دجاجي يأكل كتاكيته ...!!

[ملينيوم]

السلام عليكم ورحمة الله وبركاته

تحية كبيرة لكل الموجودين بالمنتدى ولكل هواة تربية الحيوانات

انا عندي دجاج بس المشكلة انه اذا طلع الكتكوت الدجاجة اللي هي امه تهجم عليه وتقعد تعضه لين يموت

المشكلة لو اني شلته منها واربيه عندي مايكمل اسبوع ويموت

شوفولي حل الله يجزاكم خير

شكراً لكم

نوع الدجاج ( فرنسي - حساوي ) أو مثل ماتسمونه بلدي

[killer cool]

اخوي نصيحتي لك خلي الدجاج حقك يقعد على البيض

لين يجي عمر البيض 21 يوم وفي نفس هذا اليوم روح للدجاج حقك وانتظر البيض لين يفقس

واذا فقس خذ الصوص وحطه في كرتون ولا قفص ثاني اذا عندك لين يكبر واذا كبر حطه مع الدجاج

تحياتي

[Mr.Khaled]

قد تكون ذاقت الدم لأول مرة وأعجبها طعمه , فاستمرت بـأكل صغارها , والله أعلم .

[ملينيوم]

المشاركة الأصلية كتبت بواسطة killer cool

اخوي نصيحتي لك خلي الدجاج حقك يقعد على البيض

لين يجي عمر البيض 21 يوم وفي نفس هذا اليوم روح للدجاج حقك وانتظر البيض لين يفقس

واذا فقس خذ الصوص وحطه في كرتون ولا قفص ثاني اذا عندك لين يكبر واذا كبر حطه مع الدجاج

تحياتي

اشكرك على اهتمامك يا صديقي

المشكلة انه البيض مايفقس خلال اسبوع واحد .. يعني كل اسبوع تقريباً تفقس بيضة وعلى طول هجوم الام عليه .. وانا اجي اشيله واخلي عندي لين تطيب جروحه وارجعه لأمه نفس الشي ..

وبعدين صرت اخليه عندي بس مايتحمل اكثر من اسبوع ويموت

هذي المشكلة صاير مع مجموعة من دجاجي .. أما المجموعة الثانية الحمدلله مافي مشاكل

واسف على الازعاج

[ملينيوم]

المشاركة الأصلية كتبت بواسطة Mr.Khaled

قد تكون ذاقت الدم لأول مرة وأعجبها طعمه , فاستمرت بـأكل صغارها , والله أعلم .

والله يمكن كلامك صحيح ..

لأني كثير من الأحيان اتفاجئ بجثث كتاكيت ميتة ومأكولة وباقية هياكل عظمية

انا قالولي انه يمكن اني اعطي الدجاج ياكلون دجاج او لحم مع الرز فعشان كذا تصير الدجاجة متوحشة

[killer cool]

طيب اخوي ما عندك حل الا انك تبيع الدجاجة او تذبحها

[وردة فرساي]

عندي نفس المشكلة مع دجاجة واحدة
لونها اسود قاتم .. وتجلس على البيض حتى يفقس واذا خرج الفرخ لونه اسود او بني تقتله واذا خرج ابيض تربيه وتريده ..
وصارت الحادثة قبل مع دجاجتين براهما .. ولكن يقتلو الفرخ ولا ياكلوه فقط قتل ..
ربما تكون الدجاج في هذه الحالة تظن ان الفرخ ليس فرخها وانه يتهجم على عشها

في مثل هذه المواقف .. اذا جلست دجاجة على بيض واعلم انها من النوع المتوحش ، اتركها جالسه واذا قرب موعد الفقس شلت البيض وحطيته مع بيض دجاجة اخرى تحضن البيض ويكون عندي علم مسبق بأنها حنونة وتربي الكتاكيت

[عاشقة الظلام]

معقولعه ام تاكل فرخها
مالك ياخوي الا انك تعزل الفراخ من مجرد الفقس في قفص لحالهم وتزود القفص لمبة صغيرة لتدفئة وراح يعيشوا بأذن الله

[صمت الأمل]

المشاركة الأصلية كتبت بواسطة وردة فرساي

عندي نفس المشكلة مع دجاجة واحدة
لونها اسود قاتم .. وتجلس على البيض حتى يفقس واذا خرج الفرخ لونه اسود او بني تقتله واذا خرج ابيض تربيه وتريده ..
وصارت الحادثة قبل مع دجاجتين براهما .. ولكن يقتلو الفرخ ولا ياكلوه فقط قتل ..
ربما تكون الدجاج في هذه الحالة تظن ان الفرخ ليس فرخها وانه يتهجم على عشها

في مثل هذه المواقف .. اذا جلست دجاجة على بيض واعلم انها من النوع المتوحش ، اتركها جالسه واذا قرب موعد الفقس شلت البيض وحطيته مع بيض دجاجة اخرى تحضن البيض ويكون عندي علم مسبق بأنها حنونة وتربي الكتاكيت

صحيح إني جاية متأخر لكن أتفق مع كلام أختي وردة فرساي ..



ممكن إن الدجاجة تظن ان الصوص مو لها وتقتلهـ ,,



وإقتراحها أيضا صحيح انكـ تنقل البيض لدجاجة ثانيهـ مرجنهـ أو انكـ تعتني بالصيصان وماتتركـ الأطفال يلمسونها كثير أو يشيلونها .. وتعطي الصيصان فرصة انها تمشي كثير وتلعب وتتحركـ وتتشمس وتلعب في التراب .



الى ان يعدون مرحلة الخطر وبعدها إن شاء اللهـ تتركهم في قفص لحالهم طبعا ويكبرون وتضمهم للدجاج الباقي .



إن شاء اللهـ ماتتكرر هالمشكلة معكـ مرة ثانيهـ واللهـ يوفقكـ في رعايتهم .



تحياتي لكـ .

[! هاويه الطيور !]

عليكم السلام

هالشي صار معاي وقهرتني حيل والمشكله مو بس تاكل صيصان الدجاج لا كانت تاكل صغار الحمام

خصوصا الي اعمارهم تعدى اسبوعين يكون شكلها كبير اشوفه ظهره مسلووخ بسببها كنت حابه اذبحها

بس المشكله نوعها مميز والوانها حلوه والدجاج بطبيعته ياكل اللحم لاتستغربون كلهم ياكلون مافي

دجاجه اليفه او متوحشه وانا دايما انصح مانعطي الدجاج .. دجاج مطبوخ او لحم مطبوخ ويفضل الحبوب

او الخضروات أفضل بس

ومستحيل الام الي تحضن " تاكل " الصغار ابداً ممكن يكون هناك خطاً خصوصا الصوص في وقت خروجه

الام تكسر البيضه بطريقه خفيفه ومرات يحصل خطا من الام تجرح الصوص ممكن تضربه بالراس وينزف او

من خلال الظهر وتسبب في إزاله الجلد الرقيق ونشوف الدم المكان وهنا في حل " باليود او البيتادين " ونخففه

ونحط على المكان المصاب

.
.


وللمعلوميه اي دجاجه تحضن اولا لازم " الاهتمام في التغذيه" لانه الدجاجه الحاضنه للاسف معظمها

تخسر وزنها كثير وغير اتلاف ريشها وشكله ولمعانه ويفضل الاكل والماي قريب منها ولايقترب منها الدجاج

يعني " العزل " افضل

..


لانه الدجاج الثاني ممكن يكون عنده " نقص " وبالتالي ممكن ياخذ البيض سوى كانت في صوص داخله

او لاء ويتم اكله وتاخذ البيض وياتي الدجاج الثاني ويصير بينهم مشاجره على اكله وبعدها الدجاجه تتعود

على هالطريقه


..


والله يعين & ويعوضك ~