|
قطتي تصدر صوت غريب من بطنها او من تنفسها لا ادري !!؟
السلام عليكم .. قطتي جـديدة اشتريتها ولها اسبوع فقط !.. لا ادري كم عمرها 0_0 لكن اعتقد انها صغيرة .. لكن نوعها مثل مايقول صاحبها فهي فرنسية !!.. قبل يومين تصدر الصوت كصوت الشخير او اقل منه والقطة تمويئ (تقول ميو ميو :confused: ) .. مادري ماسبب هذا ؟؟.. وكيف استطيع معرفة عمرها وكيف تطعيمها ومتى ؟.. \\ ارجو الرد في اقرب وقت .. |
رد: قطتي تصدر صوت غريب من بطنها او من تنفسها لا ادري !!؟
ياهلا معظم القطاوه تصدر شخير لما تنام او لما تمسح عليها بيدك مافيها شر ان شاء الله وكل القطاوه تقول ميو ميو اذا كانت قطوتك تمشي وتونون طول الوقت يمكن تبي تروح الحمام الله يعزك.. اما بخصوص طعام القطوه راح تحصله في قسم القطط.. اتمنى اني افدتك ببعض المعلومات البسيطه حسب الخبره.. |
رد: قطتي تصدر صوت غريب من بطنها او من تنفسها لا ادري !!؟
اوكي مشكور على الرد :o ..
وبخصوص الطعام انا قصدت التطعيم والا الطعام :D .. وهل استطيع تقليم اظافر القطـة ؟؟ .. فهي تمخش الكنب :confused: وحتى لما اقرب يدي من عندها تضربني:D .. بس بشويش :D .. وتلاحق الارنب الي عندي :D بس ماتسوي له شي :p . . هل تصرفها عادي ام تصنف على انها شرسة :confused: . . وهل تستطيعون معرفة نوعها اذا ارفقت لكم صورة لها ؟.. |
رد: قطتي تصدر صوت غريب من بطنها او من تنفسها لا ادري !!؟
بخصوص الطعام قصدي التطعيم :p هذا رابط موضوع عن تطعيم القطط للاخ قطو كويتي.. 77 http://www.2zoo.com/vb/showthread.ph...3+%C7%E1%DE%D8 اما بخصوص الاظافر تقدر تقلم الاظافر .. قطوتك شوي شرسه حاول دايما تلعب معاها علشان ترتاح لك وكلما حاولت تضربك بمخالبها او تهجم على الارنب حاول تهاوشها او تضربها على يدها بالخفيف علشان ماتعاودها مره ثانيه.. تقدر اخوي ترفق لنا الصوره وان شاء الله الاخوان والاخوات ماراح يقصرون معاك وراح نخبرك بنوع القطوه.. بالتوفيق |
رد: قطتي تصدر صوت غريب من بطنها او من تنفسها لا ادري !!؟
هلا اخوي
بالنسبه للتطعيم بعمر شهرين لها تطعيمه بعمر شهرين اسمها الرباعيه بعدها بعمر 3 شهور لها تطعيمه اسمها منشطه للرباعيه بعدها بشرين او بشهر تطعيمه اسمها الرايبوز او السعر بالنسبه انه تضربك اصبر عليها شوي خلها تتعود عليك وصوت الشخير عادي جدا يدل ان القطوه مسترخيه وحط صورها علشان نعرف عمرها ونوعها والف مبروك القطوه تتربى بعزك |
رد: قطتي تصدر صوت غريب من بطنها او من تنفسها لا ادري !!؟
وعليكم السلام.. مبارك عليك القطة الجديدة:) .. الأخوات ماقصروا;) .. و أود أضيف أنه بالنسبة للصوت إلي تطلعه القطوة.. فهو يدل على السعادة و الإسترخاء:) .. أما كيفية إصدارها لهالأصوات.. فبعض العلماء يعتقدون ان حلق القط به مجموعة اضافية من الاحبال ( الاوتار ) الصوتية ... وعندما يريد القط ان يقرقر او يدمدم فانه يحرك هذه الاوتار بطريقة معينة فيجعها تتذبذب فيصدر هذا الصوت... |
| جميع الأوقات بتوقيت GMT +3. الساعة الآن 05:31 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو