مشاكل كلبي ومحتاح حله :-)
 

بسم الله الرحمن الرحيم

معلش الموضوع طويل شويه
المهم باللون الاحمر

والله انا مبسوط جدا بالمنتدى ومواضيعه الرائعه
واسمحو لي اول مشاركه ليا واول موضوع ليا
يكون عن مشاكل كلبي:-)
وربنا ميجبش مشاكل

اول حاجه انا اسمي احمد امين
من مصر

وعندي كلبه نوعها جيرمن شيبرد
وبالمناسبه اسمها انشتا :-)
من انشتاين يعني بس حزفت ال ين :-)

سوري على الكلام الكتير نخش بقى في عنوان الموضوع

انشتا عندها 8 شهور دلوقتي

وانا اشتريتها وهي عندها شهر ونص

واي حد كن يشفها يقول عندها شهرين ونص

والدكتور البطري لما شفها قال شهرين ونص ولما كشف عليها
لقاها شهر ونص

المشكله:1-انها من سن 5 شهور وطولها بيزيد براحه
يعني قصيره جدا (امها طويله جدا)

2-انا ضربتها لمدت 3 ايام فقط وهي عندها 2 شهر

وضربتها 2 يوم لما كان عندها 7 شهور

والضرب كان قاصي

وهي دلوقتي بتزوم على الكلاب الفي الشارع
وتخوفهم وترجعلي تاني(احيانا الخروج بيكون من غير سلسله في وقت الفجر)

هي بتزوم على الكلاب وتخوفهم و مش بتزوم على البشر وبتخاف منهم
وانا دلوقتي بقالي شهر رابطها بالسلسله ومتتحركش من مكانها
انا مش عايز اشرسها دلوقتي ولكن عايزها تاخد ثقه بنفسها + متخفش من الناس

3-اكلها ضعيف جدا جدا ومش نافع معاها ادوية فتح الشهيه
وكل ما اروح عند دكتور(بقالي 3 شهور) يدلها حقن فتامينات وادوية فتح شاهيه
وهي كمان لسه اكلها ضعيف جدا
وانا محافظ على ادوية الديدان وحقنة الحشرات
ايه الحل؟

4-احيانا بتاكل براز :eek::confused:
وده اول مره اشفها بتعمل كده النهرضه
وعصبتني جدا فنزلت كتبت الموضوع ده :-)
ايه الحل عشان امنع الموضوع ده

5-اهم حاجه يا جماعه اعمل ايه مع الطووووووووووول
الكلبه قصيره جدا جدا

وانا كنت بدلها حقن كالسيوم وتراي بي

فلو حد يعرف اسم حقنه للطول يقولي

مع ان امها طويله جدا ولما كانت كلبتي عندها شهر ونص
الكل كان بيقول عليها شهرين ونص

وبالنسبه للعمر انا كشفت عند دكتور بطري وقالي عندها شهر ونص

ليه هي قصيره ؟

سؤال اخير:
الحليب بعد سن 6 شهور مفيد ولا لأ؟

عشن الدكتور البطري قالي من بعد ال 6 شهور
الحليب مش مفيد للكلاب لأنها مش بتمتص الكالسيوم من الحليب!!

ومعلش طولت عليكم

بس لو حليتم المشاكل دي
هكون اسعد انسان في الكون :-)

واتمنى الجواب يكون نابع عن طريق علم او تجربه

وبلاش حوار الكبده النيه :-)

صديقكم:احمد امين
THE_MAGIC

رد: مشاكل كلبي ومحتاح حله :-)
 

اولا الثقه بالنفس مش بتيجي من الربطه
الثقه بالنفس بتيجي من كذا طريقه
1:- تقعده معاك انت وقاعد معا اصحابك بس متخليش حد يملس عليه
2:- تخلي حد من اصحابك يناغشه بعصايه وبعدين يجري قدامه وتخليها تجري وراح وانت معاه علشان يتفتكر انه خاف منه .
وتكررها وتخليها تجري لوحدها علشان ميتعودش انه ميهجمش الا وهيا معاك.
دول اهم طريقتين

___________

وبالنسبه للاكل :-

1:- خفف الاكل عنه شويه يعندي لو بتحطله 3 وجبات خليهم 1 والمقصود تجويعه
2:- نوعله الاكل الي بتحطه
3:- جرب وحط شويه ملح في الاكل ودا مفيد لكذا حاجه واهمهم تمييز اكلك عن اكل غيرك علشان مياكلش من الغريب

_____________

اما عن الطول الشباب يفيدوك
وبعدين هوا لسه صغير الكلب بيوقف نموه عند سنتين

__________

الحليب مشكلته الوحيده انه بيعمل اسهال ودا من كتره بس
يعني ممكن تحطله شويه صغيرين


بالتوفيق

رد: مشاكل كلبي ومحتاح حله :-)
 

شكرا يا AnGeR على وجودك الرائع

طيب اعمل معاها ايه بالنسبه لموضوع البراز

ولما ابتدى الصيف

وانا بأكلها وجبه وحده
يعني بقالي شهر

طيب الطول عند الجيرمن
بيقف من سن سنه وشهرين وله سنتين؟

وشكرا جدا على وجودك الرائع

رد: مشاكل كلبي ومحتاح حله :-)
 

لما تاكل تاني اضربها خفيف على مقدمه البوز مع امر كلمه لا

عامتا الاكل فى الصيف بيقل عن الشتا.

بيوقف الطول عند سنتين


بالتوفيق

رد: مشاكل كلبي ومحتاح حله :-)
 

حبيب قلبي يا AnGeR

شكرا على ردك الاكثر من الراااااااااااااااائع

والحمد الله طمنتيني بموضوع السنتين :-)

لك كل تقدير واحترام

وفي انتظار بااقي الردود
خصوصا في موضوع الطووووول

وشكرا يا AnGeR على وجودك الرائع

رد: مشاكل كلبي ومحتاح حله :-)
 

اولا سلام عليكم يااعم احمد بص يااسيدى مشكلة الطول عند كلبتك هية انها بتاااكل البرااز بالبالدى اسمها ( ازعرت) و دة مش بيحصل من مرة لا دة من كذا مرة من غير زعل بسسب عدم العناية بكلبتك كان المفروض انك تلاحظها اول مرة عملت كدة وتضربها خفيف على بوزها وتزعقلها بس عمتن انا ناسى بالظبط الحل فى المشكلة دى بس الى انا متاكد منة انها جراويها هيتطلع كبااار لو هية امها كبيرة (طولها دلوقتى مش هيأثر على الجرااوى بعد كدة ) وروح لبطرى وهوة هيحللك المشكلة دى بس هية لازم تبطل تعمل كدة
وارجو اكون افادتك ومعلش طوت عليك
وشكراااااا

رد: مشاكل كلبي ومحتاح حله :-)
 

شكرا على ردك الرائع يا joo_king_devil

المشكله انا معرفتش موضوع البرااز ده غير من يومين كده

وانا لما كلمت الدكتور قالي عشان اكلها ناقص ملح !!!!

ورحت انا عندي 2 دكتور

الاول قالي
ده طولها كويس جدا

فسبته لأن كلامه مكنش صح

ورحت عند دكتور تاني

وقالي ادلها حقن

تراي بي وحقن كالسيوم وحقن ديبوفيت

وانا ادتلها الكورس ده لمدة شهرين

بس برضه طولها مش كويس

والمشكله انا سيبها فوق في الروف
يعني بطلعلها وقت الاكل او وقت اللعب او وقت الخروج

وهي مش بتعمل براز قدامي

فصعب الاحظ موضوع اكلها للبراز

طيب يا ريت يا باشا
تشفلي موضوع لحل الطول

غير الحقن الانا كتبتها

وشكرا لوجودك الرائع جدا يا باشا

لك كل احترام وتقدير

ومفيش زعل بين الحبايب :-)

رد: مشاكل كلبي ومحتاح حله :-)
 

يا جماعه بليزززززززززززززززززززززززززززززززززززززززز

حد يفدني بالطول
اسامي حقن او ادويه او اي حاجه
بلييييييييييييييييز

رد: مشاكل كلبي ومحتاح حله :-)
 

الطول يا شباب

رد: مشاكل كلبي ومحتاح حله :-)
 

اعمل ايه في الطول
اتمنى المساعده

وعدم التنفيض :-)

رد: مشاكل كلبي ومحتاح حله :-)
 

طيب ليش ماتحاول تلبسها الكمام تبع العض بس مده مؤقته لما تكون في القفص ومش وقت اكل عشان ماتآكل البراز اكرمك الله واخواني القراء وبعدها راح تتعود انشالله وحاول ان مكانها يكون نظيف دائما ....
لانوا فضلات وشي طبيعي راح يأثر على اكلها وصحتها ...
اتمنى تتخلص من هذي المشكله والله يكون في عونك ,,,,,
بالتوفيق