|
رد: أسئلة عن زوج البادجي الجديد
السلام عليكم
أول شيء بخصوص الدكور شوف الدكر اللي يغرد ويتحرك ويغازل الأنثى وخليه معاها والدكر اللي عكس كدا خلاص إعزلو وخلي الزوج يتوالف ويجهز للعش لأنك لوخليتهم كدا ماحتوصل لحل الأنثى حتضيع بين الإتنين أنا تقريباً من الصور قدرت أفهم مين المناسب بس حخلي لك فرصة تفهم طيورك وتختار الأنسب بخصوص البياضة أنا شخصياً أفضل الأفقيه عن العامودية هوا حلو تنفتح من فوق بس لازمك باب جانبي فيك تسويه بنفسك نفس فكرة العلوي وبعد كدا تثبتو بمسمار معوج يكون زي القفل عشان الطيور ماتفتحوا عندك المشربية غير مكانها عشان ماينزل شيء على المأكليات وتسوي رطوبة وتعفن في الأكل المأكليات عندك إتنين تكفي كمان ملاحظة لمن ربي يرزقك بالفروخ دي المأكليات غيرها للمفتوحة لأن الفروخ ملقوفه وحركتها كتيرة وممكن تنحشر في وحده من دي الصناديق زي ماصار عندي وآخر شيء الورق في الأرضية قصو على حجم الأرضية بالضبط عشان ماتعطي مجال للطيور تأكلوا وخاصة لوكان ورق جرايد لأنو سام وبالتوفيق يارب |
رد: أسئلة عن زوج البادجي الجديد
اشكرك اختي على اهتمامك ونصائحك بس لو ممكن تخبريني بالذكر المناسب بالنسبة لك وسبب اختيارك له عشان آخد خبرة منك في الاختيار مستقبلا ان شاء الله
Sent from my iPhone using 2zoo.com mobile app |
رد: أسئلة عن زوج البادجي الجديد
السلام عليكم
أنا لومكانك كنت حختار الدكر الأبيض أول سبب ماشاءالله واضح في الصور حركي ونشيط ودا حيخليه يحرك الأنثى ويشجعها للإنتاج لأن الإناث تنجدب لتغريد الدكور بعكس لوكان الدكر هادي ومايتحرك كتير وبس ساكت كدا حيبرد الزوج عندك ويتأخر الإنتاج تاني سبب صغر سنو يعطيه فرص إنتاج أكتر من الكبير تالت سبب اللون ودي نقطة للإنتاج حتطلع الفروخ بألوان جديدة غير مألوفه بس هدا مايعني الدكر الأزرق سيء بالعكس ماشاءالله صحتو ممتازه وممكن ينتج وأبداً ماكنت حتخلى عنو بس إنته خيرتني بينهم وتبغى أفضل الأفضل هدا اللي شوفتو في الصور بس الواقع قدامك وبيدك الخيار وبالتوفيق يارب |
رد: أسئلة عن زوج البادجي الجديد
انا كمان قبل ما تجيبي على السؤال فكرت في الأبيض
اولا عاجبني لونه يعني مش مألوف زي ما قلتي ثانيا حسب كلام صديقي الأبيض صغير ومن المحتمل ان يكون اول تزاوج وتفريخ في حياته حيكون عندي وثالثا نشيط كمان زي ما قلتي المهم اشكرك على اهتمامك وتوقيتك في الجواب مرة ممتاز كنت حتصرف معاهم يوم غذ يعني استفدت منك قبل ما ابيع وشكرا مرة ثانية Sent from my iPhone using 2zoo.com mobile app |
رد: أسئلة عن زوج البادجي الجديد
السلام عليكم
العفو ماسويت غير واجبي والحمدلله جا جوابي في الوقت المناسب لك الله يرزقك بالفروخ قريب وبالتوفيق يارب |
| جميع الأوقات بتوقيت GMT +3. الساعة الآن 12:52 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو