منتديات تو زوو - بالله عليكم ساعدوني بسرعه ضرورييييييييييي جدا

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

بالله عليكم ساعدوني بسرعه ضرورييييييييييي جدا

السلام عليكم ورحمة الله وبركاته

انا عندي قطه عندها حوالي 11 شهر

القطه كانت كويسه جدا هيه شيرازي وعندنا قط مقيم امام البيت وبناكله ونرعاه بس بدون ما يدخل البيت بس في نصف رمضان اللفات دخل وللاسف حصل حمل لقطتي
المهم كانت كويسه جدا وبتاكل كويس جدا وقبل معاد الولاده بيوميين رفضت الاكل والشرب وحاسيت كان فيه بلغم كثير في زورها فعطيتها اموكسيليين 125 مرتيين كل 12 ساعه وعطيتها ميوكوسول للبلغم برده كل 12 ساعه ومكنتش عارفه ان ده بيؤثر على الحمل المهم ثاني يوم من الدواء كان معاد الولاده وانا طبعا مكنتش اعرف معاد الولاده بالظبط لاني مكنتش اعرف الحمل حصل يوم ايه بالظبط انا كنت لسه في مرحلة الشك من الحمل ام لا وبكدب نفسي وبكدب علامات الحمل خصوصا ان اول مره اشوف قطه حامل
المهم كانت ولادتها صعبه جدا وبدات بكيس مدور نصه بره ونصه جوه وفضلت اكثر من 6 ساعات مش عارفه تتصرف ولما اشيلها الاقي دم حاولت انا واخي وامي مساعدتها وتم شد هذا الكيس وكل ده وهيه رافضه الاكل والماء من يوميين وانا باكلها بالسرنجه وبعطيها الماء والمحلول بالسرنجه وولدت بعد 12 ساعه بمساعدت اخي ثلاثه 2 ماتوا بعد الولاده وواحد عاش ومات بعد ثلاث ايام لانها مكنتش بتجيب لبن ولا بلرضعه وساعات تسيبه سقعان وتقوم من عليه وتنام بره الكرتونه وانا ادخل اقعدها شويه وتهدى وتفضل قعده لحد ما مات من عدم الرعايه رغم ان كنت برضعه لبن خاص للاطفال
بس انا زعلانه على قطتي عدى اسبوع على الولاده ولحد الان كئيبه وحزينه ورافضه الاكل والشرب واللعب بس اليقرب منها ويحنو عليها ويطبطب عليها تقوم تقرقر وانا باكلها وبشربها بالسرنجه
هيه معندهاش اي اعراض غير البلغم الكثير الموجود في صدرها وكانت درجة حرارتها بتعلى بس دلوقتي كويسه ارتفعت الحرارهبس لحد ثالث او رابع يوم من الولاده

انا خلصتلها الاموكسليين كل 12 ساعه ومعاه برده ميوكوسول بس فيه دكتور قالي الاموكسليين لم يؤثر لان المفروض كان كل 8 ساعات واعطيها خمسه سم
وعطاني سبترين كل 8 ساعات 3سم وعطاني برونكوفين كل 8 ساعات 3 سم وعطاني نقط برونكوسول 25 نقطه كل 12 ساعه

بس برده لسه رافضه الاكل والشرب ولولا محلول الجفاف كان زمانها تعبانه بس انا بعطيها فيتامين للاطفال وبحاول ائكلها احط مثلا الكبده في بقها وهيه بتبلعها ساعات بتغلبنب جدا وساعات بتاكل بس ما بتحاول هيه تاكل لوحدها ولو وقع الاكل من بقها ما بتجيبه حتى الماء ما بتشربه لوحدها

ملحوظه درجة حرارتها الان كويسه وبتتنفس من انفها طبيعي
ووديتها للدكتور بعد الولاده بيوم عطاها حقنه قال هتنظف الرحم لو فيه اي شئ

الدكتور قالي الان لازم نعمل اشعه على الجهاز التنفسي ضروري وانا خايفه عليها وخايفه للدكاتره تلخبطلي بالله عليكم افيدوني بسرعه