رد: أرجو من الخبراء ألمساعده مهم جدا لكلب القوقاز
 

اخوي اخذ لك جيرمن معروف من دول معروفه وسلاله وعنده بطولات يكون شيء حلو والناس اغلبها تعرف الجيرمن واطباعه

احسن من الباقي ألي يتفلسفون فالقوقازي فأخذ لك جيرمن نصيحتي لك
وهذا شيء راجعلك

رد: أرجو من الخبراء ألمساعده مهم جدا لكلب القوقاز
 

اذا كان هذا اول كلب تقتنيه فنصيحتي لك انك تاخذ جيرمن
واطباع القوقازي تختلف ..
خذ لك جيرمن من افضل للكلاب لكل شي

رد: أرجو من الخبراء ألمساعده مهم جدا لكلب القوقاز
 

شوركم وهداية الله
عاد بروح حق نفس الشخص في التشيك وهو صديق راح يوديني حق نفس الشخص
الي شريت منه قبل
انا شريتهم من ضابط بالشرطه
رحت مع رفيجي لغايه بيتهم وشفت الأم والأب والجراوه شي خطير صراحه
بعدين لما أخذتهم وهم صغار اهتميت فيهم عدل حاط لي صبي خاص لهم
وانا استلمهم حق التدريب واللعب
علي فكره اول ما تعلمت التدريب قريت ان الكلب ياخذ الكلمه بس وطيع لأكن ما يفهم
أمور الثانيه يعني مجرد أوامر وبس
الحقيقه من خلال السنين الي دربتهم فيها لاء شفت شي ثاني
ان الجيرمن الي كانو عندي والله بدون كلام بس مجرد نظره يفهم الي أبيه
حتي في طريقه الصوت اهو يفهم ان هذي النبره يعني خلك حريص
ومن النبره ولا النظره يفهم انه غلط
عالعموم يا إخوان مشكورين وانا بأذن الله بعد اسبوعين أو ثلاث اذا الله سهل مسافر
ولما ارجع بأذن الله راح احط صورهم

عندي سؤال يا الربع
الحين اذا كان الكلب بيور من سلاله طيبه جدا
بس مو مشارك في مسابقات تتوقعون كم سعره بالكويت يكون جاي من بره
مع التطعيم والجب والباسبورت
ياريت يالربع تقولون لي بس مجرد سؤال

رد: أرجو من الخبراء ألمساعده مهم جدا لكلب القوقاز
 

الموضوع موضوع سوم ..
والأمر يعتمد على راعيه وعليك انت بالدرجه الاولى ..
في ناس ما يهمها اي مبلغ لأنها أذواق في النهاية وهواية وتقدير لسلالة الجرو ..
الله يوفقك