اشترك في نشرتنا البريدية ليصلك كل جديد

ديار يحب رمادي · 13-05-2007, 05:58 PM

يسعد ايامكم يا اصحابي العزيز ......

والله عندي كم مشكله مع ببغائي العزيز ما اعرف شنو السبب ولله معاملتي ويها كلش زين وكلش هادئ هو هم يحبني من تصرفاتها يبين بس صار كم عندي مشاكل
وياها مرات من امسح على راسها ميقبل يهرب مني ميعضني بس يهرب مني مادري شنو السبب او مرات من اريد ان يطلع على ايدي ميكون رضي يهرب او ميطلع بعد
كم مدى يلا يطلع وهو كلش اليف بس احس عنها شوية مخاوفة حتى اوكلها على يدي ميخاف بس من امسح على راسها يهرب او ميقبل .....ما اعرف شنو السبب
هو صغير في السن او بعد با قي يكون اليف او خايف مني

وهو صار الاسبوعين يمي....

ارجوا الايفادة منكم و ساعدوني من هاي الورطة..........

اخوكم الصغير ......

ديار يحب رمادي... وا ها هو صورته

http://www.wardaa.com/download.php?f...b9e653f5ec.jpg

7amod_AD · 13-05-2007, 06:58 PM

يمكن صار موقف وخاف ..

.. من متى وهو وياك أخوي ؟؟

^^

الطاير · 13-05-2007, 07:19 PM

الله يسعد ايامك يالغالي ...
امممممم

يبغاله وقت عشان يوثق فيك مية مية ...

انت بس اعط سداح فرصة ..

وحتى اذا صار معاك مية مية ...
احياناَ يجيه تصنيفه ان محد يمسك راسه ...

والله اعلم ,,

انتضر الاخوان ذوو الخبرة ..

وراح يساعدونك انشاءالله يالغالي

تحية
الطاير

العرجون القديم · 13-05-2007, 07:24 PM

دائما امسح عليه ولا تخليه وكله طلعه على ايدك لما يحس بلامان منك ودائما امسح على الاماكن اللي ما يرضى يخليك تمسح عليها علشان يتعود عليها الطير.

متوتان · 13-05-2007, 07:41 PM

اخوي الطير يبي له فترة اطول عشان يولف ويتطمن اكثر وفترة اسبوعين ماهي كافية ومايعني انه ياكل من يدك ويوقف على يدك انه ولوف بالعكس الطير جدا حساس لأي شي تصبر عليه وحاول انك تمسح على راسه بيد وتوكله بيد الثانية واذا شفته رفض او خاف اتركه لا تكرر عليه هالشي مرة ثانية بشكل مباشر وفوري لا اتركه وارجع له بعد فترة بسيطة
الله يسعدك مع طيرك بس ماقلت اخوي طيرك كم عمره تقريباااا ؟؟؟

المقرقع · 13-05-2007, 08:06 PM

والله هذي نفس مشكلتي بالظبط يااليت نلقى لهاا حل مضمووون

ببغاء اخضر · 14-05-2007, 07:05 AM

اتصبر انا من ثلاث اسابيع كنت فالمستشفى مسوي حادث يعني الطيور ماشفتهم من كم يوم اسير صوبهم يخافون مع انهم يعرفوني بس شوي يتعرفون علي والحمدلله مانسوو الكلام الي علمتهم وكل واحد يزقر باسمه الا تالذكر
واسمحلنا عالاطاله

كاسكو البحرين · 14-05-2007, 11:05 AM

بسم الله الرحمن الرحيم

هذه مو مشكلة

ديار يحب رمادي اخوي طيرك محتاج وقت لا غير
صدقني ان واصلت على الهدوئ اللي انت فيه راح اجوف تغير 180 درجة
الحين حالة الطير اللي عندك خايف نوعاً ما محتاج التريث و واصل باللي انت عليه الحين

المسح :

كشيء طبيعي الطيور تحب المسح والمداعبه واللعب معهم وهذا مزاج وفي إختلاف من طير الى طير حسب تقبل الطير ، طيرك لا زال صغير جداً وهذا العمر المناسب والممتاز للتدريب
حالياً لاتحاول تلاحق الطير وتريد تمسح عليه بالغصب وخلك بطيئ في ترويض الطير انت الحين في مرحلة تسمى الــــ (الترويض) الترويض يعني انك تولف الطير وتخليه يكون من حالة خوف وهروب الى حالة أمان وتقرب >>>>

حاول كل وقت فراغ تملكة تقدمه للطير وطريقة الأكل باليد هذه تحتاج انك تواصل عليها ولا تيأس ان أخذ الأكل منك ورمى على الأرض فهذه شيئ طبيعي جداً ، وقت اللي تريد تمسح على الطير لاتكون بمستوى أرفع من الطير خلك جالس على الأرض وبهدوئ تام محاولة التقرب الى الأرجل اولاً ولاتحاول تمسح دايركت على منطقة الظهر او الرأس لانه راح يخاف من إرتفاع يدك بمستوى أعلى من مستواه

أبدأ من الرجلين والى الفخذين والى الصدر حتى الرقبة والرأس
( منطقة الأذن حساسة فهي محببه للطير)

الهروب :

ديار يحب رمادي عند ما يهرب الطير من المربي هذا دليل على خوف الطير ومحتاج عدة شهور للتأقلم والإحساس بالأمان منك ، انت الحين ما مضى على شرائك للطير خمسة شهور فكيف تريد نتيجة وثمار في هذه المدة

الطير فرخ وغير مدرب يعني انت راح تعجن هذه العجينه بيدك بالتواصل والصبر فإن صدر منك يأس او ملل أو صراخ فهناك ستنبت مشاكل وحواجز بينك وبين الطير

عموماً وقوف الطير على اليد هذا محتاج تدريب وفي طريقة ممتازة جداً جداً
انا شخصياً جربتها مع طيري ونجحت الحمد لله

تاخذ عصاتين مثل اللي يوقف عليهم في القفص وطبعاً من خشب ويكون الخشب ناعم الملمس
30 ســـــــــــــــم
تحجز الطير في زاوية وتبعد القفص عن أنظاره عشان لايفكر يطير او الهروب
الحجز مهم ويكون في زاوية من زوايا الغرفة وهذه طبعاً يمكن يصير معاك اول 3 حصص من التدريب وبعدين تقدر تواصل بالتدريب بدون حجز لانه راح يفهم الطير ما هذا الوقت وما هذه العصاتين
قرب العصا الاولى الى صدر الطير وانت تتكلم (مهم جداً الكلام) قول كلمة (فوق) وانت تدفع صدر الطير بدفعة خفيفة كلش عندما يركب على العصا ستلاحظ الطير يحاول النزول والهروب ولكن مثل ما قلت لك خلك عادي وكرر الطريقة ، عندما يثبت على العصا الاولى طبعاً بعد عدة محاولات وهذا يعتمد على مدى استجابة الطير للدرس وبكون في فرق من طير الى آخر
الطريقة سهلة جداً
مثل ركوب الدرج وعتقد كلامي وشرحي وااضح وسهل
من العصا الاولى والى العصا الثانية مثل الطريقة بالظبط
وفي الحصه الاولى حاول تاخذ 15 دقيقة في اليوم فقط
الحصة الثانية مثل الشيئ دون تغير
اليوم الثالث وقت اللي تدرب الطير حاول تخدع الطير بتبديل العصا بيدك يعني يكون عندك عصا وحده والثانية تكون يدك ومثل الطريقة تواصل
واليوم الرابع يكون يدك بدال العصاتين
وبهذه الطريقة مع التواصل والتدريب عند ما تجي للطير مع مرور الأيام >>>>> فوق يجي اوتومتك يركب على يدك وانت تطبق طريقة المسح بالتدريج مثل ما شرحت لك في بداية الموضوع
وبعد مرور الأيام مجرد تقديم يدك الى الطير يصعد دون تردد او خوف ولكن يشترط عليك الصبر
يا خوي وانت جرب والتجربة خير برهان

وفااااااااااااالك طيب

تحيتي لك

ديار يحب رمادي · 14-05-2007, 11:34 AM

يا حبيبي كاسكو البحرين كلامك ذهب بالعسل بالتبديع مشكور ...مشكور جدا جدا على المجاوبة الحلو والله مانسى مجاو بتك المبدع ...وتحيا تي الخاصة على الاصحابي المجهودين بالردودو كلامهم حلو انشاء راح اطبق كلامك حلو ونشاء الله راح استفيد من نصيحتك ونصيحة زملائي بالمنتدي

وشكرا للجميع.......
اخوكم صغير

ديار يحب الرمادي

كاسكو البحرين · 14-05-2007, 01:37 PM

واجبنا

اهلا وسهلا

بالتوفيق