|
للاسف :: بين الحياة والموت !!
السلام عليكم كيفكم جميعا عساكم بخير ... قبل لا ابدا بالموضوع .. سبحان الذي غرز فينا الرحمه تجاه اي من مخلوقاته سبحان الذي اعطاء المخلوقات الرحمه فيما بينها عندي قط اشتريته من امس .. وكان باين عليه المرض القوي !! اشتريته ب 50 ريال .. لعل انه يتشافى او يموت ويرتاح من البيت اللي كان عندهم:mad::mad: النوع - ذكر او انثى .. لا اعلم عنه شئ كانت حالته يرثى لها ..!!:( خملان .. وقذر لدرجه لا تستطيع تصورها:( لا يقوى على اي حركة !! ينظر فيك نظرات -- ابي رحمه وابي اهتمام --:( تقيمي لحالة القط الاذان متسخه جدا لونها الداخلي اسود !! حالة التنفس صعبه جدا جدا جدا !! اسمع صوت خرير الصدر كانه مليان بلغم ويتنفس وهو فاتح الفم قليلا ! شهية الاكل معدومه .. حطيت له باقيا لحم دجاج ولا اكل منها حطيت له دراي فود ونفس الشئ ما شفت اخذ الا ماء فقط ! ويمكن ما تجي حتى 1 سنتم ! دايم خملان ومنسدح وان دخلت عليه يمو مو :p بس بصوت لا تكاد تسمعه من كثر تعب الصدر العين اليمنى ما يقدر يفتحها دايم مسكره وكلتا العينين عليها بقع سوداء يا بسه وعلى الخشم كذلك .. انا كنت ناوي اروشها .. بس صراحه خفت اني ازيد الطين بله واتعبه زياده جربت معه اعطيه اي اكل حتى التونه فتحت له علبه لاني اعرف ان ريحتها قويه ودايم القطط تشتهيها بقوه .. لكن ما حرك ساكن ولا اكل شئ !! اذا كان قاعد وجيت لمه ومسحت على راسه احس انه يون من التعب !! اذا دفيت راسه شوي على وراء احسه ما يقدر يمسك عمره وينام على الارض بشكل كامل وكانه مسلوب الحركه او معاق والله يا اخوان اني في حياتي ما عطفت على حيوان كثر هذا لدرجه اني طفشان شوي اخاف يموت بسبب تقصير مني الان لسى ما كمل 24 ساعه بالبيت بالبيت عندي قط ثاني يعاطس بشكل قوي كانه راعي غنم:88: ويطلع من خشمه هذاك الشئ :wao: لدرجه اني من اول مزكوم شويات واحس جاني رشح وصرت اشك فيه انه نقل لي العدوى طبعا الاثنين ذولا كلهم من حراج الطيور وعزلتهم عندي كل واحد في مكان ... بالمرفقات صور القط التعبان مره واعذروني التصوير من جوال http://www.2zoo.org/get-11-2009-2zoo_org_f53kblbt.jpg http://www.2zoo.org/get-11-2009-2zoo_org_nza9ckcq.jpg http://www.2zoo.org/get-11-2009-2zoo_org_c3wdyadf.jpg |
رد: للاسف :: بين الحياة والموت !!
ماآقول الا حسبي الله ونعم الوكيل على كل واحد يتجرد من آنسانيته علشان حفنة فلوس لابارك الله فيهم ولاكثر من آمثالهم آشباه البشر .. آخوي العزيز آنت خذيته علشان تعالجه ولا تحطه بالبيت ؟! لآن القط محتاج علاج ضروري وعندي شك كبيره معاه التهاب رئوي ،، والآنف والعيون محتاجه تنظيف بشكل عاجل علشان يتنفس آول شي نظفهم بمنديل ومويه دافيه وممكن تظيف رشة ملح ،، الملح معقم ومطهر .. وبعدين أذا قدرت وحبذا تجيب من الصيدليه البشريه قطرة آنف للمواليد وتقطره قطره وحده بفتحه وحده من الآنف .. وآرجع آعيد القط يحتاج مضادات حيويه .. الآبره لحالها تحت الجلد ماآعتقد تكلف آكثر من 20 ريال ومضاد حيوي بيتاموكس قيمته 30 ريال وهو عن طريق الفم تاخذه معاك البيت وتعطيه مرتين باليوم .. ولو عندك قطط سليمه ضروري العزل ،، السليم عن المريض والأكل لو تقدر بس تعطيه زبادي بالسرنجه آو دجاج مفروم مع موية السلق آو محلول بيبي لايت للجفاف لآن محتاج يتعوض سوائل بس آنتبه تشرقه لآنه مو ناقص سوائل بصدره .. وآستمر بآعطائه آكل رائحته قويه علشان يجذبه وآنت لما تنظف له خشمه آن شاءالله بيشم الريحه وتفتح شهيته بس لآن الحين مايشم شي آبداً والبخار بعد مفيد مع ملعقة فيكس صغيره بيفتح الشعب الهوائيه عنده .. وأحتياط غسل آيدك بعد كل تعامل معاه .. والله يوفقك على هالمعروف ويكثر من آمثالك ولايحرمك الأجر العظيم .. |
رد: للاسف :: بين الحياة والموت !!
اقتباس:
القط اول شئ معزول تمام عن غيره بغرفه خاصه فيه هو حاولت انظف العين والانف زي ما قلتي لكن كان شرس معاي وعضني والحمد لله على كل حال طبعا صراحه تغير لون المنديل .. فقلت مالي الا بعد صلاة العشاء اوديها واعالجها والله من وراء القصد |
رد: للاسف :: بين الحياة والموت !!
اوف
والله شكلو معدوم طمنا عليه ايش قال الدكتور |
رد: للاسف :: بين الحياة والموت !!
يب يب
طمنا ايش قال الدكتور وايش اعطاه وياليت تصور البسه وهيا عند البيطرى تحياتى لكـ |
رد: للاسف :: بين الحياة والموت !!
استغفر الله العظيــــم
يعني شنــو .. ماخذينه عشان يكشخون فيه . !. حــرام والله عليـهم .. وبسـم الله عليه بــاين جمميــل :( .. حسبي الله عليهم اخــوي مابعرف لو وديـته البيـطري ولا لا للحــين بس عيـنه وخشمه نظفهـم .. ماعليش هو يمكن يتضــايق بس خلي أحد يساعدك .. يمسكه من جلدته الزايده برقبته .. وانت نظف وجهه عيـونه بمنديل مبلل بشاي دافي بدون سكر .. وأنفه بمنديل مبـلل مــــاي .. بس لاتقســي عليـه وانت تنظفه .. أقصد لاتضغط كثيررر عند عيونه وأنفه .. لان الوســخ بـاين له مـــــــده فـ مراح يقوم بسهوله معـك اجلس امسح امسح امسح لين مايلين معك ويقــووم .. وكويس ماروشته .. لانه مسكين مافيه حيـل ياخذ بررد .. اذا مره متووسخ .. بلل فووطه وامسسحه .. وضــروري ضـرووري توديـه البيطري عشان الأعــراض الثــانيه .. وصحيح البخـار ترا كثير كثير بينفعه .. بس راح يتعبك شوي لانه مو متعود عليك بس مـاعليش .. حتى لو استدعى الأمـر تلفه بفــوطه وتخلي وجهه مكشـوف عشان تتحـكم بحركته .. والله يجــــازيك يــارب على رحمتك بهالمسسسكـين طمـنـا عنه .. |
رد: للاسف :: بين الحياة والموت !!
ياااااااااالله على هيك بشر :mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad: شو هيدا بس ليش هيك الله لايسامح هيك بشر:mad: خيو انت بس اهتم فيه منيح ووديه البيطري بس ياريت يكون منيح وتسال كتيييييير وهيك انه تعرف كيف تعتني فيه وان شاء الله ان شاء الله مافيه الا العافية وجد شكراا الك وانه بعدو بها الدنيا ناس متلك الله يوفقك ويشفيه هالبس:( شكرااا جد الك |
رد: للاسف :: بين الحياة والموت !!
السلام عليكم اخي الكريم جدا يصعبنا هذا الحال وصدقني قلوبنا معاك حتى لو اننا لانعرفك فنحن أخوه في الأسلام وندعيلك بالخير من كل قلوبنا ياخوي الأخوات الفاضلات المشرفات ماقصروا بالرد جزاهم الله ألف خير وأن شاء الله تطمنى على صحته أول بأول وبعد لو تروح البيطري وتقول لنا وش قال والصبر مفتاح الفرج وكل هذا في ميزان حسناتك لأنك قاعد اتساعد حيوان وتسعى الى شفائه بأذن الله قلوبنا معك اخي الكريم |
رد: للاسف :: بين الحياة والموت !!
آيوه آخوي ماخبرتنا آيش عليه ؟! ومثل ماقالت سيسي لاتروشه آبداً حتى يتشافى بأذن الله ،، ولا تعرضه للهوا البارد وحاجه بالنسبه للبخار مو شرط تقربه من المويه آذا هو مايخلي لك مجال تتعامل معاه فـ فيه طريقه حلوه وسهله وهي بعد ماتسخن المويه الحاره وتضيف لها الفيكس تاخذ منشفه وتبللها بالمويه وتقربها منه وتخليه يستنشقها وتستمر بهالطريقه الى مدة عشر دقايق .. مرتين الى 3 مرات باليوم كحد آقصى بيعزز عملية التنفس معاه .. طبعاً مع عمل المضادات الحيويه .. والوسخ اللي بعينه وآنفه بما آنه ماترك لك مجال تنظفه آكيد تألم ،، لآن الوسخ قاسي وماسك بالجلد آنا آذا بنظف مثل كذا وسخ ثقيل وماسك بقوه آولاً ،، آبلل الوسخ بمويه دافيه وآخليه دقيقه آو دقيقتين علشان يلين وبعدين آرجع آمسح له مره ثانيه بمنديل مبلول آو قطن وبينشال معاك آسهل .. |
رد: للاسف :: بين الحياة والموت !!
مرحبا اخي الله يعطيك العافية وجزاك الله خير .. اولاً احب ان اشكر خواتي اَنــــو , sis_moon , josy ماقصرو في الأجابة .. و احب اضيف على كلامهم من الي انا سمعته منك والي شفته في الصورة .. ان القط يعاني من التهاب الأذنين .. و قد تعرض لوجود براغث الأذن صغيره و وصخ .. وهذي زحفت من شد الأهمال الى الرئة مما سبب له التهاب و نتج عنه الزكام .. وكثرة العطس مع خروج وسق من الأنف وتحريك الرأس بشكل نصف دائرة عند العطس .. يمين و يسـار وكأنه سوف يموت .. وطبعاً تأثرت العينان منه .. وعلاجة يتطلب وقت اخي و احتمال علاجة يستمر اسبوع ليستعيد صحته .. و تستمر في علاجة الى مدة شهر .. وهو كـ التالي .. مضاد عن طريق الفم مرتان يومياً لمدة 7 ايام .. بدعمها بـ ابره من البطري .. تنضيف الأذن مره في اليوم كـ حد ادنى بمساعدة قطرة الأذن للفـائدة .. تنظيف العينان مرتان في اليوم .. بماء غسول الخاص للعينين لكسب نتيجة افضل و اسرع .. والباقي مثل ما قالو لك الأخوان .. واتمنى من الله ان يوفقك ويشفي القط وجعله في ميزان اعمالك .. ولي عوده .. وفي انتـظار اخبـارك بإذن الله .. |
| جميع الأوقات بتوقيت GMT +3. الساعة الآن 02:34 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو