منتديات تو زوو - { عنــدي كمــن استفســار عن الهمستــرات..؟؟ }

منتديات تو زوو (http://www.2zoo.com/vb/index.php)

- قسم هواة القوارض والأرانب (http://www.2zoo.com/vb/forumdisplay.php?f=58)

{ عنــدي كمــن استفســار عن الهمستــرات..؟؟ }

http://www.an3am.com/up/files/MissLe...1155913943.gif

:: مرحبــا

شلوونكم، شخبااركم، شحاالكم

عســاكــم بخيــر وصحــة وسلامــة

الله يسلمكــم بغيــت شووويوونة نصايح وأجوابة منكم

أول شي أنا وحدة أحب الحيوانات وايد :D خاصة الحيوانات الصغيرونة اللي تتربى وتتعود على الشخص

وبشكل خاص القطط.. بس بعد عدة "قطاوة" ضالين أشفقت عليهم وهم صغار.. عقب شردوا :p

الوالد الله يخليه حط بلوك على القطاوة ومنعهم سواء الضالين ولا شراء :eek:

المهم ماعلينا من القطاوة هني قسم القوارض،، هالأيام جتني فكرة إني أشتري همستر

أنا من قبل سنة تقريبا، شريت لي إثنين.. بس ماكنت أعــرف ولاااشي عنهــم

وشراءهم كان صدفــة بحتــة،، كنـت أتمشى مع الوالد بسوق المقاصيص قسم الحيوانات بالأحرى :p

وشفت إثنين بكرتونة صغيرونة وعجبوني وايد.. والوالد اشتراهم لي.. بدل القطاوة :D

المهم مثل ماقلت ماكان عندي خبرة ولا اي معلومة عنهم.. واللي باعني إياهم شكله جذي بعد.. حتى قاللي ياكلون النشارة :eek:

طبعا الجو هناك كــان موووت حر.. وانا عقب ماشريتهم تمشيت بهم شوي "كان حزة ظهر" وكانوا نشيطين يتحركون وكلشي.. عقب لما رجعنا البيت واحنا بالسيارة لاحظت خفت حركتهم.. ولما رحعنا البيت ماخذوا حتى ساعة وماتوا اثنينهم :( :(

عاد من يومها أنا اتعقدت ومافكرت أشتري غيرهم ×_×

بس اليومين اللي فاتوا مادري شاللي خلاني أفكر في هالمخلوقات مرة ثانية..!!

فطول الوقت كنت أتنقل وابحث من مكان لمكان واقرأ معلومات عنهمـ،، والحمدلله عرفت كمن شي.. يعني تقريبا صرت مستعدة يصير عندي منهم..

ومن الدوارة.. عرفت الأنواع.. واللي عجبني أكثر شي الروسي القزم.. يحليله عسوول وصغيروون وألوانه حلوة =$

بس بغيت أعرف عنه كمن شي.. بالنسبة للقفص.. تقريبا كم لازم تكون مساحته؟؟

وأنا قريت إن بعض الأنواع مثل السوري.. لازم نفصل الذكر والأنثى عن بعض..

فـأنا إذا باخذ روسي.. هل اشتري قفصين؟؟ ولا ماحتاج اثنينهم يكونون بنفس القفص عادي؟؟

وإذا لازم أشتري 2.. لازم اثنينهم بنفس الحجم.. ولا عادي واحد أصغر شوي؟؟

وبعدين بالنسبة للروسي القزم... عرفت إنه في عدة أنوع وأنا اللي عجبني winter white hamster

يجنن هالنوع حــده.. بس مادري إذا متوفر عندنا بالبحرين أو لا؟؟

أنا سألت وحدة اللي يجزاها خير وعطتني اسم كم محل.. بس ما أبي أروح وبعدين يطلع ماعندهم النوع الل أبيه واضطر آخذ نوع ثاني.. فأبي أتأكد قبل

وبالنسبة للشراء.. متى أقدر أشتريهم الوقت المناسب لهم؟ لأن قالولي إن الحين بالحر مايصلح لهم..

بس الحين احنا بالنص الثاني من سبتمبر.. والجو شوي شوي يتغير للبرودة..

فهل أقدر أشتريهم الحين.. ولا أصبر بحدود أسبوعين ثلاثة؟؟ مابي أشتريهم ويصيرون مثل القبليين على طول يموتون :(

وبعد اللي عرفته إن القفص يجي مجهز بالأشياء الأساسية مثل البيت الصغيرون والدوّارة والرضاعة وصحن الأكل

إنزين.. في بعد أشياء إكسترا يحتاج أشتريها؟؟

لأن إذا في أشياء أبي اشتري كل شي بوقت واحد.. مافيني أروح وأرجع على المكان كذا مرة :p كسل

وبالنسبة للتكاثر.. أنا عرفت إن الهمسترات من النوع اللي بسرعة يتكاثرون.. وما شاء الله العدد خلال شهور يتضاعف..

وسالفة التكاثر شوي معقدة يعني فصل وشيل وحط :eek:

فـ إذا اشتريت ما ابي تصير عندي مزرعة همسترات :D "الوالد إذا رضى بثنين زين لول"

وبالنسبة للصغار.. إذا صار عندي يعني.. لازم أفصلهم الذكور والإناث بقفص؟؟

ولا عادي أخليهم مع الأم والأبو بقفص واحد؟؟ إذا جذي السالفة تهون.. بس إذا السالفة فيها اقفاص وايد مشكلة.. :confused:

وآخر شي.. بالنسبة للمكان.. قريت إن املكان لازم مايكون لا حار ولا بارد :|

ماعرفت شلون يعني! أنا إذا بحطهم يا بيكونون بالغرفة أو بالصالة.. واغلب الأوقات بتكون مكيفة..

فـ شلون.. التكييف بارد عليهم ولا شلون؟؟ وشلون أعرف درجة الحرارة المناسبة لهم؟؟ ياخوفي يتجمدون من ابرد أو يذوبون من الحر :(

ووبس هذي الاستفسارات حاليـاً.. إذا طرى على بالي شي ثاني برد أكتبه :p

وأنتظر إجاباتكم ^^" والسمووحة على الإطالة ::

http://www.an3am.com/up/files/MissLe...1155914033.gif