|
طريقة لم حمام غواى كتير وتسقيط حمامهم بالجو أعلى غيتك
بسم الله الرحمن الرحيم
عشان تلم حمام غواى كتير وتسقط بحمامهم وتنام بيه أعلى غيتك طبعا الحمام بتاعهم مش هينزل عندك لأطبعا أستحالة بس ممكن الحمام الغير واعي فيهم هوه اللى ممكن ينزل الطريقـــة أيــه واذاى بص ياسيدى ولنفترض أنهاردة أنته نشيت الحمام وطيرته أوكى والحمام بتاعك نزل أخر النهار من الجو الى الغية ثم الى العيون .... أوكى ... طبعا الأكل بتاعهم أنته محضره جوه العيون عشان ياكلوا بص بقه يابرنس خلى عند كل فرد 10 حبات ذرة طبعا ذرة عويجة اوعه تكون بتاكل الحمام اللى بيطير ذرة صفرة كده يبقه أنته بتطير بط وفراخ مش حمام أوكى أتفقنا 10 حبيات عند كل فرد ذرة عويجة عشان بكرة فى النش عاوزينهم كلهم يكونو جعانين ومعندهمش طاقة يطيروا أصلا أوكى ..تانى يوم فى النش أفتح الحمام وبالعلم الراية صفر وأرفع الحمام وخليه ياخد مع أى حد كده بس خليه ياخد مع اى حد بسرعة جدا فى اول طلوعه وهوه بعفيته وبعد كده نزل الرايه وادخل عارف هتلاقى أيه ...؟ هتلاقى حمامك واخد الحمام بتاع اللي انته واخد معاه او واخد معاهم ونازل على غيتك بهبالة بس حاول انك تلم الهبالة دى شويه لان حمامك جعان وعاوز ينزل عندك باى شكل حاول تلمها بالراية العلم شويه عشان متحسس حمام اى حد انك هتخده على طول عشان الحمام لو حس هيطلع منك ويروح عليه بالراية شويه وشيل الراية وكشاف من اللى على الغية ال 1000 وات دول افتحه واقفله فى وشهم كذا مرة ويجو ينزلوا على الغية افتحه فى عنيهم هتلاقيهم زى الطوب نزلوا عندك الكلام ده كله بفن مش اى كلام يتعمل يعنى تكون بتفنن اهم حاجة فى لم الحمام والدورة والحمام نازل والكشاف وكله . |
رد: طريقة لم حمام غواى كتير وتسقيط حمامهم بالجو أعلى غيتك
بس سرقة الحمام حرام
|
رد: طريقة لم حمام غواى كتير وتسقيط حمامهم بالجو أعلى غيتك
اخى انته غاوى حمام ؟ فى نش الحمام دى زى الكورة و الرياضة كده بالظبط ياغالب يا مغلوب اللى حمامه شاطر عمره ماهينزل عند حد انما لو حمامه خايب هينزل وهوه برضه لو انته حمامك خايب هينزل عنده والشاطر هيرجع
امال عاملين المسابقات ليه بتاعت الحمام الزاجل اخى لايطلق عليها مثلما قلت والله يا اخى عاوز تديلهم اللي انته مسكته اديهولهم . ياجماعة بليز لو حد غاوى حمام غية ودخل وشاف الموضوع يصححله ويقوله فى حمامة جامدة مش بتنزل وحمامة ضعيفة بتنزل وماهى الا مسابقة وتقييم مستوى وجودة الحمام اخى الفاضل كان يوجد عندى زغلول من انتاجى عمره 7 سنوات واخذت منه زغاليل وبطيره مع الحمام وبرضه بطير عياله والأب اللى انا بقولك عليه بعد 7 سنوات طاير وعارف المكان واحد جنب منى مسكه عارف عملت ايه خت زغاليله كلها 6 زغاليل وبعتهم ولو جولى تانى همشيهم عشان مسيرهم هيتمسكوا زى ابوهم وانا بربى السلالة القيمة وليست الرديئة يغنى أختبر جمودية حمامك دى مش فراخ دى حمام |
رد: طريقة لم حمام غواى كتير وتسقيط حمامهم بالجو أعلى غيتك
الموضوع جميل بارك الله فيك
ودائما يكون فى اتفاقيات بين الغواة القريبين من بعض اما يتفقوا على ان نزل فرد عند احد غريب يعيده الى صاحبه الاصلى او يتفقوا على اللى ينزل عندى بتاعى واللى ينزل عندك بتاعك ولكن انا من رايى ان لازم الهواة يتفقوا على الاتفاق الاول لانه افضل ويمنع حدوث المشاكل ويزيد من الموده والمحبه بين الناس وفعلا فرد الحمام المتدرب تدريب صحيح والذكى لا ينزل غير على غيته واذا نزل على غية احد غيرك فلا فائده منه لكن لا يجب التسرع فى الحكم على الحمام فممكن ان يتم سحب الزغاليل الصغيره اثناء تدريباتهم الاوليه فبهذا تظلم فرد الحمام |
رد: طريقة لم حمام غواى كتير وتسقيط حمامهم بالجو أعلى غيتك
ده أنته غاوى عقـــــــــــر ايه ده ياجدع أنته غاوي بجد ...... أنته منين على كده ...؟
|
| جميع الأوقات بتوقيت GMT +3. الساعة الآن 04:04 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو