الرمادي مريض وانا بموت من القهر

[BiG MaMa]

اختي جربي العسل
العسل مفيد وان شاء الله ينفع مع طيرك

[تراني جديدة]

اوكيه بجرب العسل

[*نسمة هواء*]

الله يشفي
ان شاء الله خير
طمنينا

[المقبل]

عطيه ليمون اخضر عادي اقطعيها ربع وحطيه مع الحب او احشريه بالسلك جدامه
وان شالله العافيه

[مجنون الامازون]

الله يشفيه ويرفع عنه ان شاء الله

[حب استطلاع]

المشاركة الأصلية كتبت بواسطة تراني جديدة

طيري من الثلاثاء حسيت فيه خمول اللاربعاء امتنع عن الاكل شريت له سيرلاك وجبت علاج من الصيدلي حق واحه الحيوان مضاد ..
انا من شريت الطير يوم الجمعه من اسبوع كان يتحرك ويالكل بس حسيت انه فيه خشرجه بسيطه في صدره ولا يصفر وحركته مهيب رشيقه بس كنت افكر ان انه عشانه فرخ .. كان ياكل واعطيته خس وذرا وشمسي وبرتقال .. ما كمل الاخ اسبوع الا مريض حسبي الله ونعم الوكيل المهم الطير اليف عطيته سيرلاك فيه مضاد وحطيت له بالمويه .. ما حسيت بتحسن امس الجمعه رحت شريت مضاد حيوي ثاني اسمه تايلان قريت انه كويس .. وعطيته .. واليوم سبت الحاله نفسها .. قاعده اعطيه اكله بالسرنجه سيرلاك الين ما طفش مني .. اعراض المرض خمول نوم نام شوي تحت في القفص وطلع فوق على المجثم ابد رافض الاكل مدفيه المكان زين ايه فيه اسهال وانتو يكرامه اخضر وابيض مع بعض .. ادعوله تكفون مره متعلقه فيه ..

عندكم حل ..

أبدأي الآن بعلاج الأهم وهو إلتهاب الجهاز التنفسي
والمكتوب بالأحمر بموضوعك هو الدليل على إصابته بإلتهاب في جهازه التنفسي
وعلاجه هو ( تايلان )
وعادة النتائج ما تظهر إلا باليوم الثاني من العلاج
وأستمري على علاجه لمدة 5 أيام
بعد كذا إذا أستمر معه الإسهال ( أعزكم الله )
ممكن تعطيه مضاد خاص بالإسهال على حسب نوعه
( كوكسيديا أو سالمونيلا )

وحافظي على دفء الطير
مثل ما ذكر الأخ في تعليقه

EVO46
شوف اخوي الجو الحين بدا يتبدل والأمراض تبدء بتزايد عند الطيور علشان انته تكمل العلاج الي وصفلك الطبيب عليك انك اتحط طيرك في مكان دافي لا يوجد فيه مكيف ويكون القفص مغطاء بالحاف

وإن شاء الله ما قدامه إلا العافيه

[هامستر كوم]

الله يعافيك وديهـ

البيطري

وان شاء الله

ما فيه الى الخير

وتقدرين تراجعين

المواضيع واعراض وعلاج امراض الببغاء زي موضوع

اسمهـ:عالج ببغائك بنفسك

تحياتي

[تراني جديدة]

الله يجزاكم خير جميع ما تقصرون ..

الاخ حب استطلاع .. انا شريت امس له tylan وشربته نص سنتيمتر وحطيت في المشربيه واحد سنتيمتر بالابره مثل ما وراني الصيدلاني في الصيدلانيه البيطريه ..والجرعه مره واحده في اليوم وهاذاني انتظر النتيجه .. والحين بحاول اهرس له حمص وااكله عشان الاسهال ..
اتمنى يكون في علاج لكل شي الصدر والاسهال والمعده يعني مضاد لكل شي ..
الله يجزاك كل خير شكرا كثير

[ريـــم]

ماقدامه الا العافيه
طمنينا عليه اختي

[صرخات الروح]

هلا اختي جديدة
الله يقوم طيرك بالسلامه
وانا من نظري تشوفي لك بيطيري ثاني مو كل بيطيري بيطري وفاهم
بعضهم ماعنده سالفه
انا انصح تشوفي بيطيري جيد وماشالله الرياض فيها كذا محل ممتازين
ولازم تلحقين على طيرك قبل لايروح عليك
وياريت تطمنينا على طيرك وحاولي جداا توفير الدف للطير لان على كلامك الطير صغير ومرة حساس الطير وهو صغير
انشالله يقوى ووينشط الطير واي خدمة احنا حاضرين
وانشالله انها مرحله ويطيب