تفضلو يااهل الخبره لاتبخلو علينا بالاجابه

[احساس فنان(بيتبول)]

السلام عليكم ورحمة الله وبركاته كل عام وانتم بالف خير وصحه وسلامه

عندي سؤال بخصوص كلبتي من نوع جيرمن شيبرد
سبق وزوجتها قبل ثلاث شهور وللاسف مافي جراوها
اليوم الصباح لاحظت عليها نزول دم لدرجه اني كنت اتوقع جرح وفحصتها
وتاكدت انه ليس جرح
دم دوره لانه الدم بقطرات نقدر نقول كثيفه والذكر صار مايفارقها ابدا
هل من الممكن تجي الدوره في ثلاث شهووور ؟
وعطونا بعض النصائح لكي يكون التزاوج صحيح ويكون حمل وانشاءالله تجيب لنا كذا جرو حلوين

واقدر اعطيها اي ابره او علاج يرفع من هرموناتها ويفيدني بالانتاج

[Musab Pro]

اخوي تبين الدوره اكثر اذا كشفت على المهبل و لقيته متضخم بشكل غير عادي .

اذا بين معك فعلا انها الدوره انصحك تفرقهم عن بعض لين اليوم التاسع دخلهم على بعض .

وخلهم تحت المراقبه من بعيد لبعيد .

خل الذكر يدخل فيها كليوم مره لمدة 5 ايام .

و ان خفف التمارين على الكلبه هذي الايام .. و بعد التزاوج على طووول اسحبها بالليش وخلها تجري معك .

على الاقل 5 دقائق .

لان بعض الاحيان الانثى تطلع السائل الذكري .

والركض يمنعها من هذي العمليه

اذا كانت الانثى ضخمة الحجم بسبب السمنه تكون الشحوم مسكره مسالكها .

وهذا يجعل الحيوانات المنويه تقطع شوط اطول و بعض الاحيان لا يحصل حمل .

لذلك انصحك خلال الفتره القادمه تقدم لها وجبتين بالكثييير و تكون اقل من المتوسطه

بقليل من ناحية الكميه . ( يعني خفف عليها الاكل شوي لو كانت سمينه بسسس )

اما اذا كانت الانثى سليمه 100٪ ما يحتاج لا ابر و لا هرمونات ان شاء الله .

تقبل مروري .

[احساس فنان(بيتبول)]

مليون شكر يااروع مشرف في اروع منتدى
اللي فهمته من كلامك انه ممكن تحصل الدور في ثلاث شهور وعشره ايام

[Musab Pro]

نعم ممكن تحصل .. بس مثل ما ذكرت لك عشان تتاكد انها فعلا الدوره تفقد المهبل اذا كان متضخم او لا .

اذا كان مو متضخم .. يحصل ان الرحم يغسل نفسه بنفسه عن طريق اخراج الاوساخ عن طريق المهبل .

وفي هذي الحاله لازم تبلغنا عشان نعطيك الخطوات الاحترازيه .. ومتى تستوجب الحاله زيارة البيطري .

[Abo_fahed]

السلامـ عليكمـ ورحمهـ الله وبركاتهـ

عندي سؤال بخصوص كلبتي من نوع جيرمن شيبرد
سبق وزوجتها قبل ثلاث شهور وللاسف مافي جراوها

من الممكن انها لم تحيض في الفترة السابقة

وكان نزول الدم مجرد ان الرحم يطرد بعض الاوساخ

وهذا يحصل بشكل دوري

يرجى متابعة الحيض للأنثى واحتسابه بدقه

حتى لاتضيع عليك دورة كاملة

موفق يالغالي

--

واتبع نصايح مصعب

[احساس فنان(بيتبول)]

اسف كثرت عليكم بس انا اشوف فيه انتفاخ بالمهبل يعني انشاءالله دوره
لكن اذا كانت بتطرد الاوساخ كم الفتره اللي تجلس تطريد فيها الاوساخ يعني هل هي نفس فترة الدوره العاديه
لاني على كل حال فصلتهم عن بعض

[Musab Pro]

ممتاز .. اذا كان فيه انتفاخ اذاً معناه الدوره ان شاء الله .

وبعدين بتشوف فيه تغير خفيف بالسلوك .. بتلقى الانثى تلعب واجد مع الذكور .

وتجلبهم بشكل مو طبيعي .

اما فترة طرد الاوساخ ما عندي فكرة عنها كم تاخذ وقت .

راح ابحث لك ان شاء الله و اذا لقيت بعطيك خبر .

[احساس فنان(بيتبول)]

بشر يامشرف انشاءالله لقيت لنا معلومات عن فترة تنظيف الانثى

[Musab Pro]

للاسف ما وجدت بالظبط كم المده اللي يستغرقها الرحم في تنضيف نفسه .

لكن وجدت معلومات قد تفيد .

غالب عمليات تنظيف الرحم تكون بعد التهابات في الرحم ..

هناك اعراض اخرى تبين معنا ان الكلب مصاب ولا لا .

مثلا زيادة البول اعزكم الله .. زيادة كريات الدم البيضاء .. خمول و الالام تصيب الكلبه .

ويخرج دم و صديد من رحمها .

تقوم عضلات الرحم بتقلصات لتطرد الاوساخ .. ولكن هذا لا يكفي .

اذا اصيبت الكلبه بالتهاب في الرحم يجب معالجته اما عن طريق ابر مضاد حيوي

او في بعض الاحيان تكون العمليه تحتاج الى جراحة و استأصال جزء او كامل الرحم .

في كل الاحوال .. انت لازم تشوف كلبك وانت تعرف مستوى نشاطه

اذا وجدت اي تغيرات قويه اعرضه على بيطري و هو بدوره بيسوي اشعه سينيه

وراح يبين لك اذا كان هذا الشي هو دوره او حمل او التهابات .

وانا اعيد و اكرر ضرووووري جدا تعالج الكلب اذا كان عنده التهاب في الرحم .

و الا غالبا الكلب بيموت .

اتمنى اني افدتك ولو بالقليل .