صور الكاسكو Tom الناري
 

السلام عليكم

اليوم جبت لكم صور الكاسكو الي كتب عنه في موضوع والأخوان الأعزاء جوبوا وقالوا انها طفرة وميزة ان ها الكاسكو مميز اسم الكاسكو Tom أخواني ارجو انكم ماتبخلون علي بردودكم
ترى صار له عندي سنه وشريته فرخ شوفوا الحين شصار شكله وشتنصحوني فيه ترى هو اليف جدا وحبوب مثل راعيه الي هو انا اعوذ بالله من كلمه انا ويصفر وكله يوقف على الستاند ويركب على يدي وحبوب واليف جدا مابي اطول عليكم

اخليكم تستمتعون بالصور

++___ اذكــــــــــــــــروا الله ___++

مشاء الله




[IMG]http://file5.9q9q.net/img/84951627/20080907310.jpg[/IMG]





[IMG]http://file5.9q9q.net/img/42523298/20080907314.jpg[/IMG]





[IMG]http://file5.9q9q.net/img/49549327/20080907315.jpg[/IMG]





[IMG]http://file5.9q9q.net/img/19387636/20080907321.jpg[/IMG]

رد: صور الكاسكو Tom الناري
 

السلام عليكم
حبيبي الله يخليه لك
بس ابي اقوللك شي بس بدون زعل الكاسكو تبعك شكله مريض حيث ان الريش تعبان واحتمال يكون مرض بالكبد الذي يؤثر على صحة ولون الريش وفي حالة الطفره يحتفظ الريش بقوته ولمعانه وترتيبه
وده لبيطري شاطر احسن وهذا رأيي
والعذر والسموحه منك اخوي

رد: صور الكاسكو Tom الناري
 

لااله الالله مشالله توف توف توف عليه الله يباركلك فيه

رد: صور الكاسكو Tom الناري
 

لا ياأخوي الكاسكو الي عندي قاعد يبدل ريشه والكل يقول لان انا سافرت شهرين عنه الحين صيف وهو قاعد يبدل ريشه الى اللون الأحمر حتى لو تلاحظ الصورة بعيده لو تلاحظ تحصل ريش جديد قاعد يطلع صغار وكبار لامرض ولاشي لان المرض يئثر على صحته لاكن هو ممتاز مشاء الله عليه

رد: صور الكاسكو Tom الناري
 

الحمد لله يارب وانتبه عليه والله ترى العين حق انا كان عندي اثنين واحد ريش ذليه وبطنه ورجوله احمر فاقع وواحد ريش اجنحته احمر جاني واحد يبي يشتريهم انا رفضت والله طلع من عندي الرجال والاثنين بعد شوي تسدحوا وماتوا
انتبه عليه والله يحفظه لك

رد: صور الكاسكو Tom الناري
 

ما شاء الله . الله يخليلك أياه

رد: صور الكاسكو Tom الناري
 

بسمه تعالى ،،

أخي الكريم / كاسكو حبوب

طائرك صج فلته .. ما شاء الله عليه مليان ريش احمر وصاير صج ناري من العنوان

وبالنسبة للريش فطائرك فعلا يبدل الريش وواضح عليه .. لا تخاف مافيه إلا كل الخير ان شاء الله ..

وعشان اعطيك نصيحة احلى .. في فيتامين اسمه AD3E هذا رائع ومفيد لريش الكاسيكو .. اهو سائل اسود ترش منه شوي على الحبوب ولما يآكل الحبوب راح يآكل معاه الفيتامين .. وهذا الفيتامين في فوائد عديدة جداً ومنها أنه ينشط الريش ويجعله مرتب ويلمع ويبرز الطائر بأحلى شكل

طائر حلو وحافظ عليه ونبيك ماتقطع عنا اخباره

تحياتي للجميع ،،

رد: صور الكاسكو Tom الناري
 

ولايهمك

رد: صور الكاسكو Tom الناري
 

رد: صور الكاسكو Tom الناري
 

الله يخليه لك ما شاء الله تبارك الله

والله الطير مره رائع ومميز الله يخليه لك

ولا تنسى تحط صوره بعد ما يبدل ريشه بالكامل ان شاء الله بس لا تنسى

رد: صور الكاسكو Tom الناري
 

انت تامر امر

ان شاء الله بحطها

رد: صور الكاسكو Tom الناري
 

رد: صور الكاسكو Tom الناري
 

رد: صور الكاسكو Tom الناري
 

الله يخليه لك

رد: صور الكاسكو Tom الناري
 

والله هذا الكاسكو معجزة والله اذا بتبيعة انا بشترية منك ب 800 دينار شقلت ياخوي والله انا ابيه اذا بتبيعة كلمني على الخاص

تحياتي

رد: صور الكاسكو Tom الناري
 

والله ودي اخذة تقدر تبيعة لي بشترية ب 1000 دينار تبيعة

رد: صور الكاسكو Tom الناري
 

لا وين يااخوي تشتريه انا اصلا مب بايع وترى انا شاريه ب 5000 ريال قطري من يوم كان عمرة شهر وربيته ودربته وجاني واحد
يبيه ب 15000 ريال قطري مابعته

رد: صور الكاسكو Tom الناري
 

كاسكو حبوب .. ترى انت شريته بما يعادل 150 دينار بالمبلغ إلي ذكره الأخ طبيعة الحيوان
تدري هو جم عارض عليك ؟؟
بالريال تقريبا طبعا مو بالضبط بس نقول 8000 ريال قطري والمبلغ الثاني 10 آلاف ريال .. يعني مبلغ خيال ..
بس طيور الكاسيكو يا سبحان الله إلي يربيهم ما يتخلى عنهم ولا بأي مبلغ .. طبعاً إلي يربيه عشان يكون صديقة ويتم معاه مو للتجاره وكل يوم طير جديد .. يعني ماتهم للفلوس .. بس لو تفكر تبيع ترى المبلغ قمبلة

تحياتي

رد: صور الكاسكو Tom الناري
 

لا يأخوي انا اعرف ان المبلغ بهذا السعر بلقطري بس اقولك في واحد جاني وطلبه ب15000 الف ريال قطري يعني ب1500 دينار تقريبا ومابعته شلون تقول لي هذا المبلغ ببيعه فيه لاوالله هذا غالي علي وجايني من واحد من الاهل ب 5000 ريال قطري وكان فرخ عمرة شهرين او ثلاث اوالحين عمرة سنه وثلاث شهور شلون ابيعه لاوالله اسمحولي يالربع مب للبيع لان والله غالي علي

رد: صور الكاسكو Tom الناري
 

رد: صور الكاسكو Tom الناري
 

هلا والله اخوي كاسكو

طيرك قرنس يعني بدل ريش والطيور هذي تقرنس بين كل فتره وفتره يعني تبدل ريش بس والله غريبه ان الريش طلع احمر قد تكسبه ميزه بس ما اتوقع انه من الاكل او من اي عامل اخر ....
اخوي قد يكون الطير اللي جاه وراثي نتيجه لتزاوج نوعين مختلفين من نفس الجنس لان الكاسكو انواع وفصائل
اخوي الصوره بعيده شوي وماني شايفه مظبوط

بس ما دام الريش طلع بعد ما طاح فهذا دليل على ان طيرك ما شالله ممتاز وبصحه جيده بس اللي ابي اعرفه متى بدى يبدل ريش ومتى طلع ريشه

وتقبل تحياتي

رد: صور الكاسكو Tom الناري
 

أخوي اذا بقيت تشوف الصورة اضغط عليها وبتكبر وبنسبه له ترى هو مميز وكذا واحد طلب مني ابيه بس والله غالي علي بدى يغير ريشه من خم شهو الى اللون الاحمر


تحياتي لك