منتديات تو زوو - الفرق بين show line & work line فى الجيرمن شيبرد

السلام عليكم

كتر الكلام فى الفتره الاخيره على الجيرمن
بعضنا يعرف ان خطوط الجيرمن نوعين
( show line ) & ( work line )
والبعض الاخر ميعرفش
وبيقع فى مشاكل كتير اوى
نتكلم الاول عن

show line

باين جدا من اسمه خط الاستعراض
وده نوع كله جماليات
ممكن نشبهه شويه بالطاووس كل ما يزيد فى مواصفاته
والنوع ده من الكلاب الصعبه جدا فى قياساتها وتكويناتها
يعنى كل حاجه فيه بحساب
الالوان بحساب
والطول بحساب
والحجم بحساب
هنسيب ده كله دلوقتى و ناخد مبدأيا الكسحه والديل والعراقيب

ملحوظه هامه جداااااااااااا
كل الكلاب المعروضه فى الصور
لمجرد توضيح الكسحه والديل والعراقيب فقط
وليس لها اى شأن باللون او التناسق الجسدى

ودى بعض الصور للجيرمن شو لاين
ياريت نلاحظ ميل الظهر
وحجم الديل
وطريقه وقوف الكلب
عل قدم الارتكاز او القدم الداخليه
هنلاقيه و مريح نص رجله على الارض
مش واقف على الكف بس
وهى دى العراقيب

[IMG]http://www.x5up.com/upfiles/4Op85417.jpg[/IMG]

[IMG]http://www.x5up.com/upfiles/gbs84375.jpg[/IMG]

[IMG]http://www.x5up.com/upfiles/2qM85417.jpg[/IMG]

[IMG]http://www.x5up.com/upfiles/Ygb85417.jpg[/IMG]

[IMG]http://www.x5up.com/upfiles/vot85418.jpg[/IMG]

للاسف فى بعض الكلاب بيكون موجود عندها كسحه بس وهميه
ودى اسمها ميل
مش كسحه
ونقدر نعرفها عن طريق العراقيب
يعنى لو الرجل مش بتكون واقفه على الارض زى الصور اللى فاتت
بتكون واقفه على الكف بس
يعنى مفيش عراقيب
زى الكلب ده

[IMG]http://www.x5up.com/upfiles/Xh187963.jpg[/IMG]

تعالو نكمل مع النوع التانى

work line

برده واضح من اسمه
خط العمل
والكلب ده مش بنهتم بمميزاته الجماليه
على اد ما بنهتم بقوته العضليه
لانه مالهوش كسحه
ولا عراقيب
وفى معظم الاحيان بيكون ديله قصير نسبيا
و الكلب ده مظلوم جدااااااااااااااااااا
لاننا اخدنا فكره خلاص عن اى جيرمن من غير كسحه ولا عراقيب ولا ديل لامس الارض
بيكون بلدى او مهجن لان الناس فهمت خلاص ان الشو لاين هو البيور
واللى غير كده لا
لا طبعا
معلومه غلط جدا
هو فعلا جيرمن و بيور كمان
بس مواصفاته كده
يعنى اتقل جيرمن او بطل عالم
ممكن ناخد من وراه جراوى وورك لاين
و ممكن ناخد جراوى شو لاين مواصفات تحفه
بس فيها مساحه بيضا كبيره
وده طبيعى جدا
اما بالنسبه للمساحات البيضا بتكون بسبب الجينات الوراثيه
او من نتاج تزاوج الاخوات للاسف

علشان كده لازم نعرف ان كلمه بيور دى احنا فاهمنها غلط جدا
ولازم نعرف ان الورك لاين مش بلدى ولا مهجن يا جماعه
ويارب اكون قدرت اوصلكو الفرق بين الشو لاين والورك لاين اللى صوره تحت

[IMG]http://www.x5up.com/upfiles/jeN88120.jpg[/IMG]

[IMG]http://www.x5up.com/upfiles/sgd88120.jpg[/IMG]

[IMG]http://www.x5up.com/upfiles/J4u88120.jpg[/IMG]

الموضوع منقول لحق الكاتب الاصلي