|
اول قطو عندي لاتبخلون بمعلوماتكم
السلام عليكم ورحمه الله وبركاته
هلا اخواني اخواتي الصراحه اليوم لقيت قطو عند الباب الداخلي للبيت وصراحه شكله حلوو مره المهم ناديت السواق وقالي هذا له يومين وهو بالبيت صراحه ما في امل ابد انه يكون حق شوارع :p اولا مواصفاته :اولا هوكبير مو صغير (ذكر) العيون زرق والشعر جدا كثيف بس يتساقط وحجمه كبير لكن الاحظ عليه النحف وشكله هاج من احد البيوت المهم وش اسويله واليوم راح اوديه العياده يروشونه ويطعمونه ويقصون اظافره (يخلونه وكاله) :D ولكن لما اجي امسح على ظهره مرات عادي ومرات يعصب ويبخ :eek: ويمخشني :confused: وان شالله بكره ومنزل الصوره لكن انتم وش رايكم لانه فصيله قويه :D وهذا اول قطو عندنا وش الممنوع اسويه واللي مفروض تكفون لاتبخلون علي تراي غبي جدا بالقطاوه:( ما اعرف شيء الا بالكلاب :) وما في اي احد سال عنه لحد الان تكفون ردوا علي باقرب وقت ايه صح بعض الاوقات تجي عند رجولي ووتتمسح فيهم وهي رافعه ظهرها لفوق (مدري بس حسيت انها بتفيد):p اخوكم نــــــــــــــواف |
رد: اول قطو عندي لاتبخلون بمعلوماتكم
اول شي هلا نواف
منور قسم القطط وبالنسبه للقط على نحافته اي مسكين شكله من فتره بالشارع انت بس اهتم بتغذيته اعطيه دجاج وبطاطس مسلووق .. زبادي .. أجبان .. دراي فود ( اكل جاف للقطط ) .. ماي طبعا وان شاءالله كلها اسبوع او اكثير شوي ويبدا يدبدب اقتباس:
اقتباس:
بس بعدين يوم حبيناهم قمنا نقرا عنهم وصرنا نفهم فيهم انت بس اهتم بنظافته .. يعني حممه كل اسبوع او كل اسبوعين الاكل .. حط له وجبه كل 5 ساعات او قبل .. لان مسكين شكله ناقص تغذيه مره اخذ حووض وحط فيه رمل طبي خاص بالقطط تحصله بالعيادات او محلات الحيوانات او السوبر ماركات الكبيره و حط القط فيه .. اذا شفته يسويها برا نظف المكان اللي يسوي فيه كووويس وبعدين انت بعد كل وجبه حطه بالرمل وكل كمن ساعه حطه بالرمل ولين تشوفه يستعد عشان يسويها عالارض انت شيله على طووووول وحطه بالرمل وفر له مكان هادي ومريح .. ولو عنكم اطفال نبهم انهم يتعاملون معه بلطف واذا شفته يخاف منهم لاتخليهم يقربون منه وحاول انك تمسح عليه كثير وتلعبه .. ولو بغيت تسميه .. وانت تمسح عليه او تأكله بيدك او حتى وهو ياكل بروحه ناده بالاسم او اذا تلعبه ناده بالاسم هذا الاشياء اللي لازم تسويها الممنوعات : الضرب ممنوع .. تطلعه برا البيت ممنوع .. تعطيه (اكل وبس) ممنوع يعني حلويات او مشروبات غازيه او منبهات او أكل ني او بقايا اكلكم .. ممكن تعطيه البقايا بس بعد غسلها عشان ماتكون فيها بهارات وملح وهالشغلات اقتباس:
هذا معناتها انه يحط ريحته الخاصه فيك .. ( تملك ) طبعا الريحه احنا مانشمها بس القطط يشموونها وان شاءالله تكون تجربه حلوه لك وياه ^,^ وطبعا لازم تقرا المواضيع بالقسم .. عشان تتثقف في القطط وتصير فاهم فيهم وتعرف ولو احتجت اي شي .. حط سؤاالك ومحد بيقصر وياك ان شاءالله بالتوفيق |
رد: اول قطو عندي لاتبخلون بمعلوماتكم
اولا صباح الخير
والله انك رهيبه تصدقيين انك عطيتيني معلومات حلوه لكن وش رايك اوديه العياده اليوم معليش لكن هل الحليب يضر القطو لانه قريت قبل شوي انه يسبب وانتي بكرامه اسهال تسلمين وما تقصرين يا عسل وان شالله اي سوال عندك عالطول |
رد: اول قطو عندي لاتبخلون بمعلوماتكم
صباح النور
وبعدين هذا واجبنا اخوي ^,^ الحليب اي يسبب سهال وانت بكرامه اذا تبي تعطيه .. اعطيه اياه مره او مرتين بالاسبوع بشرط يكون مخفف بموويه عشان مايسبب له اسهال ويكون قليل الدسم اي طبعا وديه العياده اليوم .. خل البيطري يشيك على اسنانه ولثته وعيونه وجلده وشعره باختصار ( تشيك آب ) واذا قدر يحممه لك ويقص اظافره احسن واحسن .. وتعلم منه .. واذا مارضى انت بس صب علي مويه لين يتبلل بعدين حط الشامبو ( خاص بالقطط .. او ممكن جونسون للأطفال بس ممكن مايناسبه ويسوي له جفاف ) وافركه عدل ونظفه كوويس .. وبعدين اشطف الشامبو بالمويه .. وجففه بالفوووطه اكثر من مره وبعدين هو بيجف بروحه بس طبعا خليه بمكان دافي عشان مايدخله برد ... والاظافر مو ضروري بس اذا تبغى انت اشتر المقص الخاص بالقطط او حتى مال الانسان عااادي بس خل الفتحه اللي تقص منها بالطول .. وقص راس الظفر بسسس لانه لو قصيت اكثر راح تقطع وريد منه ويطلع دم .. وان حصل وطلع دم .. اخذ قطنه وبللها بمويه وشوي صابون ويوقف الدم .. بالتوفيق اخوي |
رد: اول قطو عندي لاتبخلون بمعلوماتكم
وييييييه اخوي سيسي مون ما عطتنا مجال نتكلم كلامها كله صحيح 100 %
وما انصحك تحممه الحين لانه راح يعصب وايد انطر شوي عليه |
رد: اول قطو عندي لاتبخلون بمعلوماتكم
واذا تقدر تيب صوره جيب خنقولك نوعيته ان قدرنا
|
رد: اول قطو عندي لاتبخلون بمعلوماتكم
اللي قبلي ما قصروا
بس حاول تدور على صاحبه يمكن ساكن قريب منكم اذكر يوم ضاعت قطوتي لولو مابقيت مكان مادورت وتمنيت احد يدلني عليها حتى محلات الحيونات حطيت صورتها عندهم واذا ما حصلت خبر حلال عليك :) |
رد: اول قطو عندي لاتبخلون بمعلوماتكم
والله فاتكم اليوم
وديتها العياده اول قص الاظافر وبعدين حمموه والله قعد يسوي نفسه لكن حمموه ونظفوه واستشوروا شعره وطلعلته شهادة تطعيم وطعمته المهم طلع شكله يفتح النفس ويقولي نوعه امريكان شورت هير ويقول يسمى فارسي بس المشكله انه حتى بعد ما وديته عنده مشكله للحين وهي انه شعره يتساقط ومشكورررين لكل اللي ردوا وما قصرتوا |
رد: اول قطو عندي لاتبخلون بمعلوماتكم
اوووه مبرووك صار نظيف :p
اخوي الامريكان شورت هير شي والفارسي شي ثاني الفارسي هو نفسه الشيرازي بس الامريكان غير عنهم انت حط الصوره وان شاءالله نساعدك اما عن تساقط الشعر .. بكميه كبيره كبيره او عاادي لان دائما القطط اللي شعرها طويل وكثيف شعرهم يطيح بش بشكل طبيعي اما اذا بكميه كبيره كبيره وديه البيطري يشيك عليه يمكن عنده ديدان او يمكن راعيه السابق كان يأكله اسماك ( السمك يسبب تساقط شعرر للقطط ) |
رد: اول قطو عندي لاتبخلون بمعلوماتكم
مبروك عليك فيه ,,,,,
يتربى في عزك ان شاء الله |
رد: اول قطو عندي لاتبخلون بمعلوماتكم
خلاص ابشري
وانشالله كلها يوم واجيب الصوره وعن تساقط الشعر والله تقدرين تقولين لازم يطيح لكن يا ناس شكل القطو نفسيه :) مرات تقول وش حليله ومرات ما يبي احد يسويله شيء يعني يحاول يعض اول يمخش وبعدين لو عندي صوره كيف انزلها لكم بلاك فيس مشكووور /ه الله يبارك فيك |
رد: اول قطو عندي لاتبخلون بمعلوماتكم
ههههها مو منفس .. بس ترا هذا لعب القطاوه
ادري لعبهم دفش شوي :p من تشوفه يبي يعضك او يشمخك اعطيه لعبه قطنيه قماشها يستانس عليه القطو في العض والتشمخ الا اذا كان وهو يبي يعض او يشمخ يبخ ؟؟ لو يبخ معناتها معصب او خاايف والصوره ادخل على موقع التحميل www.pusup.com ادخل على استعراض .. واختار الصوره وبعدين اضغط على تحميل وبعدي لاتحملت انسخ اخر راابط وحطه سيدا بالموضووع |
رد: اول قطو عندي لاتبخلون بمعلوماتكم
هلا أخوي ما قصروا الأخوان بالأجوبة ..
النحف أكيد علشان جايع وما ياكل كثير زي الإنسان ( رجيم ) :D .... والبخ شوي شوي مع مرور الأيام يتعود عليك .... وآسف على تأخر الرد :o ... |
رد: اول قطو عندي لاتبخلون بمعلوماتكم
والله الف مبروووووك عليك اخوي تستاهل والله
|
رد: اول قطو عندي لاتبخلون بمعلوماتكم
هلا والله اخواني
والله مشكورين وما قصرتوا وبالذات اختي sisi_moon الله يعطيك الف عافيه والله معي لحظه بلحظه وكل رد هي اول وحده ترد علي مشكووووره وماتقصرين المهم لقيت صاحبته طلعت مسافره بنت جيرانا ودقيت عليها وسالتها وزي كذا قالت لا ماطلعته ولاشيء لكن شكل سواقهم طفش و طلعه وقالت لي ان نوعه فارسي واخذته من محل عندنا بالرياض من يوم هو صغير بحدود 5 شهور او اقل مدري بالضبط بـ1500 او بـ1600 وقالت مدامه جاء عندك حلال عليك لكن الصور احط اي رابط بعد تحميلها |
رد: اول قطو عندي لاتبخلون بمعلوماتكم
يلا كويس انها ماتبغااه عشان يبقى عندك
بس البيطري فحصه فحص كاامل وماشاف فيه شي لان اخاف مريض وعطتك اياه .. المهم بعد التحميل حط اخر رابط . .. الرابع حطه على طول سيدا بالموضوع او ارد |
رد: اول قطو عندي لاتبخلون بمعلوماتكم
وبعدين لا شكر على واجب
واجبنا هذا خيووو ^,^ |
رد: اول قطو عندي لاتبخلون بمعلوماتكم
على البركه...اجل نقول مبروك القطو الجديد...لا تنسي تعطيه اسم حليو مثله:)
|
رد: اول قطو عندي لاتبخلون بمعلوماتكم
واليوم رحت شريتله اكل من ويسكاس معلب
ودراي فود كمان ويسكاس وهذي الصور : : : http://www.pusup.com/up/get-8-2008-pbhkenpb.jpg http://www.pusup.com/up/get-8-2008-udpwqgtm.jpg http://www.pusup.com/up/get-8-2008-5f0xbops.jpg |
رد: اول قطو عندي لاتبخلون بمعلوماتكم
|
رد: اول قطو عندي لاتبخلون بمعلوماتكم
ماشاءالله عليــــــه مـــــررره حلوو
حط له صور وهو واقف وصوره من قدام عشان نقولك نوعه بالضبط وعلى فكره ويسكاس الويت فود مو كويس ابدا .. يسبب تساقط شعررر وديدان الله يخليه لك ^,^ |
رد: اول قطو عندي لاتبخلون بمعلوماتكم
هلا والله وغلا اختي
ابشررري بس اصوره اليوم وانزلها المهم الويسكاس قصدك العلب طيب وش احسن شيء ؟ و رويال كانون جيد واذا جيد وش احسن اختيار التركي و لا الغنم ولا البيف ووش رايك بالدراي فود احسن نوع بالضبط وتسلمين خيتوووو وماتقصرين |
رد: اول قطو عندي لاتبخلون بمعلوماتكم
ما شاء الله
قطو حلو :) يتربى بعزك اخوي |
| جميع الأوقات بتوقيت GMT +3. الساعة الآن 10:55 PM. |
Powered by vBulletin® Version 3.8.8 Alpha 1
Copyright ©2000 - 2026, Jelsoft Enterprises Ltd
الحقوق محفوظة لمنتديات تو زوو