كاسيكو وبلبول..في مشكلة؟؟

[يوكيكو]

السلام عليكم

مبارك عليكم الشهر

عندي استفسار وحابة اسمع الاجابة من ذوي الخبرة

عندي بلبول في البيت من زمان والحين شريت كاسيكو عمره 8 شهور تقريبا

الكاسيكو ما يجعر بس نحيس وخواف وايد

المهم اني لما اطلع البلبول من القفص يروح للكاسيكو يتعلف فيه والكاسيكو يعصب ويحاول يعضه وجذي

فسؤالي هل من الخطأ اني يكون بالبيت اي طير ثاني مع الكاسيكو وهل يؤثر على ترويضه؟

او هل ممكن يكونون صحبة بعدين؟

والسؤال الثاني ان الكاسيكو لحد الحين ما يتكلم ولا حتى يصفر مجرد يطقطق بمنقاره صار له اسبوعين تقريبا من شريته مع اني دايما احاول اكرر اسمه وبعض الكلمات البسيطة عشان يحاول يتكلم... فشكثر ياخذ وقت عشان يطلع اصوات ويصفر؟؟

عذرا على الاطالة ولكم جزيل الشكر

[moody-lonely]

انا من رأيي ومن وجهة نظري مافيه مانع يكون في البيت اكثر من طير لكن يكون كل واحد بعيد عن الثاااني

من تجربتي عندي درة فرخ والحين كبرت كل يتعلف في قفص طيور الحب

وكان عندي فيشر ولمن كانت الدرة فرخ كان يتعلف في الدرة لكن اباااعدهم عن بعض

بس بالنسبة لـلصحبة بينهم ماعندي فكرة عن هالشي

وشكرا

[wesammm2001]

اخي نصيحة ابعد البلبل عن الكاسكو لسببين اولا عندي الكاسكو بدأ يقلد صوت البلبل الموجود عندي وماترك صوت التغريد الا بعد ابعاده عن البلبل وثا نيا عند احد اقربائي قام الكاكسكو ببتر اصبع البلبل المسكين لذلك نصيحة ابعده

[سعود حائل]

احتمال كبير ان الكاسكو يذبح البلبل ..
فأبعديهن عن بعض افضل ..

[يوكيكو]

خوفتوني انا كله احس ان البلبول هو المعتدي والكاسيكو برئ وخايف منه ما اتوقع منه تصرف اكثر من نفشة ريشه

المشكلة متعودة على بلبولي ماقدر استغني عنه بس بحاول اشيل عنه الكاسيكو لما اطلعه ما ابي اعاقات وعمليات بتر لا سمح الله

شكرا لكل من رد على موضوعي جزاكم الله خير

[كاليبسو]

السلام عليكم
بالنسبه لى اناا اشوف الصحبه معقوله
بس اهم شى يا كلوون ويلعبون معك فى وقت واحد
بس مثل ما قال الاخواان ممكن يصير حارش وارش
مثل ما يصير مع الاخواان البشر بس مو كل الوقت
انا شخصيا عندى بلبول وفشر وكنارى كلهم اليفين
اطلعهم مع بعض بس مو كثير واذاا كنت انا موجوود
واسف على الاطاله

[fawzi]

هلا اختى الاخوان افادوج في الحل السليم والمقنع والافضل انج ماتخلين البلبل يقرب صوب الكاسيكو الافريقي لانه راح يكون ضحيه للافريقي ..