|
هامستري مايقدر يمشي
السلام عليكم
انا عندي هامستر سوري وهادي الولادة التانية وجاب ثمانية اولاد المهم بعد 10 ايام من الولادة خرجت الانثى من القفص وفكيتها في غرفتي عشان تتونس مع الذكر لاني شفت حالة الذكر يرثى لها المهم فكيتها الساعه 2 الفجر ونمت صحيت صلاة الفجر على الساعه 6 لقيت توتا هي الانثى نايمة وبيبو الذكر بيلعب في الغرفة المهم حاولت اشيل الانثى حسيت الجزء السفلي من جسمها خامل حطيتها في القفص قلت يمكن نايمة المهم شوفتها لما ترضع صغاراها ماتقدر تمشي حاولت اكلها بيدي مو راضية مرة حالتها تخوف انا دحي الساعه 9 بنتظر محل بروح اشوفو |
رد: هامستري مايقدر يمشي
اسمحلي و الله ياخوي ما قدر أساعدك ...
لأني و لا مره صادفت هالحاله مع هامستري ... بس انت لو توديها عند المحل أو البيطري بأسرع وقت .. ما تشوف شر ان شاء الله .. |
رد: هامستري مايقدر يمشي
بصراحة ؟؟؟
شو بيكسر ها ؟؟ حالة غريبة يمكن ما فيها شي بس تدلع ؟! أخو ودها البيطري أحن عن خبراتنا ... ممكن حد يقول لك شي بعدين تأذيها أكثر ... السموحة منك ... وبخبرني بالجديد |
رد: هامستري مايقدر يمشي
وديتها طبيب بيطري
وقال انها انشلت الكلام هادا في الصباح رجعت من المحاضرة المغرب لقيتها ماتت وعندها ثمانية اولاد اعمارهم 10 ايام ايش الحل معاهم كيف ارجع الذكر معاهم كيف اكلهم ساعدوني ترى نفسيتي صارت زي الزفت |
رد: هامستري مايقدر يمشي
ما تخاف عليهم اعتقد راح يبدأو يعتمدوا على نفسهم في الاكل بس ما ادري اذا يكفيهم الاكل لوحده
هامستراتي الصغار عمرهم 12 يوم بدأوا ياكلو الخس وحب عباد الشمس اللي الام مخزنته في اليوم العاشر طبعا بيرضعوا و ياكلوا اما بالنسبة للذكر ما اعرف اذا ممكن ترجعه معاهم او لا والله يعينك وان شاء الله الاعضاء يفيدوك |
رد: هامستري مايقدر يمشي
انا رجت الذكر
هما باقي عيونهم مافتحت يسلموا على التوضيح ماسكين امهم ماتت |
رد: هامستري مايقدر يمشي
ايوة طبيعي ان عيونهم ما تفتح الان على 13 يوم او 14 يوم
لكنهم ياكلوا الاكل طبيعي جرب حط لهم قطعة خس وراح تلاحظ انهم ياكلوا منها الهامستر طبيعته نظره ضعيف ويعتمد ع الشم في تحديد الاتجاه يعني حتى لو عيونهم مقفلة ممكن ياكلوا و يتحركوا طبيعي ما ادري اذا مازالوا يحتاجوا الحليب حط لهم في مشربة الموية حليب قليل الدسم وقربها منهم |
رد: هامستري مايقدر يمشي
طيب راح اجرب المشربة بس حتكون بعيدة عنهم
يعني ايش اسوي بالحليب |
رد: هامستري مايقدر يمشي
طيب راح اجرب المشربة بس حتكون بعيدة عنهم
يعني ايش اسوي بالحليب شوفي حل للحليب والموية تكفون |
رد: هامستري مايقدر يمشي
السلام عليكم ورحمة الله وبركاته :
اولاً : للمعلومية المهمه لك وللأعضاء الكرام اللي سويته غلط المفروض انك ما ترجعها للذكر في هذا الوقت وقت رجوع الأنثى للذكر بعد الفطام بعشرة ايام على الأقل ووقت الفطام للصغار لما يكملوا عمر الواحد والعشرين يوم يعني اللي حصل هو ان الذكر هو اللي قضى عليه وانت السبب ثانياً : لالالالالالالالالالالالالالا ترجع الذكر للصغار لأنه حيقتلهم !!!!! ثالثاً : الصغار حاول تعطيهم الأكل الخاص بالهامستر والخضار وهم انشاء الله بياكلون ولا تحطلهم خيار الا بالأسبوع مرة وحدة ولا تحطلهم اي حوامض زي الليمون والطمام والبرتقال وغيرها رابعاً : كوجبه مساعدة حاول تحطلهم حليب القطط الصغار مو الحليب البقري او اي حليب ثاني حيكون ثقيل عليهم خامساً : قرب المشربة قريباً منهم بحيث يصلون لها والله يعوضك ويكون في عونك |
رد: هامستري مايقدر يمشي
بس المشربة ماتكون قريبة هم صغار مرة
نا حطيت الذكر قبل شوية بس شوفتو حنون معاهم بشوفهم يتجمعون عليهم وكمان انا حطيت لهم جزر شوفتهم بيمصو فيه حليب القطط من فين اجيبه والله يجزاكم بالجنة |
رد: هامستري مايقدر يمشي
اعتقد السوبرماركتات الكبيرة تبيع اغذية الحيوانات في اقسام خاصة
كأني شفت في الدانوب |
رد: هامستري مايقدر يمشي
حاروح الدانوب اللي في طريق المدينة بكرة الصباح
بس كيف اشربهم هادي المشكلة |
رد: هامستري مايقدر يمشي
طيب لو جبت انثى ثانية تقدر تربيهم
ولا ماينفع |
رد: هامستري مايقدر يمشي
اعتقد لا لأنها راح تكون غريبة عنهم ويمكن تاكلهم الا اذا 1% انك تجيب انثى تاخذها من عيالها وتجيبها لصغار عندك بس صعبه
|
رد: هامستري مايقدر يمشي
لا ترد الذكر لهم نهائياً ولا تجيبلهم انثى جديدة بالنسبة لحليب القطط تلقاه في محلات بيع الحيوانات والسوبر ماركت الكبير اللي يتوفر فيه قسم للحيوانات
طريقة اعطأه الحليب الله يعينك بالقطارة حقت الدواء |
رد: هامستري مايقدر يمشي
مشكو خيو
|
رد: هامستري مايقدر يمشي
احسن الله عزك ..!
يتربيوا في عزك الصغار ...! |
| جميع الأوقات بتوقيت GMT +3. الساعة الآن 10:50 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو