|
حصلت الي بغيته
اخواني اخيرا خذيت هامستر مع اني كنت متردد وودي اجرب تربيته المهم خذت ذكر ونثيتين كلهم نوع سوري المهم
النثيات دايما يتهاوشون وفي وحده شريه عدل واتعض وعضتني وطلعت دم المهم فصلته الحين امخلي الذكر مع النثيه في القفص الرئيسي والحمدلله مافيهم شي يعني ما يتهاوشون فما ادري اشلون اقدر ازاوجهم؟ لو فصلتهم اصير التزاوج اسرع؟ واليوم لاحظت ان النثيه ما خذه كل الااكل الي حاطله وموديته في الانفاق (نفق الهامستر الي ايي مع القفص) والله ودي اشوف اعيالهم انتظر ردودكم:) |
رد: حصلت الي بغيته
الف مبروك عليج الهامسترات اليديده
وراح تستمتعين بتربيتها وهل انتي متاكده انهم سوري اذا سوري وتقدرين يبدلينهم خذي لج الروسي احسن يعيش بالجماعات وانظف من السوري السوري حلو شكله وحجمه وفيه الوان اكثر من الروسي عموما السوري ما يجتمع مع بعض الا وقت التزاوج وغير كذا لازم تفصلينهم عن بعض وبالنسبة لقصة الاكل في الانفاق فهذا معروف عند الهامسترز انه يخزن طعامه اتمنى اني افتدك وشكرا |
رد: حصلت الي بغيته
مشكور اخوي على الرد وما قصرت
انا ودي اربي الروسي بس مو متوفر عندنا والحلو الي في السوري انه كان شعره طويل اشوي بس متى اوقات التزاوج؟ |
رد: حصلت الي بغيته
الذكر والذكر مايعيشون مع بعض لازم يتهاوشون لين واحد منهم يموت ونفس الشي للأنثى
اذا حابه انهم يتزوجون أسعر أفصلي الذكر عن الانثى تقريبا اسبوع ورجعيها وراح يصير التزاوج واذا ماصار يعني الذكر بعده صغير |
رد: حصلت الي بغيته
ألــــف مبــــــرووووووووكـ
ممكن بعد أسبــــوع او أكثــر تقولي لي كيـــف تربيتهــم لاني أبغى اشتر زوج روسي بس متردد |
رد: حصلت الي بغيته
مشكورين على الردود
عزوووز لا تتردد بالروسي روح اخذه احسنلك من السوري لان صج لاحظتهم اشوي وصخين وشريين ولو انا كنت امحصل روسي كان خذيت |
رد: حصلت الي بغيته
westlife
انا ابغى اخذ بــس فيه حاجات اضن انها صعبه علي مثــل 1. انه اذا حملت الانثى لازم افصل الذكـر احس تربيته يبغالها وفت وانا ماني فاضي الاختبارات على الابواب |
رد: حصلت الي بغيته
مبروووووووووووووووووووكـ westlife :) المهم كل هامستر (سوري) المفروض يكون له قفص بروحه أو حوض أو العلب البلاستك الكبار مع العجلات .. و التزاوج يكون بعد 94 ساعة من الفصل (الفترة النموذجية) .. تربية موفقة :) |
رد: حصلت الي بغيته
الف الف مبروك اختي westlife
ترى فيه هامستر روسي في سوق الحمام بس مدري كم اسعارهم |
رد: حصلت الي بغيته
الف الف الـــــــــف مبروك يا ويست لايف...:)
ونتمنى لج السعاده معهم...:) تحياتي,, |
| جميع الأوقات بتوقيت GMT +3. الساعة الآن 05:39 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو