المشاركة الأصلية كتبت بواسطة بسطويسي (المشاركة 1141494) اوف والله شكلو معدوم طمنا عليه ايش قال الدكتور

المشاركة الأصلية كتبت بواسطة مدرب نمور (المشاركة 1141499) يب يب طمنا ايش قال الدكتور وايش اعطاه وياليت تصور البسه وهيا عند البيطرى تحياتى لكـ

المشاركة الأصلية كتبت بواسطة sisi_moon (المشاركة 1141600) استغفر الله العظيــــم يعني شنــو .. ماخذينه عشان يكشخون فيه . !. حــرام والله عليـهم .. وبسـم الله عليه بــاين جمميــل :( .. حسبي الله عليهم اخــوي مابعرف لو وديـته البيـطري ولا لا للحــين بس عيـنه وخشمه نظفهـم .. ماعليش هو يمكن يتضــايق بس خلي أحد يساعدك .. يمسكه من جلدته الزايده برقبته .. وانت نظف وجهه عيـونه بمنديل مبلل بشاي دافي بدون سكر .. وأنفه بمنديل مبـلل مــــاي .. بس لاتقســي عليـه وانت تنظفه .. أقصد لاتضغط كثيررر عند عيونه وأنفه .. لان الوســخ بـاين له مـــــــده فـ مراح يقوم بسهوله معـك اجلس امسح امسح امسح لين مايلين معك ويقــووم .. وكويس ماروشته .. لانه مسكين مافيه حيـل ياخذ بررد .. اذا مره متووسخ .. بلل فووطه وامسسحه .. وضــروري ضـرووري توديـه البيطري عشان الأعــراض الثــانيه .. وصحيح البخـار ترا كثير كثير بينفعه .. بس راح يتعبك شوي لانه مو متعود عليك بس مـاعليش .. حتى لو استدعى الأمـر تلفه بفــوطه وتخلي وجهه مكشـوف عشان تتحـكم بحركته .. والله يجــــازيك يــارب على رحمتك بهالمسسسكـين طمـنـا عنه ..

المشاركة الأصلية كتبت بواسطة josy (المشاركة 1141737) ياااااااااالله على هيك بشر :mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad: شو هيدا بس ليش هيك الله لايسامح هيك بشر:mad: خيو انت بس اهتم فيه منيح ووديه البيطري بس ياريت يكون منيح وتسال كتيييييير وهيك انه تعرف كيف تعتني فيه وان شاء الله ان شاء الله مافيه الا العافية وجد شكراا الك وانه بعدو بها الدنيا ناس متلك الله يوفقك ويشفيه هالبس:( شكرااا جد الك

المشاركة الأصلية كتبت بواسطة الرازم (المشاركة 1141778) السلام عليكم اخي الكريم جدا يصعبنا هذا الحال وصدقني قلوبنا معاك حتى لو اننا لانعرفك فنحن أخوه في الأسلام وندعيلك بالخير من كل قلوبنا ياخوي الأخوات الفاضلات المشرفات ماقصروا بالرد جزاهم الله ألف خير وأن شاء الله تطمنى على صحته أول بأول وبعد لو تروح البيطري وتقول لنا وش قال والصبر مفتاح الفرج وكل هذا في ميزان حسناتك لأنك قاعد اتساعد حيوان وتسعى الى شفائه بأذن الله قلوبنا معك اخي الكريم

المشاركة الأصلية كتبت بواسطة آنـــــو (المشاركة 1141899) آيوه آخوي ماخبرتنا آيش عليه ؟! ومثل ماقالت سيسي لاتروشه آبداً حتى يتشافى بأذن الله ،، ولا تعرضه للهوا البارد وحاجه بالنسبه للبخار مو شرط تقربه من المويه آذا هو مايخلي لك مجال تتعامل معاه فـ فيه طريقه حلوه وسهله وهي بعد ماتسخن المويه الحاره وتضيف لها الفيكس تاخذ منشفه وتبللها بالمويه وتقربها منه وتخليه يستنشقها وتستمر بهالطريقه الى مدة عشر دقايق .. مرتين الى 3 مرات باليوم كحد آقصى بيعزز عملية التنفس معاه .. طبعاً مع عمل المضادات الحيويه .. والوسخ اللي بعينه وآنفه بما آنه ماترك لك مجال تنظفه آكيد تألم ،، لآن الوسخ قاسي وماسك بالجلد آنا آذا بنظف مثل كذا وسخ ثقيل وماسك بقوه آولاً ،، آبلل الوسخ بمويه دافيه وآخليه دقيقه آو دقيقتين علشان يلين وبعدين آرجع آمسح له مره ثانيه بمنديل مبلول آو قطن وبينشال معاك آسهل ..

المشاركة الأصلية كتبت بواسطة الكلاسيكي (المشاركة 1142233) مرحبا اخي الله يعطيك العافية وجزاك الله خير .. اولاً احب ان اشكر خواتي اَنــــو , sis_moon , josy ماقصرو في الأجابة .. و احب اضيف على كلامهم من الي انا سمعته منك والي شفته في الصورة .. ان القط يعاني من التهاب الأذنين .. و قد تعرض لوجود براغث الأذن صغيره و وصخ .. وهذي زحفت من شد الأهمال الى الرئة مما سبب له التهاب و نتج عنه الزكام .. وكثرة العطس مع خروج وسق من الأنف وتحريك الرأس بشكل نصف دائرة عند العطس .. يمين و يسـار وكأنه سوف يموت .. وطبعاً تأثرت العينان منه .. وعلاجة يتطلب وقت اخي و احتمال علاجة يستمر اسبوع ليستعيد صحته .. و تستمر في علاجة الى مدة شهر .. وهو كـ التالي .. مضاد عن طريق الفم مرتان يومياً لمدة 7 ايام .. بدعمها بـ ابره من البطري .. تنضيف الأذن مره في اليوم كـ حد ادنى بمساعدة قطرة الأذن للفـائدة .. تنظيف العينان مرتان في اليوم .. بماء غسول الخاص للعينين لكسب نتيجة افضل و اسرع .. والباقي مثل ما قالو لك الأخوان .. واتمنى من الله ان يوفقك ويشفي القط وجعله في ميزان اعمالك .. ولي عوده .. وفي انتـظار اخبـارك بإذن الله ..

السلام عليكم

الحقيقه اشكر كل من ساهم ورفع من معنوياتي ..

ويشهد الله اني كنت انتظر ادخل على القط احصله ميت !!!!

رحلة البحث عن طبيب بيطري


بعد صلاة المغرب .. اخذت ابحث بالنت عن العيادات البيطريه بالرياض !!

ويا اسفاه ..

كلها في محلات تجاريه .. يعني محل بيع وداخله طبيب

المهم ..

اخذته الى احد الاطباء ..

قال الفحص مجاني ..

فحصه وقال عنده التهاب !!


وراح اعطيه ابره مضاد ... سعرها 75 ريال ..
انا هنا توقفت .. مو عشان الفلوس ..
لا عشان الاستغلال ثمن الابره ما يتعدى ريالين ويبي يعطيني اياها ب 75 ..
قلت طيب وبعدين ..
قال بعطيه كذا وكذا ..
اجمالي السعر فوق 300 !!


انا لي تجربه مع تربيه الارانب ..
كنت اعطيها ابره مضاد العشر ارانب ب 5 ريال !!

رجت لاكثر من طبيب .. واهم شئ كنت اخذ من كل طبيب تشخيص مخالف للتشيخص الاول ..!!

صرت احس ان معاي سياره عطلانه وادور على الصناعيه كل واحد وتقييم ؟؟


باخر الامر ..
قررت اني اروح لصديق لي من الجنسيه الاردنيه .. يعمل طبيب بيطري جانب سوق الغنم بالرياض

لما شاف القط .. انفجع من حالته جدا ..

وبعد الفحص والمعاينه ..
قال



يعاني من تحجر بالبطن بسبب انه ما يخرج الفضلات اعزكم الله ..

التهاب قوي بالصدريه والبلعوم يسبب ثقل بالتنفس وعدم القدره على اكل اي شئ او شرب اي شئ

العين فيها التهابات بسبب الامراض السابق ذكرها ..


لاحظوا فحصه كان دقيق جدا ولا اعطاني التقييم الا بعد دقايق عكس غيره !
الحل ...!

اعطاءه ابرتين اظن احدهما لامراض الصدر في الحيوانات .. والثاني مضاد حيوي قوي جدا
مده العلاج ستكون من 3 الى 5 ايام باذن الله ...

بالنسبه للعين قام مشكورا بتنظيف العين بنسبه اكثر من 30 % بالماء واستخدام قطنه

ناتي الان للتكلفه ..!!

طبعا التكلفه كان معي قط اخر مصاب بزكام فقط يعني التكلفه لقطين وليس لواحد

كانت التكلفه ولله الحمد 30 ريال سعودي ..! اي اقل من 9 دولار امريكي !!
والسعر السابق كان 300 ريال !! يعني عشر اضعاف القيمه وحسبي الله على الاستغلاليين

المهم سبب ارتفاع السعر ان مرهم العين سعره 10 ريال !!:12:

ولا خليته يخفض ريال واحد مو لانه زميل لا .. لاني ابيه يكسب لانه امين جدا ولا هو باستغلالي

عموما بالاسفل صورة الدواء ومرهم العين .. الدواء صورته بالمحل .. والمرهم بالبيت

http://www.2zoo.org/get-11-2009-2zoo_org_dt9586wa.jpg
اما صورة المرهم بالاسفل باذن الله

اليوم في البيت


كنت متوقع اني ما اشوف تغير بحالته .. لكن سبحان الله لما فتحت عليه الباب جاء يمشي بجهتي بتخاذل وتعب شديد

لو حطيت على ظهره ريشه طاح من التعب ..!!

اول ما دخلت عليه ... حطيت له شوي ماء وقام يشرب بشكل خفيف .. ممكن قطره او اثنين

المهم انه شرب حتى ابتعد عن الاناء .. ثم تحرك جهتي بتثاقل .. وكان معاي شويه تونه وكانت ريحتها قويه ..

وقام ياكل من القطع الصغير ويشرب شوي من الزيت ..

بعدها اخذته الى الحمام .. على اساس اقوم بتنظيف الوجه من البكتيرياء اللي عليه ..

وبعدها جبت له شوي حليب في غطاء علبه ماء واخذته بالقطن وقعدت انقط بفمه حتى انتهت الكميه ولله الحمد ..

الصور بالاسفل

اول صوره ..
اول مادخل عليه كان بيدي مرهم العين واناء عشان احط فيه بعض المويه لتنظيف العين والاناء هذا في شوي ملح حسب توصيات الطبيب .. اول ما نزلته بالارض راح يمشي جهته .. يدور على شئ يشربه ..:88:

http://www.2zoo.org/get-11-2009-2zoo_org_9wr5z3z6.jpg

الصوره هذي ..
حطيت لو ماء وقربته جهته لعل وعسى يشرب شئ والحمد لله شرب شويات

http://www.2zoo.org/get-11-2009-2zoo_org_lx9enakz.jpg

الصوره هذي بعد ما دخلته الحمام على اساس انظف له العين طبعا امس منضفها الدكتور بشكل كبير .. وجاء دوري

http://www.2zoo.org/get-11-2009-2zoo_org_w8glqmb7.jpg

هذي صورة وجهه بعد التنظيف وباين على فاتح عيونه الحمد لله بس مو فاتحها كلها

http://www.2zoo.org/get-11-2009-2zoo_org_h9s6mmys.jpg

هذي القطن المستخدم بالتنظيف
http://www.2zoo.org/get-11-2009-2zoo_org_ohn2ucyz.jpg

طبعا هو قطن تنظيف المكياج شاريه من بقاله ب 2 ريال وبالصيدليه ب 5 ريال :angry:
يقهرون ليش الاستغلال:angry:

بعد ما طلعته حبيت اكافئه بشوي حليب مع شوي اكل
هذي كميه الحليب اللي اعطيته اياها
http://www.2zoo.org/get-11-2009-2zoo_org_t7vmbq0b.jpg

طبعا ما قدر يشربها وهو منزل الراس فحطيتها بقطنه وقمت انقط بفمه

بعد ما خلصت من الحليب جبت له بواقي تونه .. مع الزيت
وقام بشغله الولد بس قعد يمكن سااااعه:12:
هذي صوره التونه
http://www.2zoo.org/get-11-2009-2zoo_org_i8sp2ylx.jpg

الصحن على شكل قلب واهدي القلب ذا لكل الاعضاء :freind:

بعد كذا دخلته غرفته:88:

على اساس احط له الكريم على العين

صورة الكريم

http://www.2zoo.org/get-11-2009-2zoo_org_cap722zu.jpg

صورته بعد الكريم .. ويقول امووووه للاعضا كلهم :12:
http://www.2zoo.org/get-11-2009-2zoo_org_l2qa5cl7.jpg


حالته تحسنت بشكل مرضي الحمد لله ..
صوت التنفس صار شوي هادي .. ويقدر يمزمز اكل وشرب

بالنسبه لغسيل جسمه انا حبيت اخر الموضوع شوي على الاقل بعد يومين من الان ..

اليوم له موعد مع الطبيب عشان الابره .. لان مدتها ثلاث ايام ..
الابره مضاد اتوقع مع حق مرض الصدر

وبسئل الطبيب اذا اقدر اعطيه مضاد حيوي عن طريق الفم للاطفال مع اني افضل امشي على خطه الطبيب مدام ان الامر فيه تحسن شوي ...

ولكم مني اقوى تحيه .. وتقرير غدا باذن الله