الأقفاص.. من وجهة نظري! مدعم بالصور!

[كاسكوكيه]

السلام عليكم و الرحمه

اخباركم؟ عساكم بخير ^_^ ياسلام الweekend بدت ماشي احلا من جيه الواحد يشتغل ع مواضيع و يدلع شامبيه

لاحظت من فتره فيه مجموعه تتشكى من انه الطير ما يطلع من القفص.. او انه الطير ياكل القفص من تحت سواء محطوط له جرايد.. او انه مصلع راسه من كثر ما يحك الأرضيه براسه


و ببغاوات صايره تتضايج من اليلسه في القفص و غيرها من الاسئله ^^

حبيت اليوم اعطيكم طريقتيه اللي خلت شامبيه اللي بتجوفوه في الصور في قفصه و لكنه حر..

اول شي الببغاوات متعوده تكون حره.. و القفص يضايقها.. بس.. اللي سويته انا عشان ما يتضايق الاخ شامبيه اني خوزت السقف مال القفص و خليته من فوق مبطل عشان يقدر يحوط و ما يحس انه محجوز

فحتى لو انشغلت عنه بالشغل و ما قدرت اطلعه يشم شوية هوى.. ما بيتعكر مزاجه.. و بيقدر يحرك يناحاته مثل ما يريد..

طبعن اول شي الببغاء جناحاته مقصوصه فما بيطير عني
و هالشي مسهل عليه اني انقله بكل سهوله من القفص للستاند لايدي ^_^

و براويكم الصور و كيف انفذ هالموضوع ^^













بتلاحظون كيف شامبيه يتجول و يطلع و ينزل صوب الأكل و الستاند الخشبي في القفص


طبعن هالشي وايد سهل عليه اني اشل القفص و اخلي شامبيه ينقز على الستاند.. بكل سهوله و بدون ما اضطر اني اشله او اجبره انه يركب علي ايدي.. هالشي كان وايد مريحني ايام ما كان شامبيه ما يطيقني ^_^

و اللي اسويه بس اني اخلي القفص يميل ناحية الستاند ^_^ واقول لشامبيه هوب.. و هوه يتكفل بالباقي 
و اخليكم مع الصور 








^_^ الشي الحلو في الستاند.. انه فيه تواير (عجلات) فيوم اريد اطلع شامبيه في الحديقه.. الحركه تكون سهله.. خصوصن يوم كان ما يطلع على ايدي.. بس الحين اطلعه على ايدي و نتطلع نتمشى..

انتبهت انه العديد من الاعضاء يحطون جرايد في القفص من تحت.. بس الموضوع احسه بيزيد الطين بله.. خصوصن انه بعض الطيور تاكل الجرايد.. او تحك راسها بالأرضيه... من جهتيه اقول انه الجرايد كونها تقدر تمتص السوائل بتسوي رطوبه في القفص.. او حتى بتسمح للعفونه انه تطغي في القفص من تحت... التنظيف الدوري بيتكفل انه القفص بأرضيته البلاستيكيه يظل نظيف و صحي

الصور التاليه.. لقفص شامبيه و انا بنظفه.. اهم شي الواحد يفكك القفص جزء جزء لانه الواحد ما يعرف قد شو ممكن تتجمع اوساخ في زوايا القفص..

اهم شي غير الأرضيه تكون موجوده الشبك.. اللي تحول بين الطير و الاوساخ المتجمعه في اسفل القفص.. ^_^ لاحظت بعض الأعضاء اغفلو هالقطعه فحبيت اذكر بها ^^

و اخليكم مع الصور^^











مع اني نظفت القفص من يومين بس.. بس جوفو شو لقيت تحت! و الحمد لله اني مخليه الشبك عشان يحمي حبيبي شامبيه
الصور خير برهان و ما يبالها تعليق
أسفه شامبيه ×_×








صح تذكرو شي مهم.. انه الببغاوات تعتبر القفص مأمن لها.. فلا تعتدون عليه.. وانا لاحظت انه شامبيه مع انه بدا يركب على ايدي من فتره بس يوم يكون على القفص يكره يجوفني ^_^

بس دامه ع الستاند فهوه حلالي ^^ و الصوره و هوه يصارع ما يباني اقرب.. بس وهوه عالاستاند ينط على ايدي على طول ^_^





و اخيرن.. قبل لا اختم.. كثير منا يفكر يخلي الطير معاه وين يروح و ين يرجع.. انا اشتريت هال
Carrier
لشامبيه عشان اقدر اشله يوم اسير المدرسه... و اول شي.. علمته عليه و خليته يتعود.. و صار ما شاء الله كل ما يجوفه ينقز داخله.. و يوم افتح الباب يطلع اروحه ^_^












اهم شي الواحد يراعي حجم الطير لو كان مناسب للقفص.. و غير جيه مدى ارتياح الطير لصاحبه و للقفص.. و نقطه مهمه.. احس وجود الطير في قفص مسكر عليه من كل مكان خصوصن لو كان جديد عليكم بيخليه يعتبر هالقفص بمثابة عازل بينكم و بينه.. عشان جيه لو حاولتو اتطلعونه من القفص بتكون العمليه صعبه و مزعجه له من بعد ما تعود على الحكره

الموضوع احتمال ما يكون فيه معلومات يديده للبعض.. بس انا حاولت اني افيدكم من تجربتيه
و الأسف الشديد لكم لاني بالغلط نزلت الموضوع.. و بعده ما اكتمل.. و غير جيه النت سكرت البارحه فما قدرت اكمل ^_^
و اجازه سعيد لكم و لطيوركم ^_^

[كاسكوكيه]

سووووووووووووووري بالغلط نزل الموضوع


دقيييييييييييييييييقه لا تقروووووووووووووون مب مكتمل!!!


يالفضيحه ههههههههه!

[مايهم من أكون]

ههههههههههههههه لحقي كمليه احسن

ويالله خلينى نستفيد منج تره بكره خلاص اخر يوم لي

ومغادر رايح الاراضي المقدسه (الحج)

ودعاوتكم لي

دمتي بود اختي,,,

[hawi56]

مشالله اختي يريت تعجلي بالإجابه لاني ما فهمت قصدك واعتقد الصور بتوضح اكتر

[كاسكوكيه]

بالغلط ضغطت على اعتماد الموضوع بعدني مطوووووووووووووووووووله برب

[almmzr]

(مايهم من أكون )

تروح وترد بالسلامه ان شاء الله ودعواتك الصالحه لنا جميعا اللي في المنتدى واللي خارج المنتدى .


والاخت صاحبة الموضوع

خلي الاخ شامبيه يساعدج في الموضوع عاده ، وخليه يكون زقرت في الصور .

[hawi56]

خدي راحتك اصلا احنا نترقب مواضيعك بفارغ الصبر

[ابو دانيال]

هههه قريناه واللي كان كان

بانتظار التتمة، ان شاء الله يطلع موضوعك زي القفص الجاهز اللي عندي، بصوره بعد ماتخلصي من الموضوع

[بوسارة]

انشاءالله ماطولين عاد

[سلفر9]

ويكند سعيد للاعضااااااااااااء جميعا



والله ياكاسكوكيه



الله يخلف عندي عسر فهم



مايمكن صوووووووووووره تووووووووووضح الفكررررررررررره اكثر



لا اللي عندي مشغلني مرررررررررره الا يطلع24 ساااااااعه ولا يزعل


يمكن تفك ازمه هالطريقه