شريت اصلة ملكية... وتوهقت ساعدوني:(

[فطوم]

السلام عليكم
عندي كم سؤال

انا اشتريت اصله ملكيه من اسبوع تقريبا
اول جابتها تمشت شوي بالحوض وبعدين انخشت في بيتها ماتطلع منه اذا طلعت تروح تنام على جهاز التدفئه كم ساعه بعدين ترجع... طبعا من مايحتاج اقولكم انها للان ماكلت مع العلم صاحبها قالي انه موكلها من فتره واكدت عليه ان كانت تاكل قالي ان ماكلت رجعيها..
هل راح تاكل؟؟

انزين هل اقدر امسكها من الحين ولا لازم انطر عليها فتره اطول لين تتعود على مكانها اليديد ؟؟ مع العلم اني كل ساعه مغيره بديكور الحوض احس جننتها..

هل لازم اضاءه يوفي لاني ماحصلتها وحاطه اضاءه مالت السمك مادري جم واط والله هل هالاضاءه تضايقها على ما احصل اليو في يعني ماطلعها؟؟

اهي كله متكوره ونايمه ومن احاول امسكها تخزني فصرت اخاف منها اطلعها وامسكها عادي ماراح تعضني؟ هل عضتها قويه جدا؟؟؟؟؟؟؟

[ابو بركان]

ان شاء الله الاعضاء يفيدونك

[Q8kuwait]

انزين هل اقدر امسكها من الحين ولا لازم انطر عليها فتره اطول لين تتعود على مكانها اليديد ؟؟

تقدرين تمسكينها .. الاصلة الملكية - الكروية اليفه غير موذيه

هل لازم اضاءه يوفي لاني ماحصلتها وحاطه اضاءه مالت السمك مادري جم واط والله هل هالاضاءه تضايقها على ما احصل اليو في يعني ماطلعها؟؟

الاضاءة لا يضايق الثعبان .. بس تأكدي من درجة الحرارة لازم تكون من 25 - 30 مئوية .. وبالنسبة لاضاءة ال UV مو ضروري تقدرين تستخدمين أشعة الشمس بدل عن اضاءة UV

اهي كله متكوره ونايمه ومن احاول امسكها تخزني فصرت اخاف منها اطلعها وامسكها عادي ماراح تعضني؟ هل عضتها قويه جدا؟؟؟؟؟؟؟

شي طبعي انها متكوره لان اسمها الاصلة الكرويه .. وبالنسبه تخزج لانها خايفه منج امسكيها ما راح تعض .. و عضتها مو قويه لكن مؤلم شوى

[الآسطورهـ]

اختي فطوم ..

نصيحه لوجه الله رجعيها ,, لآن اكثر من عضو يشتكي منها لآنها ماتاكل ..

اشتري بورميه احسن ..

بس شرط ,, تاكل قدامك ..

موفقه ..

[فطوم]

مشكوووووووووورين اهى عينها قلبت على ابيض ازرق مادرى وقريت انها جذى يعني فتره تبديل الجلد يعنى مالازم امسكها لين تبدا؟؟
انا الارضيه حاطتها اراب قالولى لااا غيريها((((((( ليش يعنى شفيه التراب؟؟
الاسطوره راعيها قال انها تاكل وقال اذا ماكلت نرجعها وماحب البورميه تخرع

[majid]

خل تتعود وراح تاكل ولا تمسكينها وانتي خايفه خلج واثقه ولاا مسكيها وانتي لابسه حم طويل

[Q8kuwait]

مشكوووووووووورين اهى عينها قلبت على ابيض ازرق مادرى وقريت انها جذى يعني فتره تبديل الجلد يعنى مالازم امسكها لين تبدا؟؟

اذا عينها بيض ازرق فترة تبديل الجلد .. وفي تلك الفترة الثعابين تمتنع عن الاكل .. بعد تبديل الجلد جربي

انا الارضيه حاطتها اراب قالولى لااا غيريها((((((( ليش يعنى شفيه التراب؟؟

التراب غير عملي راح يدوخج بالتنظيف و راح يضايف الثعبان اثناء الاكل .. حطي جرائد او اوراق بيضاء افضل .. واحب اقول اذا مو حاطه ماي حطي ماي لانها تشرب ماء

[LiMiTeD]

فترت تغيير الجلد يمتنع اغلب الثعابين في الاكل

يعني صبري عليها لين تغير الجلد ولا تنسين بالحوض لازم يكون في صخره او خشب وانا افضل الصخر

طبعا لازم يكون الصخر مافيها اطراف مكسوره حاده


بالنسبه للارضيه التراب العادي ما انصح فيها لانه فيه من الجراثيم والبكتريا والفطريات

في التراب المخصص للزواحف وهذا تقدرين تطلبينه من النت لان مو متوفر بالكويت

وتقدرين تستخدمين السماد الداخلي

وفي طرق ثانيه مثل الورق المقوى الي اهو الكلينكس الي في المطابخ نظيف ومايحتاج كلام

وفي الجرايد وورق الكمبيوتر الخ الخ

في طرق وايد

ونصيحه اخيره لا تشترين البول بايثون الكبار الي بالسوق لان اغلبها صيد

دوري على الصغار خاصه في البول بايثون

[فطوم]

شسوي بهالوهققققققققه
وانا شريتلها هذا اللي مثل شيره والحين قالولي هذا يطبخها وايد حار
عيل شسوي ششتري ومن ويين؟؟؟
والارضيه انا قلت بغيرها احط نشاره خشب ماتنفع؟
احس الكلنكس شكله خايس بالحوض

[LiMiTeD]

نشارت الخشب زينه مافيها شي بس نادر ما يدخل الخشب داخل الاصله واهي تاكل

بس شنو هذا الي مثل الشيره ؟؟!