|
شلون اعود قطوتي على قطوة جديده
مرحبا بالجميع
عندي قطوة عمرها سنه وشهرين واليوم جبت قطوة عمرها سته شهور تقريبا لكن قطوتيي نفخت وبغت تهجم عليها وصارخت ولمن شلت القطوة الجديده وحطيتها بغرفه برووح رحت لقطوتي ولا انحاشت ونخشت تحت الكبت صار لها ساعه وكل ما اناديها ماتطلع ماكو فايده يعني شلون اخليهم يتعودين على بعض للعلم انهم نثايه وشكرا لكم |
رد: شلون اعود قطوتي على قطوة جديده
هو اسبوع وان شاء الله ياخذو علي بعض
بس خليهم جمب بعض يعني بغرفه واحد |
رد: شلون اعود قطوتي على قطوة جديده
واذا ضربوا ببضع ؟
:( |
رد: شلون اعود قطوتي على قطوة جديده
يــــووه ذكرتني بمعـاناتي مع لودي وإيما
إيما مييييييييت على لودي ويلاحقه من مكـان لمكـان ولودي مــــــــرررررره خــايف وماغير يبخ وينفخ بوجه إيما وطق مطــاقق .. وماغير ألاحق فيـهم ومن يبخ لودي أنقـز أنا وأصرخ و أفك بينهم وحاله حاله .. المهـــــم شوف أخـوي انا بقولك الأشياء الي جربتها والحمدلله نفعت وكلها يمكن يومين ونص الا وهم متعـودين على بعض كنت لما أأكلهم مثلا جبن .. آخذ جبنه وحده بس واقربهم منهم هم الأثنين فـ يـاكلون وهم مررره قراب من بعض لما بلعبهم .. ويـــا بعض لما بمسسسح عليهم مع بعض .. وأحيـانا بنفس اليد عشان البس الثـاني يشم ريحه البس الأول بيدي حطيت لهم بودره ريحتها قويه .. هي خاصه بالقطط .. ولاحظت بعدهـا هدووا كثير لان ريحتهم صارت مشترركه .. بعدها إيما راح نام ويا لودي ولودي ماسوا شي .. وكنت لما أشوف بينهم اشتباكات قــوويه .. كنـت احبس واحد فيهم في بـوكس .. لين مايهدوون وأرجع أفكــهم وبالمره الثـانيه أحبس البس الثــــاني لين يهدوون وأرجع أفكــهم .. وكذا والحمدلله يومين ونص و خلصت المـعـاناه بس انت لاتـاخذ بمده قطـواتي قــاعده .. لان تختلف ااطبـاعهم عن بعض .. يعني ممكن قطواتك يتآلفون قبل وممكن بعــد .. وتـرا حتى لو انت ماسويت شي .. بتهدى أمورهم بينهم وبين بعض بكم يــوم .. بس هالأفعــال .. راح تســـاعد وبالتــوفيق يـارب |
رد: شلون اعود قطوتي على قطوة جديده
كـــــــــــلام سيسي مـــوون صحيح
بـــس انتبه لا تمســح وتهتم بوحــده منهم أكثـــر من الثانيــه لأنه رح يسبب الغيـــرة مــره صار معـــاي نفس الشــي اهتميت بوحــده أكثر من الثانيــه بس كانت جديده وتعبانه بالبدايه كانـــت بس تغــار لم تشوفني اهتم بالقطوه الجديده التعــبانه بعد بعد يوم جاتــها حالــة اكتئاااب وبالقـــوه طلعــت من الحالــه يعني دييير بالـــك بالتوفيــق |
رد: شلون اعود قطوتي على قطوة جديده
:)
شكرا على الردود حبستهم بغرفه وحده وحطيت الاكل والماي وليتر بوكس وماطقو بعض الحمدلله بس ينافخوون ويعاووون لكن قطوتي القديمه قاعده برووحه منخشه ولمن طلعتها من الغرفه انحاشت ونخشت تحت الكبت مو راضيه تطلع والقطوة الجديده عادي تتمشى البييت جنها صاحبته :) شلون الحين على قطوتي القدييمه مختفيه من امس وتنحاش مني شسوي :( |
| جميع الأوقات بتوقيت GMT +3. الساعة الآن 01:52 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو