت الموافقة اني اخدها على دكتور لهيك بدي انها تشفى وترجع منيحة .. راح اعتني فيها لحد ما ترجع منيحة لهيك افيدوني رجاء

شكرا لكم

[شاهستا]

اهلا بيكى

وجزاكى الله خير على تبنيكى للقطه

ياريت تصورى القطه والاصابه الى فيها عشن نقدر نساعدك

ويمكن متحتاجش لدكتور ونقولك احنا على العلاج

فى انتظارك وكمان الصوره هتفدنا فى تحديد عمرها ونوعيه الاكل الى هتقدميه ليها

[بشورة]

ان شاء الله بكرا الصبح بروح وبصورها ان شاء الله تكون الشغلة بسيطة

لكن انا افضل حتى لو دواء اخدها للبيطري لإني انا اخاف امسك القطط فما رح اعرف اسويلها اشي

ما اعرف الدكتور البيطري يحممها؟

انا ما اعرف اسوي اشي جاهلة بالقطط لأبعد الحدود لهيك بطلب مساعدة ..

اول ما بصورها بحط الصور لتشوفو

بالنسبة لعمرها هي صغيرة .. يعني حسب حجمها من قطط حارتنا اللي اعرفهم المفروض لسا تكون مع امها لكن امها مو موجودة وما في الها اخوات حتى ..

[شاهستا]

طيب دلوقتى ضرورى تحطيها فى مكان امن

هاتى كرتونه وحطى فيها قطعه قماش وحطيها فيها ويكون مكان دافى عشان حالتها متزدش سوء

وقدملها دجاج او بيض مسلوق او لحم مقطع قطع صغيره

وفى انتظار الصوره ومتخافيش منها هى مش هتأذيكى ابدا

[بشورة]

بكرا من الصباح رح اضل اروح استناها ,,

لإني رحت قبل شوي لما صارت الدنيا عتمة وما كانت موجودة كانو قطط الحارة محتلين المكان ..

معقول في مكان تاني تروحله تلاقي فيه اكل؟

لكن بالنسبة لوجهها ميبن انه مرض لازمه علاج ..

هلأ بروح كمان مرة بشوفها ازا موجودة .. ولو موجودة باخدلها صورة .. بس ما اعرف حتخليني اقرب منها ولا لأ..

[بشورة]

وشكرا لك اختي شاهستنا على مساعدتك جزاك الله خيرا طمنتيني ^^

ان شاء الله بكرا بس الاقيها واحط صورها تكوني موجودة

[شاهستا]

انتى ليه سبتيها تانى ؟

مفروض كنتى خدتيها وهى صغيره يعنى مش هتأذيكى اصلا

يارب تلاقيها او حد ياخدها يهتم بيها زمانها جعانه وبردانه كمان

[بشورة]

انا ما شفتها قبل بس مبارح شفتها ..

وما اخدتها لإنو اهلي ما بيسمحولي..

لكن خلاص عملت مفاوضات واخدت موافقة بحطها جنب الدار ..

رحت هلأ ما كانت موجودة اصلا القطط بالشوارع عنا بالليل تختفي تروح مكان تاني عشان الكلاب بعد شوي تبلش تظهر ..

ان شاء الله بتكون راحت لمكان امن وبكرا من الصبح بروح وبحطها بكرتونة ,, ما حد رح ياخدها انا عارفة الناس بالحارة عنا ما يحبو الحيوانات

[شاهستا]

حاولى تدخيلها جوه البيت ان شاالله على السلم

بس يكون جوه البيت لان كدة هتتأذى من الحيوانات او الاطفال

[بشورة]

اها اكيد رح احطها بمكان امن .. حتى جنب الدار عنا ما تدخله الا القطط لإنو كلو مسور ..

ان شاء الله بكرا بلاقيها وبصورها وباخدها عالدكتور وبتتعالج ان شاء الله