أعتقد أن هناك عدة عوامل أهمها :
- الغرب عندهم ثقافة الاطلاع والقراءة ودراسة الموضوع قبل الاقدام على اي خطوة مو مثلنا مسوين فاهمين في كل شي طب وهندسة ورياضة الخ حتى ان الواحد يفتي بدون علم وبناء عليه يتم تداول المعلومة الخاطئة .. وياما سمعنا العجب فمثلا واحد يقولك حط ليمون على العين الملتهبة :eek: وواحد يقولك قص المنقار وغيره كثير
- توفر كل مقومات النجاح لدى الغرب فلديهم أطباء بيطريين مختصين ولديهم الأغذية والأدوية المخصصة مو مثلنا اذا مرض الطير توديه لبيطري أغنام ويعطيه دواء دجاج والنتيجة موت الطير .. كذلك يتوفر لديهم الكماليات المخصصة للطيور من ألعاب وخلافه
- هناك عوامل تساعد على تنمية ذكاء الطير منها تمكينه من النوم لمدة كافية وتهيئة الاجواء المناسبة لحياته والاهتمام بتنوع الغذاء .. وعلى فكرة احنا ما عندنا أحد يبيع الاغذية المخصصة لفروخ الببغاء فنقوم باطعامها السيريلاك ( هيا شوف بالله ) وبعدين ندهك أهله بدوار الشمس اللي هو مثل الفول للانسان يخليك ماشي مانت عارف الدرب :12:.. كذلك درجات الحرارة المتفاوتة عندنا وتعريضه للادخنة والروائح وغير ذلك والمقصود هنا ان الببغاء إذا توفرت له الاجواء المناسبة وما لقى شي يشغله فأكيد انه راح يركز مع صاحبه ..
- بعدين شوف مقاطع الفيديو الغربية تحصل الطير عايش أحسن من البشر عندنا :D القفص كبير ومليء بالألعاب وله وقت يقضيه على استاند ووقت يقضيه في الخارج مو مثلنا الطير ينطق في القفص الأبيض الذي نمتلك مثله جميعا لين يتكلم من القهر مو من التدريب
- أخيرا الغرب ما عندهم بزارين مثل اللي عندنا .. أذكر مرة واحد من الأصدقاء جاب لولده كناري وثاني يوم الولد مبسوط جاي لأبوه ومعاه إحدى أرجل الكناري المسكين يلعب فيها :eek: