جروين جداد

[AlRo7]

السلام عليكم

عندي جروين وبصراحة لحد الحين ماعرفة جنسهم عجزت هل هم ذكور و اناث ماقدرت افرق بين اعضاهم التناسليه من النثية الى العضو الذكري

ياريت تساعدوني ( اول مره اربي جراوه )

العمر :: من شهر الى 2 او 3 ماعرف العمر بضبط بسس كبير شوي و حلوين

و اهم التطعيمات لازمه لهمم

وايش يحبوا


وعندي طيور في المزرعه كيف اخليهمم مايقربو لهم او يحاولو اكلها ؟؟

و شكرا

[FaisalQ]

طيب اخوي ممكن ترفق لنا صور لـ بطن الجراوه ( شامله الأعضاء ) عشان نقدر نساعدك

( و اهم التطعيمات لازمه لهمم

وايش يحبوا )

مافهمت هالجمله اذا ممكن تعيد صياغتها ..

[AlRo7]

مشكور بسس ماعندي صور لو تشرح لي هي النثية تشبه العضو الذكري للكلب اقدر افرق بينها و بين عضو الذكري للكلب بضغط على العضو الذكري للكلب اذا خرج القضيب يعني ذكر واذا لا يعني انثى صحح

ايش يحبوا الكلاب مثل عضاضه و غيرها ...؟

الطعيمات او تحصينات مثل دوده و الصعر (( كلاب مسعورهه )) و غيرهاا ..؟؟

اذا مافهمت قولي اوضح اكثرر !!

[AlRo7]

اعتذرر بس لازم اوضح لكمم

بس اليوم فحصتها ولقيت واحد مثل العضو الذكري بسس من تحت لورى في فتحه

[FaisalQ]

ماعندي خبره بالي تقوله لكن بالصور ممكن احكم لك ..
و الاعضاء ان شاء الله ماراح يقصرون معاك

من ناحيه الألعاب في العظام الي تنباع بالمحلات او العضااضات او الالعاب الخاصه للكلاب
تفيد ان الكلب بهالمرحله يحتاج يحك اسنانه و بنفس الوقت تسليه


و بالنسبه للتحصينات و التطعيمات
راح تحتاج تعطيه حبوب الديدان و تطعيماته
ممكن تراجع جدول التطعيمات و التحصينات مع بيطري

بس غالباً اول تطعيم يكون على عمر شهرين
و بعدها بـ 3 اسابيع تطعيم ثاني و بعدها بـ 3 اسابيع التطعيم الثالث
و بعدها يصير التطعيم كل سنه مره
و حبوب الديدان كل 3 شهور مره

و ضروري تراجع مواضيع القسم راح تستفيد كثير في امور كثيره
من ناحيه التدريب و التعامل و التغذيه

و مبروك عليك الجراوه اخوي

[AlRo7]

يجزاك الجنةة الله يبارك فيكك

[zErOkA]

انشاءالله اكون افدتك

[jassim99]

هلا بالغالي

1_ بما انك موقادر تفرق بين جنس الجروين = جنسهم واحد

2_الوصف الي وصفته وصف اناث = الي عندك انثتين

اسمحلي اعدل كلمات بردك و ذلك لعدم خدش الحياء العم بوصفك

بالتوفيق

[AlRo7]

يعطيكم العافية طلعوا كلهم اناث و اعضاهم التناسلية مابين رجولهم الخلفية


و شكرا