اللي خبير في الكاسيكو يتفضل ...

[مهدي تاون]

السلام عليكم ورحمة الله وبركاته

شلونكم كلكم؟؟


أنا عندي كاسيكو

صار له يمكن أسبوعين ما أسمع صوته

مدري شنو فيه

دوم راقد وما له خلق شي

حتى انه ينزل تحت في القفص ويقعد له فترة

دايم يحك في جسمه

ساعات يأكل وايد وساعات ما يأكل

حيرررني

شفته بالبداية مزكم

وديته عند البيطري

بس طلع الدكتور مو موجود

وصفت الى السكرتير حالته

وكلم البيطري وعطاني له مضاد وفيتامين

بس للحين ما صار زين

وصار أخس من أول

رجع له الزكام

والحين أشوف نفخه وردية تحت منقارة

وما ادري شنو سالفة هالنفخه ،، واليوم كبرت شوي

أفيدوني رحم الله والديكم

واذا تعرفون أمكان بيطري خبروني

علشان أوديه له

اللي أعرفه ما يفتح الا الصبح

وانا ما أحصل وقت أوديه الا العصر

ومسامحة على الأطاله

مشكورين

مع تحياتي

[hawi56]

اول شي اذكر البلد الي انت مقيم فيه ....

تاني شي لازم توضح الأعراض بالضبت لأني مشتبه في Infectious coryza (نوع من الزكام المعدي وهو خطير)
هادي الاعراض كامله للمرض ارجو التاكد منها
- وتظهر على كل الطيور المصابة خمول وكماشان وانتفاش الريش.
- مع وجود إفرازات مائية من العين والأنف وتصبح مع الوقت متماسكة ومخاطية.
- مع التهاب في الجفون وإغلاق العيون .
- وتورم في الوجه بسبب تورم الجيوب الأنفية.
- وتورم الدلايات مع وجود أصوات تنفسية غريبة مع وجود إسهالات.
- تنخفض قابلية الطيور المصابة لتناول العليقة.
- ينخفض معدل التحويل الغذائي .
- ينخفض معدل أوزان الطيور.

ولو نفس الاعراض او اغلبها راسلني على الخاص بدون تأخير وخلي اي احد يمر البيطري الصبح

[فطوم]

والله انا ماعندي خبره بالكاسكو لكن كاسكو صديقتي مره تطلعله ورمه (كرة) تحت المنقار ودينه الطبيب وعطاه ادويه وقال ااذا ماتحسن لازم عمليه والحمدالله تحسن

واذا في اسهال انا سمعت عن الثوم بس ماهتميت للموضوع وتوني شاريه كاسكو وحسيت جنه في اسهال جان افوح بطاط مع جزر وثوم بعدين بشرتهم وحطيتله ياهم مع الاكل واالاسهال اختفا

[مهدي تاون]

مشكورين و ما تقصرو عالمجهود و انا انشالله راح احاول اطبق من ردودكم و اخوي هاوي انا بحريني
و مشكورين ..