منتديات تو زوو - ابي شوركم بالذكور الي عندي ..

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - ابي شوركم بالذكور الي عندي .. (http://www.2zoo.com/vb/showthread.php?t=170965)

توهقنا

21-07-2010 07:28 PM

ابي شوركم بالذكور الي عندي ..

السلام عليكم .. اسعد الله صباحكم /مسائكم

القطط الي عندي الحين بكامل صحتها والحمدلله

لكن اليوم ابي رايكم فيهم

هم قطين ذكور

الاول شيرازي مهجن امريكي .. اللون ابيض .. مو لي ضايع من اهله

الفتره الي راحت طالب تزاوج .. وصار يرش بول ..

ويطلع بالحوش كثير .. تقريبا مايدخل الا الظهر واذا جاع او عطش

وبعدين يوم صار فيه جرح عند اذنه واضطريت احبسه بقفص كبير بوسط البيت واعالج الجرح..

الحين الجرح راح وصرت اخليه يطلع بالبيت

بس رجع يطلع بالحوش مره ثانيه .. تقدرون تقولون هوايته التسدح تحت الشجر خخخخخ

هل تتوقعون مازال يبي يتزاوج عشان كذا معسكر بالحوش ويرش بول في كل مكان ..؟

وهل اخليه على راحته يتمشى ولا ارجع احطه بالقفص .؟

او اجيب له انثى ..؟ وارتاح من طلعت الحوش والرش..؟

وبالنسبه للقط الثاني هو امريكي لونه رمادي مخطط "تايقر"

عمره شهرين و24 يوم تقريبا ..

وناويه اذا كمل 3 اشهر اطعمه ...

ومن الحين افكر اذا كبر راح يسوي زي الكبير ويطلب تزاوج ويطلع بالحوش ويرش بول.... صح .؟

عاد ابي رايكم اسوي ليه عمليه اخصاء من بدري احسن .؟

ولا اشتري انثى الحين عشان يكبرون سوى عندي ..؟

JASSICA

21-07-2010 10:28 PM

رد: ابي شوركم بالذكور الي عندي ..

احسن انك تشتري انثى لا تخصي لانه لو بغيت تبيع ما يشترون

sisi_moon

21-07-2010 11:23 PM

رد: ابي شوركم بالذكور الي عندي ..

مرحبا اخوووي

بخصوص القطو الكبير والله الآفضل انك ماتطلعه بالحوش كثير لان ماتدري يمكن يهجم عليه قطو من برا وراح يتأذى

فـ جيب له انثى وخليه يتزاوج عشان يوقف رش شوووي

اما بالنسبه للقطو الثاني فـ احتمال كبير لاكبر ويبلغ انه برضو يحاول يطلع كثييير ويرش بوول لان هذي حركات أغلب الذكووور ، قليل منهم الي يطلب تزاوج بدون رش

فـ انا اقول الافضل اخصيه وارتااح خصوصا ان الثاني مأذيك بالرش وبكرا لاقام الثاني يطلب تزواج احتمال كبير يتضاربون كثير لان كل واحد منهم يبي يفرض سيطرته وقوته عالمكااان

بعكس القطط المخصيه تكون مسسالمه آكثـــر

انا الحمدلله اخصيت قطاوتي الاثنين ومرتااحه معهم

والحين هم كبار واحد سنه وشهرين والثاني سنه

توهقنا

22-07-2010 08:23 PM

رد: ابي شوركم بالذكور الي عندي ..

اقتباس:

المشاركة الأصلية كتبت بواسطة JASSICA (المشاركة 1613945)

احسن انك تشتري انثى لا تخصي لانه لو بغيت تبيع ما يشترون

لا انا ماراح ابيعه وابي احتفظ فيه طول العمر ان شالله

التحسين

22-07-2010 08:41 PM

رد: ابي شوركم بالذكور الي عندي ..

:( عزيزي انا ضد فكره انك تخصيه او تشيل الرحم الا اذا كان فيه ضرر على القط
لانك تحرمه من حقه في ممراسه حياتة الطبيعية :( وبالنسبة تجيب انثى للصغير او للكبير شي راجع لك انت
بس افضل لو انا بمكانك اجيب اي انثى طالبه التزاوج للكبير
وبالنسبة للصغير اجيب له انثى اذا انا افكر بالانتاج يكون مستواها جيد واخليهم يتعودو على بعض بس بتعاني بالبداية بتعريفهم على بعض بس بتنبسط عليهم وبتستمع

توهقنا

23-07-2010 12:58 AM

رد: ابي شوركم بالذكور الي عندي ..

اقتباس:

المشاركة الأصلية كتبت بواسطة sisi_moon (المشاركة 1614022)

اهلين فيك اختي ..انا اختك .. ماقصرتي وافدتيني كثير الله يعطيك العافيه:shy:

شوفي القطو الكبير انا مخليته على راحته ماحب اجبره على شي"مدلع"

فمابي احبسه القفص.. وبنفس الوقت ماقدر اوفر له انثى يتزاوج معها ..

اهلي يقولون خليه يدور نصيبه بالشارع :64: !!!!

وافهم من كلامك انه راح يضل يطلب تزاوج.. حتى يتوفر له انثى .؟ ولا فتره ويرجع زي اول .؟

وبالنسبه للقط الصغير افكر بجديه اخصيه لني مافكر لا ابيعه ولا اجيب انثى له عشان ماتزيد القطط ونتوهق صدق :D

بما انك مجربه مع الذكور الي عندك .. عندي بعض الاسئله عن العمليه

وين سويتيها .. ؟

وهل يتعب القط بعدها كثير او لا ..؟ يعني لها اضرار جانبيه ..؟

وش احسن عمر للقط عشان اسويها له .؟

وكم يوم محتاجه.. وكم كلفتك .؟

طولت عليك سوري :shy:

توهقنا

23-07-2010 01:05 AM

رد: ابي شوركم بالذكور الي عندي ..

اقتباس:

المشاركة الأصلية كتبت بواسطة التحسين (المشاركة 1615812)

بس هو ماراح يعيش بالشارع الي هي حياته الطبيعيه ..

راح يعيش معي بالبيت وماراح تفرق معه

لنه مو حيوان يعيش في جماعات من نوعه ..ومعروف ان القطط الذكور مو اباء مثاليين :D

لذالك انا اشوف انه من الافضل اني اوفر له عيشه رغيده وفق مايتطلبه منزلي :shy:

وكذالك انا مافكر بالأنتاج ابدا.. لكن افكر اجيب قط ثاني يسليه عشان مايكون وحيد :(

عاشق قطته

23-07-2010 01:07 AM

رد: ابي شوركم بالذكور الي عندي ..

والله انصحك انك تجيب قطوتين وحدا للكبير ووحدا للصغير

الخبير نايف

23-07-2010 01:36 AM

رد: ابي شوركم بالذكور الي عندي ..

الافضل انك ما تخصيه
طيب دور في قسم التبني ويمكن تلقا انثى تعجبك

فطووم22

23-07-2010 01:58 AM

رد: ابي شوركم بالذكور الي عندي ..

انصحك تجيب له انثى مسسكين احسه يتعذب

توهقنا

23-07-2010 03:41 AM

رد: ابي شوركم بالذكور الي عندي ..

اقتباس:

المشاركة الأصلية كتبت بواسطة عاشق قطته (المشاركة 1616224)

والله انصحك انك تجيب قطوتين وحدا للكبير ووحدا للصغير

وبعدين يتكاثرون عندي وانا ماقدر اربي اكثر من قطوين :rolleyes:

توهقنا

23-07-2010 03:44 AM

رد: ابي شوركم بالذكور الي عندي ..

اقتباس:

المشاركة الأصلية كتبت بواسطة الخبير نايف (المشاركة 1616287)

الافضل انك ما تخصيه
طيب دور في قسم التبني ويمكن تلقا انثى تعجبك

الافضل من اي ناحيه .؟

شاكره لك اهتمامك

توهقنا

23-07-2010 03:47 AM

رد: ابي شوركم بالذكور الي عندي ..

اقتباس:

المشاركة الأصلية كتبت بواسطة فطووم22 (المشاركة 1616308)

انصحك تجيب له انثى مسسكين احسه يتعذب

انا مادري اذا العمليه بتعذبه او لا ..

بس اذا راح تضره اكيد اجيب له انثى افضل واسلم

فطووم22

23-07-2010 02:31 PM

رد: ابي شوركم بالذكور الي عندي ..

الحل الافضل انك تحيب له انثى واذا ولدت بيع الصغآر

احسه الحل الامثل مثل مآ يقولون

اخت امل

24-07-2010 03:21 AM

رد: ابي شوركم بالذكور الي عندي ..

نصيحتي اخصية بعدين هذي حيوانات ماعندها عقل تحركها هرموناتها وبس .
وانا عقمت بستي وصدقني جدا مرتاحة وهي كمان وصارت الطف مع انها عمرها ما انجبت
لكن كذا احسن. وعندي ذكر كمان ابغى اخصية قريب ان شاللة لانة الاخصاء يطول عمر القط من 4 الى 5
سنوات ومدام اننا مانبيعهم ونرط بيهم وانت بتوفرة حياة كريمة اتوكل ع اللة واخصيهم الاثنين وارتاح
وموفق

الخبيرة ناديا

24-07-2010 12:23 PM

رد: ابي شوركم بالذكور الي عندي ..

الاخصاء ضروري بحالت قطك والعمليه سهله جدا بالنسبه للذكر

وعندي مقطع للعمليه شوفيه :

المقطع هنا لتعقيم الانثى:

http://www.youtube.com/watch?v=WfumF...eature=related

والمقطع هنا لتعقيم الذكر:

http://www.youtube.com/watch?v=0kG6Z...eature=related

ولاحضي الذكر مايحتاج تخدير لعمليه الخصي فقط بنج موضعي وخلاص..

وماهي خطره عليه بالعكس راح تتحسن صحته ويسمن بعد العمليه.

sisi_moon

25-07-2010 02:25 AM

رد: ابي شوركم بالذكور الي عندي ..

اقتباس:

المشاركة الأصلية كتبت بواسطة توهقنا (المشاركة 1616209)

اهلين فيك اختي ..انا اختك ..

السسسسموحه اختي :)

ماقصرتي وافدتيني كثير الله يعطيك العافيه:shy:

شوفي القطو الكبير انا مخليته على راحته ماحب اجبره على شي"مدلع"

فمابي احبسه القفص.. وبنفس الوقت ماقدر اوفر له انثى يتزاوج معها ..

اهلي يقولون خليه يدور نصيبه بالشارع :64: !!!!

وافهم من كلامك انه راح يضل يطلب تزاوج.. حتى يتوفر له انثى .؟ ولا فتره ويرجع زي اول .؟

القطط من تبدا ترش ماتوقف ، لما تجيبين لها الانثى راح تخف حااله الرش وبمجرد ماتروح الانثى ترجع له الحاله ، يعني من جد تعـذييييب القطط الي ترش وتكون عند ناس همها تربيه مو انتاج يعني ماتقدر توفر له اناث علر طووووول

وبالنسبه للقط الصغير افكر بجديه اخصيه لني مافكر لا ابيعه ولا اجيب انثى له عشان ماتزيد القطط ونتوهق صدق :D

بما انك مجربه مع الذكور الي عندك .. عندي بعض الاسئله عن العمليه

وين سويتيها .. ؟

سويتها بالجامعه القسم البيطري عندنا

وهل يتعب القط بعدها كثير او لا ..؟ يعني لها اضرار جانبيه ..؟

لا لا آبد ، بس تآثير البنج بيكون فيه يعني لو تسوي له العمليه الصباح ، العصر قريب المغرب يبدا يروح تاثير البنج ، واهم شي بعد العمليه قد ماتقدرين تقلليين من الدراي فود لانه بعد العمليه المجرى البولي يضيق والاملاح الموجوده بالدراي فود كثرتها تسبب بلوارات تسد المجرى البولي

وش احسن عمر للقط عشان اسويها له .؟

في عضوه هنا دايم تخصي قططها قالت لي عمر ست شهور كويس والبيطري قالي خليه يبلغ بعدين اخصيه بس انا اخصيتهم قبل البلوغ اثنينهم تقريبا بعمر سبع شهوور اخصيتهم

وكم يوم محتاجه.. وكم كلفتك .؟

لا ياعيووني العمليه كلها ماتجي نص ساعه

وعن التكلفه ،، انا سويتها مجانيه لانها بالجاامعه ، بس بالعيادات غالبا يكون سعرها 200 ريال

طولت عليك سوري :shy:

ولووووو خيتو ^ـ^

جميع الأوقات بتوقيت GMT +3. الساعة الآن 04:49 AM.