|
بلوفرونتد ، يلو كراون ، كاسكو
السلام عليكم و رحمه الله و بركاته
اخواني محتار ايش اخذ من بين الثلاث طيور ذي و كل واحد مرددني لسبب البلوفرونتد مرددني سعره يعني شوي كثير واليلو كراون احسه غبي :D و الكاسكو جعيره وانا اللي ابغاه طير ونس يعني لعوب و سهل تدريبه على اي شي و الكلام ما يفرق مو لازم يحفظ كلام كثير ف تنصحوني بأيش :D علما اني باخذ فرخ |
رد: بلوفرونتد ، يلو كراون ، كاسكو
احسنك ظلمتا الطيور كلها
اولا البلوفرنتد جدا ببغاء راائع ويحب اللعب وسعرةمعقول بالنسبة للببغاوات الامزونية.. ثانيا اليلوكراون شكله جمييل ويميل لليلوناب وببغاء بلعكس ذكي وله عشاقة .. ثالثا ..اسطورة الببغاوات هو الافريقي اللي ماعلية غبار ببغاء ذكي جدا وحذر ويحب صاحبةخاصتن اذا حصلتلك افريقي مروض وتاخذه بسعر مناسب وخصوصا سعرة في متناو اليد... خلاصة الموضووع انصحك تاخذافريقي... واتوقع من كلامك للطيور ماضنتي بتاخذشي منها لان ماعطيتها حقها .. ملاحظة ....لاتحرص تاخذ فرخ في ضروف الاجواء والفرووخ تتأثر بسرعة مع تقلبات الجو انصحك خذ منعمر ال 10 شهور وفووق . والله يوفقك ،،، |
رد: بلوفرونتد ، يلو كراون ، كاسكو
اقتباس:
بس انا اقصد ع البلو انه غالي شوي بالنسبه لي مو بالنسبه للامازونيات و اليلو كراون من اللي قريته عنه حسيته غبي ولا كنت ناوي اخذه بس غير كذا ما اشوفه متوفر كثير و الكاسكو زي ما قلت لك اللي رادني جعيره جدا مزعج ف عموما كم احصل سعر اليلو كراون بعمر ال 10 شهور ؟ |
رد: بلوفرونتد ، يلو كراون ، كاسكو
انت قريتا عنهم انا ربيتهم ..
عشان كذا رديت عليك بشيئ واقع قدامي ومن خلال تجربة والببغاوات عموما تعوود علئ اصحابها اذا ربوها صح وقنوها راح يكون الطير عند حسن الضن .. وهذي مب اجهزة الله يحييك هذا طيور قد ماتقدر تخليها تضهر قدراتها وتستمتع معها . موفق مرتن اخرئ ،،،، |
رد: بلوفرونتد ، يلو كراون ، كاسكو
اقتباس:
طيب يا اخوان لا هنتو ابغا تقريبا سعر اليلو كراون بعمر ال 10 - 9 شهور |
رد: بلوفرونتد ، يلو كراون ، كاسكو
تتراوح اسعار اليلو كراون
من ال 3700 الئ ال 5000ريال حسب ولافة الطير وجرمة وكلامة . |
رد: بلوفرونتد ، يلو كراون ، كاسكو
بتكلم لك بموجب تجربتي مع الكاسكو الافريقي ...
انت تقول أن الكاسكو الافريقي عيبة يجعر وصوته مزعج هذا يا اخوي بالبداية لكن لا تربى وتعلم صح ما راح تسمع منه جعير او صوت مزعج بنسبة لكلامك انا اقول الانسب لك اهو الكاسكو الافريقي وأذا انت تخاف من الجعير وانه مزعج بسعر اليلو كروان صغير تاخذ لك كاسكو افريقي كبير ومروض ويتكلم وما عندة جعير نهائيا وبالتوفيق للجميع |
رد: بلوفرونتد ، يلو كراون ، كاسكو
البلو فرونتد بلا منازع مشترك مع كذا ببغاء بالميزات
قريب من اليلوناب ناطق كلام بالجمل وليس كلمات فقط قريب من المكاو بقوة ارتباطه وعلاقته بصاحبه بشكل جنوني قريب من الافريقي بالسعر ولو كان اغلى ولكن ليس مثل اليلو ناب وأسال المربين المحترفين عن تحفه اسمها البلوفرونتد وانت لك القرار وبالتوفيق |
رد: بلوفرونتد ، يلو كراون ، كاسكو
والله انصحك بالافريقيي هولندي ولو انت بجده في دفعه جات طيبه هولنديات ب 2000 فروخ من سوق الاهدل ...
انا اول شي شريت كاسكو هولندي وزي ماقالو الاخوان اسطوره .. |
رد: بلوفرونتد ، يلو كراون ، كاسكو
من ناحيه كلام انصحك بكاسكو لان افضل من كلا نوعين واذكى منهم
|
رد: بلوفرونتد ، يلو كراون ، كاسكو
هو اكيد افضلهم البلوفرنتد
ببغاء فل اوبشن هههههه واليلوكروان الحين اسعارهـ شاطحه تقريباً مثل البلوفرنتد مافي فرق واذا لقيت واحد فرخ توه مفطوم وسعره .. يعني مايزيد عن 3000 . كويس بس اغلبها الان تنباع فوق الـ 3 الاف بس تراه ببغاء ذكي ويلقط كلام الكاسكو ميزته انه يتكلم ويلقط سريع بس عيبه حساس نفسياً وجسدياً P: |
رد: بلوفرونتد ، يلو كراون ، كاسكو
أجد نفسي متحيزا للكاسكو رغم أن عندي بلوفرونتد, رغم ما ذكره الشباب من المناعة النفسية و الجسدية الضعيفة, مع أنني و من واقع خبرة أستطيع أقول لك توكل على الله و خذ كاسكو بعمر سنة أو يزيد بشهرين و مناعنه تكون بإذن الله أفضل,
|
رد: بلوفرونتد ، يلو كراون ، كاسكو
انا شريت كاسكو من رجال الله يجزاه خير قالي اليف ويطلع على اليد وعنده كلام مو مفهوم وجلس عندي ثلاثه اسابيع ما سمعت لع تصفيره وحده بعدها قمت ادور اي نوع من الامزونيات .........لكن بعد ما كمل شهر وتعود عليه انا ، و على البيت ....... والله لو يعطوني 10000 اني ما ابيعه .... ياخي طير ذكي .. مشاء الله تبارك الله ...
دربته خلال 3 اسابيع على ثلاث كلمات وجابها وعلمته حركتين و الطير مطيع جدا ... الزبده الي يبغا يستمتع بطير ذكي لا يبعد عن الكاسكو .... مع احترامي لاصحاب الامزونيات ... الله يعينكم على الشقى. |
رد: بلوفرونتد ، يلو كراون ، كاسكو
بالنسبه للي يقولون ان اليلوكراون غبي ترى هالكلام غلط
يا انك تعرف تربي ببغاوات او لا تتكلم عندي يلو كراون عمره 10 شهور روضته ويجي ع الايد و في اسبوع خليته يتكلم بالنسبه لسعره اخذته ب 3000 ريال |
رد: بلوفرونتد ، يلو كراون ، كاسكو
أخى الفاضل السلام عليكم ورحمة الله وبركاته
ولله الحمد ربيت الثلاث انواع اللي انت محتار بينهم وأقول بأعلي صوت أن أفضل واحد فيهم هو اليلوكراون بلامنازع وبعده البلوفرونت وبعده الكاسكو ( بسبب ضعف مناعته فقط ) اليلوكراون ببغاء أذا تربي صح من صغره يعني تشتريه فرخ يصبح ممتاز بالكلام والولافة والتعلق بصاحبه وغير كذا أنه غير مزاجي عكس البلوفرونت وأسرع من البلوفرونت فى الكلام بمراحل وعن تجربة تكلم عندي بعمر 5 شهور العيب الوحيد يمكن لما تيجي تبيعه يخسر شوي لكن الان فى الكويت اليلوكراون أغلي من البلوفرونت عند الشراء لكن اليلوكراون بالترتيب العالمي اليلوهيد اليلوناب اليلوكراون البلوفرونت وأنا من وجهة نظري المتواضعة الترتيب الصحيح هو اليلوناب رقم واحد بلا منازع اليلوهيد اليلوكراون البلوفرونت أما حبيب الملايين الكاسكو لامثيل له فى التقليد ونبرات الصوت والصفارات لكن عيبه الخطير الموت المفاجئ بلامقدمات ومن أى مرض أنا مثلا نسبة الوقيات عندي 50 % من ببغاواتي ماتت بدون سبب يمرض ويموت خلال أسبوعين على الأكثر وأخير الامازون عشق لاينتهي ومسألة الشكل حسب ذوق كل واحد ناس تحب شكل اليلوكراون لانه نفس اليلوناب وناس تحب البلوفرونت والله يوفقك لما فيه الخير ونصيحتي لك أستخير ربك قبل الشراء وأشتري ببغاء عس وأستمتع بالتربية |
| جميع الأوقات بتوقيت GMT +3. الساعة الآن 01:34 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو