القلش عند الامازون
السلام عليكم ورحمه الله وبركاته
اخواني انا عندي استفسار عن فترة القلش عند الامازون البلوفرنتد كم تستمر
انا في موضوع سابق لي الخبراء ماقصرو وقالولي طيري يمر بفترة القلش تبديل الريش
وانا لحد الحين ملاحظ عليه يشيل ريشات متقصفه او مكسره
لانه الطير ماشالله صحته جيدة وكل اسبوع اعطيه عظمه حبار وياكلها بشراهه لدرجه يخلص نصها بيوم
وحاب اعرف هل اعطيه فيتامينات زيادة او ابقى على ما انا عليه خصوصا انه الطير نشيط وحالته الصحيه ممتازه
طبعا انا اعطيه اكل من شركة zupreem وكل يوم العصر اعطيه من الغدا الي اكله سواء رز او معكرونه ولكن اغسلها عشان اشيل منها البهارات والدهن الخ...
وعظمه الحبار اعطيه كل اسبوع ولما يخلصها اجيب له غيرها
فهل الي اسويه صحيح او محتاج اسوي اشياء زيادة
|