منتديات تو زوو - ●|[ حُصرياً : إُخْتيارٌﮖ للْثعٌبانٌ الأٍوْلَ للٌمُبتدٌئِينّ ]|●

منتديات تو زوو (http://www.2zoo.com/vb/index.php)

- قسم هواة الزواحف والبرمائيات (http://www.2zoo.com/vb/forumdisplay.php?f=32)

●|[ حُصرياً : إُخْتيارٌﮖ للْثعٌبانٌ الأٍوْلَ للٌمُبتدٌئِينّ ]|●

[ بسم الله الرحمن الرحيم ~
السلام عليكم و رحمة الله و بركاته ]

.
.

http://img718.imageshack.us/img718/6585/fa9l.png

الثعابين حيوانات حلوه وتقريباً سهلة التربيه على حسب الأنواع لكنها ما تنفع لكل واحد ، الثعابين يحتاجون بيئه ممتازه لهم غذاء مناسب لهم جو و كل شي مناسب ما تقدر تحشرها ، زادت هواية تربية الثعابين هالأيام ، و الكل يشتري بدون ما يعرف حتى أبسط الأشياء عنهم ، بل بعضهم يدخل يسأل شنو هاذي ؟!! ، يعني أساساً ما يدري شالموضوع ! فحاولت أختصر عليكم و أقولكم شي بسيط بالنسبه للمبتدئين :)

في أكثر من نقطه لازم تراعيها أثناء التربيه و تكون قادر على توفيرها و أهم شي ~

• تذكر الثعابين تعيش مده طويله و توصل لـ 20 سنه و بهالفتره يبيلها مصاريف و ممكن يزيد حجمها على حسب النوع ، فكون على أستعداد لتوفير الحوض المناسب لها .
• تذكر الثعابين و بإختلاف أحجامها تحتاج لفريسه مناسبه لها ، البعض يحسبهم ياكلون بيض ، مو كل نوع ياكل بيض ! ، أساساً أغلبهم يتغذون على حيوانات أخرى مثل القوارض و الزواحف أيضاً
• تذكر ان مهما تكون موفر حوض كبير ، الحيايه يحبون التدعس :D يعني أي فتحه بالحوض طلعو منها :D
• تذكر أنها بالأول و الأخير حيوان بري ، فلا تكون مصدوم لو عضتك أو شي ، طبعاً العضه بتكون نتيجة غلط منك :D فما ننصحك تربي حيايه ضخمه عاصره او سامه ~

طبعاً هالأشياء مجرد احتياجات لكن في الواقع تربية الثعابين أوسع :)

http://img718.imageshack.us/img718/6585/fa9l.png

لكن اختيارك للثعبان الأول شنو يكون ؟! ، انا بذكر الأنواع الي ننصح بتربيها و سهله

Corn Snake

http://img831.imageshack.us/img831/6600/81423183.jpg

ثعبان صغير ما راح يتعدى المترين حجمه معقول ياكل فيران أو هامسترات أو زواحف صفار مره كل 10 - 14 يوم ، يحتاج حوض عالأقل 80 cm × 40 cm و مكوناته كهف للإختباء و ماعون للماء و الفرش يكون تربه زراعيه أو قش او ممكن جرايد او كلنكسات أو زرع صناعي. ، و درجة حرارة الحوض تكون 25ْ - 30ْ .

http://img718.imageshack.us/img718/6585/fa9l.png

King and Milk Snakes

http://img512.imageshack.us/img512/4679/31813607.jpg

ثعابين مشابهه للـ Corn Snake بالتربيه ثعبان صغير ما راح يتعدى المترين حجمه معقول بس ياكل كل شي حتى ثعابين بطوله كانت سامه او لا ! فإحذر تمسك ثعبان ثم تمسكه لأنك بتنعض بعدها غسل أيدك أول و ياكل مره كل 10 - 14 يوم ، يحتاج حوض عالأقل 80 cm × 40 cm و مكوناته كهف للإختباء و ماعون للماء و الفرش يكون تربه زراعيه أو قش او ممكن جرايد او كلنكسات أو زرع صناعي. ، و درجة حرارة الحوض تكون 25ْ - 30ْ .

http://img718.imageshack.us/img718/6585/fa9l.png

Ball Python

http://img84.imageshack.us/img84/6233/55796576.jpg

ربما ينصحون فيه لأنه نوع هادي ، لكن فيه مشاكل والي هي الإضراب عن الطعام ! ، و هذا الي يخلي تربيته صعبه نوعاً ما ، حجمه معقول ما راح يتعدى المترين و ما و تربيته مثل الي ذكرتهم فوق لكن يتغدى فقط عالقوارض ، مره كل 10 - 14 يوم ياكل فيران أو هامسترات يحتاج حوض عالأقل 80 cm × 40 cm و مكوناته كهف للإختباء و ماعون للماء و الفرش يكون تربه زراعيه أو قش او ممكن جرايد او كلنكسات أو زرع صناعي. ، و درجة حرارة الحوض تكون 25ْ - 30ْ .

و هذي صوره لحوض مناسب للحيايه :)

http://img838.imageshack.us/img838/4369/34764283.jpg

http://img718.imageshack.us/img718/6585/fa9l.png

هالأنواع أنصح فيهم ، لكن ننتقل للي ما ننصح فيهم بسبب أحجامهم أو حتى عدوانيتهم و غيرهم من الأسباب منهم الـ Burmese Python ، ما ننصح فيها المبتدئين لكن نشوف الناس تاخذ ، توصل لـ 7 أمتار أحتمال العض يزيد معاك و عضتها مو هينه ترى ! و حتى الـ Retaculated Python ، تعض وايد و ما تستأنس كالباقي تضل فيها نسبة توحش ، و أيضاً الحيايه السامه .

http://img718.imageshack.us/img718/6585/fa9l.png

بهذا ننتهي من الموضوع
و حصرياً على 2Zoo

|| PyTHoN || ©