|
بقعه على قطوتي
السلام عليكم و رحمة الله
امس لقيت بقعه حمراء على ظهر قطوتي ما ادري هي فطريات و الا مع العلم اني من زمان ما حممتها اخر مره قبل تطعيمتها بثلاث ايام يعني قبل ثلاث اسابيع شي كذا يمكن تكون بقع دهنيه حممتها الصبح اليوم و شمستها ثلث ساعه هذا الشامبو اللي استخدمه لها http://img.rakuten.com/PIC/4149556/0/1/250/4149556.jpg http://i39.tinypic.com/15qdmie.jpg http://i44.tinypic.com/2ngemjd.jpg كم يبي لها تتعالج =.= |
رد: بقعه على قطوتي
اهلين ياقمر
ايوة فطريات وان شاء الله ماراح تطول فتره العلاج هذا الموضوع فيه كل اللي تحتاجينه وطريقه العلاج http://www.2zoo.com/vb/showthread.php?t=278882 واي سؤال لاتترددين .. |
رد: بقعه على قطوتي
طيب انا ارسلت اخوي للصيدليه يجيب لي مطهر بيتادين و بخاخ لامزيل قد استخدمته يومها صغيره و بسرعه طابت
فاتو يحتاج اعزلها عن الصغار احتياط |
رد: بقعه على قطوتي
والله اكتشفت اني مجرمة يا رب سامحني ما اعرضهم للشمس مساكين عشان كذا مرضت مشكله دخل الشتا مقدر اروشها الا كل اسبوعين
|
رد: بقعه على قطوتي
والله انتي احسن من غيرك
في ناس تشوف الفطريات بالقطوه وترميها بالشارع والحمد لله انك اكتشفتي المشكله بدري وبتتعالج بسرعة باذن الله ايوة اعزليها عن باقي القطط لكن اذا عيالها لسه ما انفطموا حاولي مايقربون من المكان المصاب بس لازم يرضعون ما تشوف شر :) |
رد: بقعه على قطوتي
[COLOR="rgb(139, 0, 0)"]وبالنسبه للأستحمام مو ضروري تروشينها
لو الاصاابه في منطقة محدده تقدرين تغسلينها بشويه مويه وتجففينها على طول ماراح ياخذ منك خمس دقايق والقطوة ماراح تبرد ..[/COLOR] |
رد: بقعه على قطوتي
لا الحمدالله مفطومين و عزلتها الحين ان شاء الله ما تطول
طيب كم مره احط لها البخاخ و البتادين في اليوم |
رد: بقعه على قطوتي
مرتين باليوم المطهر والمرهم والبخاخ
البخاخ غير ضروري لكن يسرع في العلاج اهم شي الشمس والحالة النفسية الجيدة |
رد: بقعه على قطوتي
ايي اشمسها كل يوم ربع ساعه و اغسل المنطقه بفافو
بس نفسيتها مسكينه احسها زعلانه |
رد: بقعه على قطوتي
معليش كل القطط تزعل من العلاج وتتضايق حاولي بقدر الامكان تكونين سريعة في اعطائها العلاج علشان ماتتعذب وتتضايق
وخلي احد يساعدك ماتشوف شر :) |
رد: بقعه على قطوتي
انا احطه بسرعه لها بس احس وجهها مدري كيف احسها ضايق صدرها و ماتاكل كل صحنها
|
رد: بقعه على قطوتي
معليش هذه مرحله وبتعدي طبيعي يقل اكلها ولعبها بسبب العلاج لكن صدقيني بعدين بترتااااحون
جمدي قلبك وعطيها بالمواعيد هذا لمصلحتها وبتطيب بأقرب وقت موفقة ياقمر :) |
رد: بقعه على قطوتي
صدق طبيعي ما تاكل الدراي فود اللي حاطته لها ما تحرك ابد و اسلق لها دجاج و خضار و اعطيها تونه تاكل شووي مره والا ما تاكل
و اليوم دخلتها عند صغارها رحمتها قلت يمكن فاقدتهم و قرب منها واحد منهم بخت في وجهه مسكين و انحاش تتوقعين عارفه انها مريضه و ماتبيهم يقربون منها والا كذا بس معصبه و شي ثاني مالع علاقه ابي مرهم او كريم يزيل اثار المخشات يدي صارت خريطة XD |
رد: بقعه على قطوتي
ههههههههههه
الله يعينك عليها تقدرين تطهرين يدينك بمطهر بيتادين اللي هي تستخدمه والحروج بتلتئم في اسرع وقت ولا تبعدين عنها ابنائها اوقات طويله حتى ماتفتقدهم او تنساهم |
رد: بقعه على قطوتي
اهااا اجل بخليها تلعب معهم بس وقت النوم تنوم في الغرفه الثانيه
اليوم الحمد لله احسها تحسنت كلت و ركضت شوي |
رد: بقعه على قطوتي
البقعه توسعت مدري ليه
اليوم سادس يوم من العلاج و قطعه من جلدها مدري قشور متراكمه طاحت وانا اغسلها http://i42.tinypic.com/t6ug5d.jpg <a href="http://tinypic.com?ref=t6ug5d" target="_blank"><img src="http://i42.tinypic.com/t6ug5d.jpg" border="0" alt="Image and video hosting by TinyPic"></a> كذا صار شكلها مسكينه |
رد: بقعه على قطوتي
ايوه القشور معناته بدايه العلاج
لاتقلقين هذا طبيعي لان المنطقة المصابة اثناء العلاج تمر بكذا مرحلة حتى الشفاء استمري على العلاج والتعريض للشمس بشكل يومي واهم شي النفسية الجيدة وان شاء الله بتطيب قريبا موفقه ... |
رد: بقعه على قطوتي
الحمدالله يعني موب شي خطير طيب كبرت و توسعت
و الشعر اللي سقط مع قطعة جلد وشي والا القشور تقشرت و الحمدالله نفسيتها تحسنت و صارت تاكل اكثر و تلعب شوي اتوقع تقبلت انها تعبانة ان شااء الله تطيب بسرعه |
رد: بقعه على قطوتي
ان شــاء الله :)
|
رد: بقعه على قطوتي
قطتي سائت حالتها و الحين مزكومه مرره و انفها مسدود و تنفسها صعب مدري وش اسوي و المحلات مسكره عشان العيد
|
رد: بقعه على قطوتي
طيب شوفي كيف حرارتها قيسيها من الاذن
وهل عندها اسهال ؟؟ في انتظارك .. |
رد: بقعه على قطوتي
لا مافيها سهال بروح اشوف حرارتها
|
رد: بقعه على قطوتي
حرارتها عاديه
|
رد: بقعه على قطوتي
اجل جيبي لها من اقرب صيدلية مضاد حيوي ايموكس
وعطيني عمرها علشان الجرعة وقدمي لها اكلات دافيه لحوم وخضار مسلوق وابعديها عن التيارات الباردة |
رد: بقعه على قطوتي
عمرها سنه و سبع شهور
سكرت المكيف مع اني حاطته بس على المروحه عشان التهويه بس و نضفت انفها احسها تنفست شوي بس اسمع صوت زي الشخير |
رد: بقعه على قطوتي
ايوه هذا الصوت غالبا لوجود البلغم في الجهاز التنفسي
بعد ماتجيبين الدوا والسرنجه بتعطينها من جانب فمها 1ونص مل مرتين في اليوم لمدة خمس ايام واستمري على علاج الفطريات عاادي ماتشوف شر .. |
رد: بقعه على قطوتي
مرره شكرا فاتو احسها خفت شوي و صارت تتنفس زين و بستمر على العلاج
بالنسبه للفطريات كيف اعرف انها بدت تطيب .. امس حكت نفسها و انجرحت شوي و قصيت اضافيرها |
رد: بقعه على قطوتي
علامه لبدايه العلاج : ظهور قشور سوداء على مكان الاصابه وبدايه نمو شعر صغير يمكن لمسه
استمري على العلاج والفطريات بتختفي قريبا .. |
رد: بقعه على قطوتي
اهاا للحين ماطلعت قشور ان شاء الله تشفى بسرعه
|
رد: بقعه على قطوتي
انا حلقت قطتي قبل يومين و عطيتها ابره ل علاج الفطريات ..
وما اروشها عشان البرد بس اجيب كوب واحط فيه شوي شامبو نيزورال وفافو ومويه وامسح ع جسم قطتي بالقطن او المندييل كذا احس انظف لهم . وبالتحليق م تنتشر الفطريات وانظف لنا عشان م يطيح الشعر بالنسبه ل القطط ذوي الشعور الطويله |
رد: بقعه على قطوتي
اقتباس:
طيب اذا مسحتي المكان بقطنه فيها شامبو تغسلينه مره ثانيه بمويه و تجففينها والا |
رد: بقعه على قطوتي
ايوه لازم شطف المنطقة جيدا بالماء من اثار الشامبو ثم التجفيف الجيد حتى نمنع الرطوبة ..
والحلاقة موب لازمة ابد مادامت الاصابه غير متوزعة على مناطق بالجسم |
رد: بقعه على قطوتي
اهااا انا اغسلها كل يومين بشامبو فافو و اجففها بالاستشوار
|
رد: بقعه على قطوتي
لا يفضل بالسشوار لان صوته عالي على القطط اعلى من اللي نسمعه ويغير مزاجها
وفي قطط تخاف منه وتكره التجفيف الفوطة تكفي |
رد: بقعه على قطوتي
يوكي يخاف من الاستشوار بس هي تنبسط على الدفاء
فاتو قطوتي تحك مكان الفطريات و جرحت نفسها انا قاصه اضافيرها بس ثاني مره تجرح نفسها |
رد: بقعه على قطوتي
هذا كله طبيعي المنطقة تضطرها انها تحك
انت حاولي تمنعنيها وطهري الجرح اذا طلع منه دم |
رد: بقعه على قطوتي
انا اذا كنت عندها امسكها و ما اخليها تحك و الهيها باي شي
بس اذا ماكنت فيه تحك طب ممكن انه يأخر الشفاء اذا تجرحت |
رد: بقعه على قطوتي
لا ماله علاقه الجرح شي والفطريات شي ثاني
الله عينك عليها .. |
رد: بقعه على قطوتي
فاتو قطوتي تلعق المرهم اذا حطيته لها عشان كذا ما طابت
وش اسوي لها |
رد: بقعه على قطوتي
حطي لها المرهم اول ماتنام حتى نضمن ان الجلد يمتصه قبل لا تلعقة
|
| جميع الأوقات بتوقيت GMT +3. الساعة الآن 05:55 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو