الكلام ده صح وفى حاجه غلط ؟؟؟

[elgendy]

ا

لفرق بين الجرمن شـيبرد الاصلي و بين المهجن:

1- اللون فى جسمه يميل الى النحاسى او الاحمر كلما اغمق اللون كلما تاكدت انه بيور (وهناك اللون الابيض حيث يكون لون الكلب كاملا ابيض)
2- الكسحة الكل منا سمع عن هذه الكلمة البعض لا يعرف معناها ومعناها هو ميل الظهر اى كلما مال الظهر الى اسفل وارتفعت الراس الى اعلى كلما زادت الكسحة كلما كان الكلب افضل بكثير الكلاب البلدى ما تعرفشى حاجة اسمها كسحة
3- الذيل يشترط ان يكون مستقيما 100% مش ملولو ومبروم لانه لو ملفوف يبقى الكلب دة مش اصلى نهائيا ولو تلاحظوا كل الكلاب البلدى ديلها تلاقيه ملفوف مش مستقيم وهناك علاقة بين الذيل والكسحة كلما زادت الكسحة كلما كان الذيل على الارض واذا لمس ديل الكلب الارض اذا الكلب جيد اما اذا مال الذيل على الارض اى جزء كبير من الذيل على الارض اذن الكلب ممتاز
4- الاصابع طبعا لازم يكون الكلب متخنصر يعنى يديه الاماميان بهما 10 اصابع الواحدة خمس اصابع اذا كان الكلب يملك اربع اصابع فقط اذن هناك من سرق اصبعان هههههه والكلب ذو الاربع اصابع فقط فى اليد الامامية اى 8 اصابع فى اليدان الاماميان ليس اصليا الكلاب البلدى غير مخنصرة اى انها لا تملك سوى 8 اصابع فى اليدان الاماميان
5- هذه الاعلامة لايعرفها الكثير وهى النجمة فى الكلب الجيرمن شيبرد الاصلى يظهر شعر ابيض فى صدره على شكل نجمة ثلاث ريش
6- الوجة
اولا البوذ يكون اسود ومافيش شعر ابيض خالص فى الوجة عامة
ثانيا الفم سقف فمه يكون اسود وتكون اسنانه ليست خارجة عن الفم والجلد الذى حول الاسنان من الخارج يكون اسود
ثالثا الاذن اهم حاجة تكون منتصبة تماما
الفرق بين العصب المكسور والعصب الضعيف اللى مش مكسور
العصب بتاع الاذن لو مكسور يبقى مافيش امل ان الاذن تكون منتصبة غير بعمليات وادوية وحاجات كتير وعشان تعرف ان العصب مكسور ولا لأ لو مكسور هاتلاقى جوة الاذن حتة بيضة كدة زى مثلا لو معاك غصن شجرة ها تلاقية نازل على رفيع لو كسرته ها تلاقيه طخين ولو لفيت حتة قماشة حولية ها تعرف تفرق بينه وبين الغصن السليم العصب بتاع الاذن كدة ها تبص على الاذن من جوه ها تلاقيها فيها عصب ابيض طخين ونازل على رفيع لحد طرف الاذن دة السليم لو مكسور ها تلاقي عصب طخين ماشى ماشى ماشى وهب ها تلاقى مافيش ولا رفيع ولا حاجة يبقى دة عصب ايه شاطرين يبقى دة عصب مكسور
هناك بعض الكلاب لا تنتصب اذنها حتى سن خمسة شهور او اربع شهور دة شئ عادى
والكاب عامة لا تنتصب اذنها لمدة طويلة قبل سن 6 شهور
الفرق بين الذكر والانثى
الذكر اضخم بانشين من الأنثى اى انك لن تلاحظ الفرق
ولكن غالبا الذكر اعلى فى الارتفاع واقصر فى الطول والانثى العكس
مع العلم ان الانثى اذكى من الذكر واشرس من الذكر بكثير نظرا الى ان خلقها الله بفطرة الشراسة اكبر من الذكر لكى تتمكن من الدفاع عن نفسها وعن اولادها

[romaneez]

سوري ياعني
فيه غلط كتير ف كلامك
اول حاجه اصل الالماني البيور بيبقا من غير كسحه والكسحه دي عن جديد وف البلجيكي
ولعلمك معظم الي بيتباع ف السوق وبيقولو عليه بكسحه زي الفل بيكون الكلب رابطين رجلو اربعين يوم ف لما بيوجو يفكوه ويعرضوه للبيع بيبقا مشيو مش متوازن وبيبقا ساند علي رجلو ف يقولك اهو كسحه وطبعا كتير ناس مكش بتاخد بالها ياعني ايه كسحه عيب خلقي وياعني ايه ميل بيور الكلب

تاني حاجه المخلب الي ف رجل اللكب ده دليل انو مهجن مش دليل انو بيور
بيور الكلب انو يكون معندوش مخلب خلفي

3 حاجه الديموند او النجمه او الدبوس


بيكون ليها كذا شكل ياايما علي شكل خط طولي يااما علي شكل نجمه ياايما علي شكل ماسه
وبيكون الشعر فيها ابيض وكثيف لكن ف اغلب الكلاب بتختفي ف عمر 6 شهور
واغلب الي بيتباع برضو بتلاقيها نجمه ويكون الكلب عمرو كبير طبعا الي بيشتري بيفرح ويقول الله بيور يروح البيت مع اول حمايه يلاقيه بتروح علي شان بيكون متلون

لون الكلب
اتفرج علي الجيرمن ف الافلام الاجنبي القديمه ف تدريبات k9
هتلاقيه لونو اسود ف رصاصي ف ابيض الي هوا اللون الرزي
معنا كده ان اللون مش عامل اساسي علي البيورتي بتاع الكلب لانو من اصول الاصول فيه شعرهم رزي وفيهم لون ابيض
وطبعا فيه اشكال كتير
الابيض تماما
وفيه البلاك كوت وده بيكون كلو اسود
وفيه البلاك جاكت وده بيكون ضهرو اسود وصدرو ملون نحاسي او اصفر
وفيه نوع نادر بيكون كلو لونو نحاسي

كمان اخر حاجه
انتلا نسيتها الركبه
وديه بتكون موجوده ف الايد الاماميه للكلب وهو واقف بتبقا ايه فيها زي ركبه كده لما تبص عليها وده اكبر دليل ان الكلب ده بيور بيور مافيوش غلطه
ده غير غلاظه عضمه الساق لو رفيعه دي مش بتبقا حاجه مش كويسه ف الكلب والصدر العريض والكلام ده
ونفس الكلام كف الايد لازم يكون كبير والصوابع قريبه من بعضها


واسفه علي الاطاله
لكن فعلا فيه كلام كتيراوي بيقولوه اف السوق المصري علشان يقولك الكلب ده بيور ويمشي البيعه
وطبعا الكلام بينتشر
لكن الكلام الي باقولهولك ده علي لسان صاحب مزرعه كلاب جيرمين بيور بباسبوراتهم ومافيهومش غلطه ولا عرق تهجين بشلم

[romaneez]

كمان حاجه اخيره كنت ناسيه اقولها بالنسبه للكسحه
كونو الكلب فيه كسحه وهو بيور
ده بيتقال عليه حيرمين شيبرد شو لاين لانو بيبقا لمسابقات الجمال والكلام ده وبيبقا مش شرس قد كده غير بالتدريب وف الاغلب مش بيصح للحراسه لانو لو دخل ف معركه بينو وبين كلب من غير كسحه الي مكن غير كسحه الي بيفوز عليه لان حركه رجلو ودفعو الامامي بتبقا اقول
والكلب لو بيور ومن غير كسحه او بميل اسمو جيرمن شيبرد ورك لاين
وهو ده الكلب الي المفروض يبقا ف مجال الحراسه وللشراسه والكلام ده
واسفه ع الاطاله

[Octopus]

http://www.2zoo.com/vb/showthread.php?t=157022

نتمنا منكما تصحيح معلموتكما في الرابط

[Musab Pro]

في حاجات غلط واجد بالموضوع .

والموضوع اللي حطه اخوي اكتوبس هو الموضوع اللي يحتوي على جميع

مواصفات الجيرمان البيور الشو و الورك لاينز .

يغلق الموضوع لاتمام وضيفته .